By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
தமிழகத்தில் எப்போதுமே அரசியலுக்கும் சினிமாவுக்கும் தொடர்பு நீண்ட காலமாக இருந்து வருகிறது.
சினிமாவில் ஜொலித்த பல நட்சத்திரங்கள் அரசியலில் நுழைந்து சாதனை செய்திருக்கின்றனர்.
எம்ஜிஆர், ஜெயலலிதா, விஜயகாந்த், கமல்ஹாசன், சரத்குமார் உள்ளிட்ட பல நடிகர்களும் அரசியல் களத்தில் ஜொலித்தனர். அதுபோல அரசியலில் பிரபலமான சிலர் அவ்வப்போது சினிமாவிலும் நடித்து வந்துள்ளனர்.
தற்போதைய தமிழக முதல்வர் மு க ஸ்டாலின் ஒரு காலகட்டத்தில் சினிமாவில் நாயகனாக நடித்தவர் தான். அதுபோல விடுதலைச் சிறுத்தை கட்சி திருமாவளவன் சினிமாவில் நடித்துள்ளார்.
இந்த வரிசையில் தற்போது இந்திய கம்யூனிஸ்ட் கட்சி மாநிலச் செயலாளர் முத்தரசனும் ஒரு படத்தில் நடித்துள்ளார். இந்த படம் விவசாயத்தை மையப்படுத்தி எடுக்கப்பட்டுள்ளது.
விஜயகுமார் என்பவர் இயக்கத்தில் உருவாகும் ‘அரிசி’ திரைப்படத்தில் நடித்து வருகிறார். இந்த திரைப்படத்திற்கு இசைஞானி இளையராஜா இசையமைக்கிறார் என்பது கூடுதல் தகவல்.
Politician Mutharasan debut movie Arisi
