தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கெனன்யா பிலிம்ஸ் சார்பாக செல்வக்குமார் தயாரித்திருக்கும் படம் ஒரு நாள் கூத்து.
நெல்சன் இயக்கியுள்ள இப்படத்தில் தினேஷ் உடன் மியா ஜார்ஜ், ரித்விகா, நிவேதா பெத்துராஜ் ஆகிய 3 நாயகிகள் நடித்துள்ளனர்.
மேலும் கருணாகரன், பாலசரவணன், ரமேஷ்திலக், சார்லி உள்ளிட்டோரும் நடித்துள்ளனர்.
ஜஸ்டின் பிரபாகரன் இசையில் உருவான இப்படத்தின் பாடல்கள் பெரும் ஹிட்டடித்துள்ளது.
இந்நிலையில் இப்படத்தின் பத்திரிகையாளர் சந்திப்பு நடைபெற்றது. அதில் இயக்குனர் நெல்சன் பேசும்போது…
“நான் யாரிடமும் உதவி இயக்குனராக பணி புரிந்தது இல்லை. எனது முதல் படமே இதுதான்.
இப்படத்தின் கதை ஆசிரியர் எனது தமிழ் ஆசிரியர்தான். நான் அவருடைய மாணவர். எங்களுக்குள்ள நல்ல புரிதல் இருந்தது.
திருமணம் பற்றி பலருக்கும் பல சிந்தனைகள் இருக்கும். ஒருவரது வாழ்க்கையே திருமணத்தால் மாறிவிடும்.
இப்படத்தில் நடிக்க மியா ஜார்ஜ் மற்றும் ரித்விகாவை சந்தித்து பேசினோம். இருவரும் ஓகே சொன்னாலும் கால்ஷீட் தரவில்லை. அவர்களுக்காக ஆறு மாதங்கள் காத்திருந்தோம்.” என்றார்.