தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கமல், விஜய், அஜித், சூர்யா படங்களை தயாரித்த முரளிதரன் காலமானார்.
இதனையடுத்து திரைப்பட தயாரிப்பாளர் சங்கத்தின் சார்பில் இரங்கல் அறிக்கை வெளியிட்டுள்ளது.
அதில்…
தமிழ் திரைப்பட தயாரிப்பாளர் சங்கத்தின் தலைவர் என் ராமசாமி தலைமையில் நிர்வாகிகள் அறிக்கை வெளியிட்டுள்ளார்கள் அதில் தமிழ் திரைப்பட தயாரிப்பாளர்கள் சங்கத்தில் பொருளாளராக சிறப்பாக செயலற்றியதை அடுத்து தேர்தலில் தலைவராக வெற்றி பெற்று சிறப்பாக பணியாற்றிய எல் எம் எம் என்று எல்லோராலும் பிரியமாக அழைக்க பட்டு வந்த லட்சுமி மூவி மேக்கர்ஸ் நிறுவனத்தின் பங்குதாரருமான கே. முரளிதரன் அவர்கள் இன்று டிசம்பர் 1 கும்பகோணம் அருகே நாச்சியார் கோயிலில் காலமாகிவிட்டார் என்ற செய்தி கேட்டு திரையுலகமே அதிர்ச்சிக் குள்ளாகியுள்ளது.
அவர் கமலஹாசன், விஜயகாந்த், பிரபு, கார்த்திக், சரத்குமார், விஜய், அஜித், சூர்யா ஆகியோரது படங்களான அன்பே சிவம், வீரம் வெளஞ்ச மண்ணு, மிஸ்டர்.மெட்ராஸ் கோகுலத்தில் சீதை, அரண்மனை காவலன், வேலுச்சாமி, ப்ரியமுடன், பகவதி, உன்னிடத்தில் என்னை கொடுத்தேன், உன்னை நினைத்து ஆகிய மிகப்பெரிய வெற்றி படங்களை தயாரித்தவர் என்பது குறிப்பிடதக்கது.
அவரது மறைவு திரையுலகத்திற்கு மிகப்பெரிய இழப்பாகும், அவரை இழந்து வாடும் குடும்பத்தாருக்கும் நண்பர்களுக்கும் ஆழ்ந்த இரங்கலை தெரிவித்து கொள்கிறோம்.
அவரது ஆன்மா சாந்தியடைய எல்லாம் வல்ல இறைவனை வேண்டி கொள்கிறோம் என்று அந்த அறிக்கையில் தெரிவித்து உள்ளனர்.
கூடுதல் தகவல்..
லக்ஷ்மி மூவி மேக்கர்ஸ் தயாரிப்பாளர்களில் ஒருவரான கே.முரளிதரன் 65 இன்று மாரடைப்பால் காலமானார். கும்பகோணம் நாச்சியார் கோயிலுக்கு மனைவியுடன் சாமி தரிசனம் செய்ய சென்றிருந்தார்.
படிகட்டில் மயங்கி விழுந்த அவரை உடனடியாக ஆஸ்பத்திரிக்கு கொண்டு சென்றனர். அங்கு அவர் இறந்ததாக டாக்டர்கள் அறிவித்தனர். இவர் தமிழ் தயாரிப்பாளர்கள் சங்க தலைவராகவும் பதவி வகித்தவர். இவரது மனைவி பெயர் உத்ரா முரளிதரன், மற்றும் கோகுல், ஶ்ரீவத்சன் என இரண்டு மகன்கள் உள்ளனர்.
Lakshmi Movie Makers
Selvaragavan, dhanush #pudhupettai,
Kamal #AnbeSivam,
Vijay #bhagavathi, #priyamudan,
silambarasan #Silambattam,
Karthik #UnnidathilEnnaiKoduthen,
Sarathkumar #veluchami,
Ajithkumar #unnaithedi,
Ahathiyan, Karthik #GokulaththilSeethai
Bharathiraja #KangalaalKaidhusei ,
Fazil #OruNaalOruKanavu,
Jayamravi # #Dass,
Prabhu #Mr.Madras,
Vijayakanth #VeeramVilanjaMannu,
Prabhudeva #UllamKollaiPoguthae,
Suriya #UnnaiNinaithu
இப்படி 27 படங்களை சூப்பர் ஹிட் படமாகவும், பிரமாண்ட படைப்பாகவும் கொடுத்த நிறுவனம் லக்ஷ்மி மூவி மேக்கர்ஸ். ரஜினி தவிர பிரபல நடிகர்கள் அனைவரும் இந்த நிறுவனத்தில் நடித்துள்ளது குறிப்பிடத்தக்கது.
Producers council condolence message for Producer Muralidharan