தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மலையாள சினிமாவில் முன்னணி நடிகர்களில் ஒருவர் மம்மூட்டி.
கடந்த 40 வருடங்களுக்கு மேலாக 393 மலையாள படங்களிலும் மற்ற மொழிகளை சேர்த்து 420 படங்களிலும் இவர் நடித்துள்ளார்.
மலையாள சினிமாவில் நடித்து கேரள அரசின் பல விருதுகளையும் வென்றுள்ளார். கேரள அரசின் 7 விருதுகளையும் மத்திய அரசின் 3 தேசிய விருதுகளையும் இவர் பெற்றுள்ளார்.
தமிழில் நடிகர் ரஜினியுடன் தளபதி படத்திலும் நடித்திருந்தார். மேலும் நிறைய நேரடி தமிழ் படங்களில் நடித்துள்ளார்.
அழகன், மௌனம் சம்மதம், மறுமலர்ச்சி உள்ளிட்ட படங்கள் இவருக்கு தமிழில் நல்ல பெயரை பெற்று தந்தது.
தற்போது மம்முட்டியின் மகன் துல்கர் சல்மானும் மலையாள சினிமாவில் முன்னணி நடிகராக இருந்து வருகிறார்.
இவரும் நேரடி தமிழ் படங்களில் நடித்து வருகிறார். ஓ காதல் கண்மணி, கண்ணும் கண்ணும் கொள்ளை அடித்தால், ஹே சினாமிகா உள்ளிட்ட படங்களில் நடித்துள்ளார்.
இந்த நிலையில் நடிகர் மம்முட்டியின் தாயாரும் துல்கர் சல்மானின் பாட்டியுமான பாத்திமா இஸ்மாயில் வயது மூப்பு காரணமாக மரணம் அடைந்தார் அவருக்கு வயது 93.
சில நாட்களாக உடல் நல குறைவால் இவர் அவதிப்பட்டு மருத்துவமனையில் சேர்க்கப்பட்டிருந்தார் எனக் கூறப்படுகிறது.
இதனை அறிந்த மம்மூட்டி ரசிகர்களும் துல்கர் சல்மான் ரசிகர்களும் இரங்கல் தெரிவித்து சம்பந்தப்பட்ட நடிகர்களுக்கு ஆறுதல் தெரிவித்து வருகின்றனர்.
Mammootty s mother FathimaIsmayil passed away