Upcoming Movies

  • Upcoming Movies
  • July
  • Sep

Videos

  • Teasers
  • Trailers
  • Videos Songs
  • Short films
  • Motion Poster
  • Sneak Peek

Dasara (Tamil) – Official Teaser

Written & Directed By: Srikanth Odela Produced by: Sudhakar Cherukuri Music : Santhosh Narayanan Director Of Photography: Sathyan Sooryan Isc Editor: Navin Nooli Production Designer:

Miss Maggie – Firstlook Title Teaser

Written & Directed : Latha R Maniyarasu Production House : Drumsticks Productions Producers : Vedikkaranpatti S. Sakthivel & Madhampatty T.P. Rangaraj Music – Karthik DOP

Kalvan – Official Teaser

Star Cast – G.V. Prakash Kumar , Bharathi Raja, Ivana, Dheena, G. Gnanasambandam, Vinoth Munna Producer – G. Dilli Babu Production House – Axess Film

World of Sabari – Teasers

SABARI Movie starring Varalaxmi Sarathkumar, Ganesh Venkatraman, Shashank, Mime Gopi,Sunaina, Baby Krithika, Rajashri Nair, Bhadram, Phani, Krishna Teja, Prabhu, Archana Ananth, Keshav Deepak and other

Latest post

அச்சம் என்பது இல்லையே



நடிகர் அருண் விஜய், இயக்குநர் விஜய்யுடன் இணைந்து ‘அச்சம் என்பது இல்லையே’ படத்தில் நடிக்கிறார்.

இப்படத்தின் கதாநாயகியாக எமி ஜாக்சன் நடித்துள்ளார்.

ஜிவி பிரகாஷ் குமார் இசையமைத்துள்ள இப்படத்தில் நிமிஷா சஜயனும் முக்கிய வேடத்தில் நடிக்கிறார்.

அச்சம் என்பது இல்லையே

லண்டனில் தனது ‘அச்சம் என்பது இல்லையே’ படத்தின் படப்பிடிப்பில் இருந்த நடிகர் அருண் விஜய் காயம் அடைந்து சிகிச்சைக்காக இந்தியா திரும்பியதாக கூறப்படுகிறது.

இந்நிலையில், இவர் கேரளாவில் சிகிச்சை மேற்கொண்டு வருகிறார்.

இது தொடர்பான புகைப்படத்தை தனது சமூக வலைதளப்பக்கத்தில் பகிர்ந்துள்ள நடிகர் அருண் விஜய் “காயம் ஏற்பட்ட என் முழங்காலுக்கு ஆயுர்வேத முறையில் சிகிச்சை எடுத்து வருகிறேன்.. இது என்னுடைய நான்காவது நாள் சிகிச்சை.. விரைவில் படப்பிடிப்பில் கலந்து கொள்வேன்” என்று பதிவிட்டுள்ளார்.

அச்சம் என்பது இல்லையே

arun vijay is getting Ayurvedic treatment in kerala

அக்கரன்



பிரபல குணசித்திர நடிகர் எம்எஸ். பாஸ்கர் நடிப்பில் உருவாகி வரும் படம் ‘அக்கரன்’.

அவரே கதையின் நாயகனாக நடிக்கிறார்.

இவருடன் வெண்பா, ‘கபாலி’ விஸ்வநாத், நமோ நாராயணா, ஆகாஷ் பிரேம்குமார், கார்த்திக் சந்திரசேகர் உள்ளிட்டோரும் நடித்து வருகின்றனர்.

அறிமுக இயக்குநர் அருண் கே.பிரசாத் டைரக்டு செய்கிறார்.

எம்.எஸ்.பாஸ்கர் நாயகனாக நடிப்பது குறித்து அருண் கே.பிரசாத் கூறியதாவது..,

“எம்.எஸ்.பாஸ்கர் கதையை கேட்டதுமே உடனே ஒப்புக்கொண்டார். அக்கரன் படத்தில் அவர் விவசாயியாக நடித்துள்ளார். அவருக்கு இரண்டு மகள்கள். ஒருவர் வெண்பா. மற்றொருவர் பிரியா.

