By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
ஒவ்வொரு சினிமா நடிகருக்கும் ஆஸ்தான தயாரிப்பாளர் ஆஸ்தான இயக்குனர் என்பவர் ஒருவர் இருப்பார்.
அதுபோல ஒவ்வொரு தயாரிப்பு நிறுவனத்திற்கும் ஆஸ்தான நடிகர் ஒருவர் இருப்பார். அவரை வைத்து பல படங்களை அந்த நிறுவனம் தயாரிப்பது வழக்கம்.
நடிகர் அஜித்துக்கு ராசியான ஆஸ்தான நிறுவனம் என்றால் அது நிக் ஆர்ட்ஸ் என்ற நிறுவனம்தான். இதன் உரிமையாளர் எஸ் எஸ் சக்கரவர்த்தி.
இவர் அஜித் நடித்த பல படங்களை 1990களில் தயாரித்தார். அஜித் நடித்த முகவரி, வாலி, சிட்டிசன், ராசி, வரலாறு, ரெட், வில்லன், ஆஞ்சநேயா, ஜீ உள்ளிட்ட 9 படங்களை தயாரித்து இருக்கிறார்.
ஆனால் ஒரு கட்டத்தில் இருவருக்கும் ஏற்பட்ட கருத்து வேறுபாடு காரணமாக தங்களது கூட்டணியை முறித்துக் கொண்டனர்.
சிம்பு நடித்த ‘காளை’ மற்றும் ‘வாலு’ ஆகிய இரு படங்களையும் இதே நிறுவனம்தான் தயாரித்து இருந்தது. மேலும் விக்ரம் நடித்த ‘காதல் சடுகுடு’ என்ற படத்தையும் எஸ் எஸ் சக்கரவர்த்தி தயாரித்திருந்தார்.
2015க்கு பிறகு தற்போது நிக் ஆர்ட்ஸ் நிறுவனம் படங்களை தயாரிப்பதை நிறுத்திக் கொண்டது.
எஸ் எஸ் சக்கரவர்த்தி கடந்த சில மாதங்களாகவே கேன்சர் நோயால் பாதிக்கப்பட்டிருந்தார்.
இந்த நிலையில் சிகிச்சை பலனின்றி இன்று ஏப்ரல் 29ஆம் தேதி
எஸ் எஸ் சக்கரவர்த்தி காலமானார். இவரது உடல் இன்று மாலைக்குள் அடக்கம் செய்யப்படுகிறது.
இந்த செய்தி திரையுலகினர் மத்தியிலும் அஜித் ரசிகர்கள் மத்தியிலும் பெரிய சோகத்தை ஏற்படுத்தும்.
பிரசாந்த் பாண்டிராஜ் இயக்கி விமல் நடித்த ‘விலங்கு’ என்ற இணையத் தொடரில் காவல் அதிகாரியாக எஸ் எஸ் சக்கரவர்த்தி நடித்திருந்தார் என்பது குறிப்பிடத்தக்கது.
SS Chakravarthi
Old no 42 new no 36,
New bangaru colony street,
west kknagar (Near Gemini lab)
Chennai.
Producer Nic Arts SS Chakravarthi passes away
