தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சினிமாவில் இணைந்து நடிக்கும் நடிகர் நடிகைகள் நிஜத்திலும் காதலிப்பது உண்டு. சிலரது காதல் திருமணம் வரை செல்கிறது.
அதன்பின்னர் சில திருமண உறவுகள் நீடிக்கிறது. ஆனால் பலர் விவகாரத்தும் பெறுகின்றனர்.
சிலரது காதல் திருமணத்திற்கு முன்பே விரிசலை சந்திக்கிறது. நடிகர் சிம்புவின் காதல் அப்படிதான் பல முறையானது.
முதலில் நயன்தாராவை காதலித்தார் சிம்பு. இவர்கள் வல்லவன் படத்தில் இணைந்து நடித்தனர். அதன்பின்னர் சில பிரச்சினைகளால் இருவரும் பிரிந்தனர்.
இருந்தாலும் இது நம்ம ஆளு என்ற படத்தில் ஜோடி போட்டு நடித்தனர்.
அதன்பின்னர் வாலு படத்தில் நடித்த போது ஹன்சிகாவை காதலித்தார் சிம்பு. இந்த காதலிலும் விரிசல் ஏற்பட இருவரும் பிரிந்தனர்.
தற்போது மீண்டும் ஹன்சிகாவுடன் இணைந்து மகா என்ற படத்தில் நடிக்கவுள்ளார் சிம்பு.
ஸ்ரீகாந்த், ஹன்சிகா நடித்துவரும் இந்தப் படத்தில், முக்கியமான கதாபாத்திரத்தில் நடிக்கவுள்ளாராம்.
‘ஷோயப்’ எனும் கேரக்டரில் நடிக்க 10 நாட்கள் கால்ஷீட் கொடுத்திருக்கிறார்.
சிம்பு மற்றும் ஹன்சிகா நடிக்கும் காட்சிகள் இஸ்தான்புல் நாட்டில் படமாக்கப்பட உள்ளது.
இந்த ‘மஹா’ பட போஸ்டரில் ஹன்சிகாவின் புகை பிடிக்கும் டிசைன் வெளியானதால் கோர்ட்டில் வழக்கு நீடித்து வருவது குறிப்பிடத்தக்கது.
Again Simbu and Hanshika team up in Maha