ஒரு மகள் கடத்தப்பட்டு கொலை செய்யப்பட. தந்தை எப்படி பழிவாங்குகிறார் என்பதே கதை.” என தெரிவித்துள்ளார்.

வில்லனுடன் எம்.எஸ்.பாஸ்கர் மோதும் சண்டைக் காட்சியும் படத்தில் உள்ளது என்பது கூடுதல் தகவல்..

MS Baskar Venba Viswanth Starrer Akkaran updates

கணேஷ் வெங்கட்ராம்



இயக்குநர் ஜெய்தேவ் இயக்கத்தில், நீண்ட இடைவேளைக்கு பிறகு நடிகை பாவனா நடிக்கும் திரில்லர் ஹாரர் திரைப்படத்தில் ‘வாரிசு’ திரைப்பட புகழ் கணேஷ் வெங்கட்ராம் நாயகனாக நடிக்கிறார்.

அபியும் நானும் படம் மூலம் அறிமுகமாகி, உலகநாயகன் கமல்ஹாசனின் உன்னைப்போல் ஒருவன், பிக்பாஸ் நிகழ்ச்சி என மக்கள் மனங்களை வென்றவர் நடிகர் கணேஷ் வெங்கட்ராம்.

தற்போது விஜய் நடிப்பில் வெளியான ‘வாரிசு’ படத்தில் வில்லனாக கலக்கியிருக்கிறார். தமிழில் முதல் முறையாக வில்லனாக நடித்திருக்கும் அவரது பாத்திரம் ரசிகர்கள் மற்றும் திரைப்பிரபலங்களிடையே பெரும் வரவேற்பை பெற்றுள்ளது.

இதைத் தொடர்ந்து தற்போது நீண்ட இடைவேளைக்கு நடிகை பாவனா நடிக்கும் திரில்லர் ஹாரர் திரைப்படத்தில் முதன்மை கதாப்பாத்திரத்தில் நடித்து முடித்துள்ளார், நடிகர் கணேஷ் வெங்கட்ராம்

கணேஷ் வெங்கட்ராம்

இது குறித்து நடிகர் கணேஷ் வெங்கட்ராம் கூறியதாவது…

“வாரிசு படத்தின் வரவேற்பு மிகப்பெரும் மகிழ்ச்சியை தந்துள்ளது. தெலுங்கு, இந்தி, மலையாளம் சினிமாவில் பலவிதமான கதாப்பாத்திரங்கள் நடித்துள்ளேன்.. தமிழில் நமக்கு வித்தியாசமான கதாப்பாத்திரம் கிடைப்பதில்லையே என நினைத்திருக்கிறேன்.

ஆனால் அது வாரிசு மூலம் நிறைவேறியிருப்பது மகிழ்ச்சி. அதிலும் இப்படத்தில் எனது கேரக்டரின் ஸ்கிரீன் பிரசன்ஸ் அட்டகாசமாக இருந்ததாக அனைவரும் பாராட்டினார்கள். இது மிகப்பெரும் மகிழ்ச்சியை அளித்துள்ளது. இப்போது வாரிசை தொடர்ந்து, பல வித்தியாசமான கதபாத்திரங்கள் தமிழில் வர ஆரம்பித்திருக்கிறது.

சில படங்களில் முழுக்க என் லுக்கை மாற்றிக்கொண்டு நடிக்கிறேன். வாரிசுக்கு பிறகு இப்போது இயக்குநர் ஜெய்தேவ் இயக்கத்தில் ஒரு ஹாரர் திரில்லர் படத்தில் முதன்மை பாத்திரத்தில் நடிக்கிறேன். இப்படத்தில் நடிகை பாவனா நீண்ட இடைவேளைக்கு பிறகு தமிழில் நடிக்கிறார். கொடைக்கானல் சென்னை பகுதியில் நடக்கும் கதை.

