தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ராஜேஷ் இயக்கத்தில் முதன்முறையாக ஜி.வி. பிரகாஷ் நடித்துள்ள படம் கடவுள் இருக்கான் குமாரு.
இப்படம் நாளை மறுநாள் நவம்பர் 10ஆம் தேதி வெளியாகிறது.
அம்மா கிரயேஷன்ஸ் டி.சிவா தயாரித்துள்ள இப்படத்தில் ஆனந்தி, நிக்கி கல்ராணி, பிரகாஷ்ராஜ், ரோபோ சங்கர், சிங்கம் புலி, ஆர்.ஜே. பாலாஜி உள்ளிட்டோர் நடித்துள்ளனர்.
இதன் டீசர்கள் மற்றும் பாடல்கள் வெளியாகி ரசிகர்களின் அமோக ஆதரவை பெற்றுள்ளது.
இந்நிலையில், ‘லிங்கா’ படம் வெளியீட்டின் போது ஏற்பட்ட நஷ்டத்திற்கு உரிய இழப்பீடு வழங்கவில்லை என்று கூறி ‘கடவுள் இருக்கான் குமாரு’ படத்துக்கு தடை விதிக்கக்கோரி மெரினா பிக்சர்ஸ் சார்பில் விநியோகஸ்தர் ஒருவர் வழக்கு தொடர்ந்தார்.
இதையடுத்து 2 வாரம் காலம் படத்தை வெளியிட இடைக்கால தடைவிதித்து கோர்ட் உத்தரவிட்டது.
தற்போது இதுகுறித்து இதன் தயாரிப்பாளர் டி. சிவா கூறியதாவது…
“இதன் வழக்கு விசாரணையே நாளைதான் நடைபெற உள்ளது.
ஆனால் படத்தை முடக்க சிலர் பொய்யான செய்திகளை பரப்பி வருகிறார்கள். அவர்களின் கனவு நனவாகாது” என்றார்.