தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஜிப்ஸி ராஜ்குமார் இயக்கத்தில் பாக்யராஜ், பொன்வண்ணன் முக்கிய வேடங்களில் நடித்துள்ள படம் அய்யனார் வீதி.
சாட்டை யுவன் நாயகனாகவும், ஷாரா ரெட்டி நாயகியாகவும் நடித்துள்ளனர்.
இவர்களுடன் சிங்கம்புலி, மீரா கிருஷ்ணன், முத்துக்காளை உள்ளிட்டோரும் நடித்துள்ளனர்.
யு.கே.முரளி இசையமைக்க சக்திவேல் ஒளிப்பதிவு செய்திருக்கிறார்.
ஸ்ரீசாய் சண்முகா பிக்சர்ஸ் சார்பில் செந்தில்வேல் தயாரித்திருக்கிறார்.
இந்நிலையில் இப்படத்தின் ட்ரைலர் மற்றும் இசை வெளியீட்டு விழா நடைபெற்றது.
இவ்விழாவில் படக்குழுவினருடன் ஐகோர்ட் நீதிபதி, நடிகர் ஜெய் ஆகாஷ், இயக்குனர் பேரரசு, தயாரிப்பாளர்கள் தானு, ஆர்.கே. சுரேஷ் உள்ளிட்டோர் கலந்துக் கொண்டனர்.
இதில் கலந்துக் கொண்ட இயக்குனர் பேரரசு பேசும்போது…
“எம்ஜிஆருக்கும் பாக்யராஜ்க்கும் சில ஒற்றுமைகள் உண்டு.
இருவரையுமே பெண்களுக்கு அதிகம் பிடிக்கும்.
பாக்யராஜை எம்ஜிஆர் தன் திரையுலக வாரிசாக அறிவித்தார்.
இதற்கு மற்றொரு காரணமும் இருக்கும் என நம்புகிறேன்.
எம்ஜிஆர் தன் படங்களில் தாயை உயர்வாக சித்திரித்து இருப்பார். அவரது பெரும்பாலான படங்களின் தலைப்புகளில் தாய் என்ற வார்த்தை இருக்கும்.
அதுபோல் பாக்யராஜ் தன் படங்களில் தந்தையை உயர்வாக சித்தரித்து இருப்பார். இதுவும் ஒரு காரணம் என நான் நம்புகிறேன்.” என்று பேசினார்.
Perarasu speech about MGR and Bhagyaraj at Ayyanar Veethi press meet