அன்னபெல்லா சேதுபதி படத்தின் ஒளிப்பதிவாளர் கௌதம் ஜார்ஜ் ஒளிப்பதிவு செய்கிறார்.

இப்படம் ரசிகர்களுக்கு முற்றிலும் ஒரு புது அனுபவமாக இருக்கும். அடுத்தடுத்து பல சுவாரஸ்யமான படைப்புகள் எனது நடிப்பில் வரவுள்ளது. விரைவில் அது பற்றிய அறிவிப்புகளும் வரும் என்றார்.

கணேஷ் வெங்கட்ராம்

Varisu Actor Ganesh Venkatram pair with Bhavana

அஸ்வின் குமார்



பத்திரிகையாளரும் அறிமுக இயக்குனருமான அரவிந்த் சீனிவாசன் இயக்கிய படம் ‘தேஜாவு’. தெலுங்கில் ‘ரிப்பீட்டு’ என்ற பெயரில் வெளியானது.

இதில் அருள்நிதி, வித்யா பிரதீப், மதுபாலா, காளி வெங்கட், ராகவ் விஜய், மைம் கோபி உள்ளிட்டோர் நடித்திருந்தனர். ஜிப்ரான் இசையமைத்து இருந்தார்.

இந்தப் படம் ரசிகர்கள் மத்தியில் பாராட்டுகளைப் பெற்ற நிலையில் அரவிந்தின் அடுத்த படம் என்ன என்பது கேள்வியாக இருந்தது.

தற்போது அவரின் அடுத்த படம் குறித்து அறிவிப்பு வெளியாகி உள்ளது. ‘குக் வித் கோமாளி’ மற்றும் ‘செம்பி’ படப் புகழ் அஸ்வின் குமார் நடிக்கவுள்ள படத்தை இயக்குகிறார் அரவிந்த்.

ஷென் ஸ்டூடியோஸ் நிறுவனம் சார்பாக புகழ் என்பவர் தயாரிக்கிறார்.

CWC fame Ashwins next with Dejavu director

விஜய்



மோகன்லால், விஜய், காஜல் அகர்வால் இணைந்து நடித்த ‘ஜில்லா’ படத்தை இயக்கியவர் நேசன்.

இந்த படம் 2014ல் அஜித்தின் ‘வீரம்’ படத்துடன் மோதினாலும் இரண்டு படங்களுமே வெற்றி பெற்றன.

ஆனால் ‘ஜில்லா’ பட இயக்குனர் நேசனுக்கு அதன் பிறகு எந்த வாய்ப்புகளும் வரவில்லை.

இந்த நிலையில் இயக்குனர் பத்ரி வெங்கடேசன் தனது டுவிட்டர் பக்கத்தில்,…

‘தனது நண்பர் நேசன் விஜய்க்காக ஒரு நல்ல ஸ்கிரிப்ட் தயார் செய்து வைத்திருப்பதாகவும் இந்த கதையை கேட்டால் விஜய் இந்த கதையில் நடிக்க நிச்சயமாக ஒப்புக்கொள்வார்” என நம்பிக்கையுடன் தெரிவித்துள்ளார்.

பத்ரி வெங்கடேசன்

Will Vijay listen script from Jilla Director

வாத்தி



வெங்கி அட்லூரி இயக்கத்தில் தனுஷ் சம்யுக்தா ஜோடியாக நடித்துள்ள படம் ‘வாத்தி’.

இப்படத்திற்கு ஜிவி பிரகாஷ் இசையமைத்துள்ளார்.

வருகிற பிப்ரவரி 17ஆம் தேதி இந்த படம் தமிழ் மட்டும் தெலுங்கில் ஒரே நேரத்தில் வெளியாக உள்ளது.

இந்த நிலையில் வாத்தி / சார் பட டிரைலர் வெளியீட்டு விழா நேற்று ஆந்திராவில் நடைபெற்றது.

அதில் பங்கேற்ற நடிகர் தனுஷ் தெலுங்கு ஆங்கிலம் தமிழ் உள்ளிட்ட மொழிகளில் கலந்து பேசினார்.

