By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
தமிழ் சினிமாவில் பெரும்பாலும் ஹீரோக்களின் பிறந்த நாளை முன்னிட்டு தான் படத்தின் டீசர், பர்ஸ்ட் லுக், பாடல்கள், பட ரீலீஸ் தேதியை அறிவிப்பார்கள்.
இதில் சற்றும் எதிர்பாராத வகையில் ஜோதிகாவின் பிறந்த நாளான அக்டோபர் 18ஆம் தேதி அவர் நடித்த காற்றின் மொழி திரைப்படம் வெளியாகும் என அறிவித்தார் அப்பட தயாரிப்பாளர் தனஞ்செயன்.
இதனால் ஜோதிகா ரசிகர்கள் காற்றின் மொழியுடன் அவரது பிறந்தநாளை கொண்டாட தயாராக இருந்தனர்.
ஆனால் தற்போது ரிலீஸ் தேதியை வேறு வழியில்லாமல் தீபாவளிக்கு பிறகு தள்ளி வைப்பதாக அறிவித்துள்ளார்.
அவர் தன் ட்விட்டரில் இதுகுறித்து கூறியுள்ளதாவது…
அக்டோபர் 17-ம் தேதி தனுஷின் ‘வடசென்னை’, 18-ம் தேதி விஷாலின் ‘சண்டக்கோழி 2’, ‘திருப்பதிசாமி குடும்பம்’, ‘அண்டாவ காணோம்’, ‘எழுமீன்’ ஆகிய படங்கள் ரிலீஸாகின்றன.
எனவே, ‘காற்றின் மொழி’ படத்துக்குத் திரையரங்குகள் கிடைக்கவில்லை.
இதனால், அடுத்த மாதம் (நவம்பர்) தீபாவளிக்குப் பிறகு ‘காற்றின் மொழி’ ரிலீஸாகும் என தெரிவித்துள்ளார்.
ராதாமோகன் இயக்கியுள்ள இப்படத்தில் ஜோதிகாவின் கணவராக நடிகர் விதார்த் நடித்துள்ளார். சிறப்பு தோற்றத்தில் சிம்பு நடிக்க, மனோபாலா, லட்சுமி மஞ்சு உள்ளிட்டோரும் முக்கிய கேரக்டர்களில் நடித்துள்ளனர்.
ஏ.எச்.காஷிஃப் இந்த படத்துக்கு இசையமைத்துள்ளார்.
பாப்டா மீடியா இந்தியா நிறுவனம் சார்பில் தனஞ்ஜெயன், எஸ்.விக்ரம் குமார் மற்றும் லலிதா தனஞ்ஜெயன் இணைந்து தயாரித்துள்ளனர்.
Jyothikas Kaatrin Mozhi likely to release post Diwali