அவர் பேசியதாவது…

“இது என்னுடைய முதல் நேரடி தெலுங்கு படம். எனக்கு தெலுங்கு சரளமாக பேச வராது. எனவே தமிழில் பேசுகிறேன்.

வாத்தி பட கதை தமிழ்நாட்டிற்கும் ஆந்திராவுக்கும் இடைப்பட்ட எல்லைப் பகுதியில் நடக்கும் கதைக்களம்.

அனைவருக்கும் பிடிக்கும் வகையில் படம் உருவாகியுள்ளது.

அதன் பின்னர் ரசிகர்கள் அவரை விஐபி பட டயலாக்கை பேச சொல்லி கூச்சலிட்டனர்.

நான் தமிழில் அந்த வசனத்தை பேசுகிறேன் என சொல்லி… “அமுல் பேபி.. நீ இந்த ரகுவரனை வில்லனாதானே பார்த்திருக்க.. இனிமே ஹீரோவா பார்ப்ப..” என்று பேசினார்.

Dhanush mass speech at Vaathi Sir Trailer Launch

லியோ



லோகேஷ் கனகராஜ் இயக்கும் ‘லியோ’ படத்தில் விஜய்க்கு ஜோடியாக நடிகை த்ரிஷா நடித்துவருகிறார்.

இதில் விஜய்யுடன் பாலிவுட் நடிகர் சஞ்சய் தத், இளம் நடிகர் மேத்யூ தாமஸ், நடிகர் மன்சூர் அலிகான், இயக்குநர் மிஷ்கின், நடன இயக்குநர் சாண்டி, நடிகை பிரியா ஆனந்த் ஆகியோர் நடிக்கின்றனர்.

த்ரிஷா 14 ஆண்டுகளுக்குப் பிறகு விஜய்யுடன் ஜோடி சேர்ந்துள்ளார். இருவரும் மீண்டும் இணைவது ரசிகர்களை மகிழ்ச்சியில் ஆழ்த்தியுள்ளது.

தற்போது ‘லியோ’ படத்தின் ஒட்டுமொத்த குழுவும் படப்பிடிப்பிற்காக காஷ்மீர் சென்றுள்ளது.

இந்நிலையில், காஷ்மீரின் வானிலையின் காரணமாக நடிகை டெல்லிக்கு சென்றுவிட்டார்.

லியோ

காஷ்மீரில் வானிலை -1°C முதல் -3°C வரை நிலவுகிறது மற்றும் த்ரிஷாவின் உடல்நிலைக்கு தட்பவெப்ப நிலை பொருந்தவில்லை. எனவே, த்ரிஷா காஷ்மீரில் இருந்து வெளியேறிவிட்டார்.

மேலும், விரைவில் அவர் மீண்டும் ‘லியோ’ படத்தின் படப்பிடிப்பில் இணைவார்.

Trisha has left the Kashmir schedule of ‘LEO’

ரஜினிகாந்த்



ரஜினிகாந்த் நடிக்கும் ‘ஜெயிலர்’ படத்தின் படப்பிடிப்பு தற்போது ராஜஸ்தானில் நடைபெற்று வருகிறது, விரைவில் முடிவடையும் என்று எதிர்பார்க்கப்படுகிறது.

இப்படத்தில் ரஜினி, மோகன் லால், சிவராஜ்குமார், ஜாக்கி ஷெராப், சுனில், யோகி பாபு மற்றும் ரம்யா கிருஷ்ணன் ஆகியோர் முக்கிய நட்சத்திரப் பட்டாளத்தில் உள்ளனர்.

நெல்சன் இயக்கி பல நட்சத்திரங்கள் நடிக்கும் இப்படத்திற்கு அனிருத் இசையமைக்க, சன் பிக்சர்ஸ் தயாரிக்கிறது.

அடுத்ததாக, ரஜினி தனது மூத்த மகள் ஐஸ்வர்யா ரஜினிகாந்த் இயக்கிய ‘லால் சலாம்’ படத்தில் அவர் சக்திவாய்ந்த துணை வேடத்தில் நடிக்கிறார்.

ரஜினியின் 171வது படமான ‘தலைவர் 171’ படத்தை ஜெய் பீம் புகழ் டி.ஜே.ஞானவேல், ரஜினிகாந்துடன் ஒத்துழைக்க பேச்சுவார்த்தை நடத்தி வருவதாக நாங்கள் தெரிவித்தோம்.

இந்நிலையில், இப்படத்தில் ரஜினி முஸ்லிம் போலீஸ் அதிகாரியாக நடிக்கவுள்ளதாக தகவல் வெளியாகியுள்ளது.

ரஜினிகாந்த்

Rajinikanth to play a police officer in Thalaivar 171

சண்டே



விஜய் ஸ்ரீ இயக்கத்தில் வித்யா பிரதீப், நிகில் முருகன், மொட்ட ராஜேந்திரன், சிங்கம் புலி, அனித்ர நாயர், ஆதவன், சில்மிஷம் சிவா, வையாபுரி, விக்னேஷ் நடித்த திரைப்படம் ‘பவுடர்’.

கடந்தாண்டு வெளியான இந்த படம் ரசிகர்கள் மற்றும் பத்திரிக்கையாளர்களின் பாராட்டை பெற்றது.

இதில் வையாபுரியுடன் நடித்து அனைவரையும் பாராட்டையும் பெற்றவர் விக்கி என்ற விக்னேஷ்.

இந்த நிலையில் தற்போது வங்கி ஹீரோவாகியுள்ளார்

அதன் விவரம் வருமாறு…

Evolution entertainment நிறுவனம், Blueberry studios உடன் இணைந்து தயாரிக்க, இயக்குநர்கள் சதீஷ் கீதா குமார் மற்றும் நந்தினி விஸ்வநாதன் இணைந்து இயக்கும் சயின்ஸ் பிக்சன் திரில்லர் திரைப்படம் சண்டே படத்தின் பூஜை சமீபத்தில் நடைபெற்றது.

இந்தியாவில் முதல் முறையாகத் தமிழில் அபோகலிப்டிக் சயின்ஸ் பிக்சன் திரைப்படமாக உருவாகிறது “சண்டே” திரைப்படம்.

இப்படத்தின் கதை திரைக்கதையை இயக்குநர்கள் சதீஷ் கீதா குமார் மற்றும் நந்தினி விஸ்வநாதன் இணைந்து எழுதியுள்ளனர். மேலும் இருவருமாக இணைந்து இப்படத்தை இயக்க உள்ளது குறிப்பிடத்தக்கது.

இப்படத்தில் ஆதித்யா டிவி புகழ் வைக்க என்ற விக்னேஷ் ராமமூர்த்தி நாயகனாக அறிமுகமாகிறார். நிவேதா & மித்ரா நாயகிகளாக நடிக்கின்றனர்.

முன்னணி நட்சத்திரங்கள் கஜராஜ், வின்சென்ட் அசோகன், தர்மா ஆகியோர் முக்கிய பாத்திரத்தில் நடிக்கின்றனர்.

இப்படத்தின் படப்பிடிப்பு முழுக்க முழுக்க ஒரே கட்டமாக ஊட்டியில் நடத்தத் திட்டமிடப்பட்டுள்ளது. திரையில் இதுவரை ரசிகர்கள் பார்த்திராத புது அனுபவமாக இப்படம் இருக்கும்.

இப்படத்தின் ஃபர்ஸ்ட் லுக் மற்றும் மற்ற தகவல்கள் விரைவில் தயாரிப்பு தரப்பிலிருந்து அதிகாரப்பூர்வமாக அறிவிக்கப்படும்.

தொழில்நுட்ப குழு

தயாரிப்பு நிறுவனம் : Evolution entertainment
இணை தயாரிப்பு : Blueberry studios

எழுத்து & இயக்கம் : சதீஷ் கீதா குமார் & நந்தினி விஸ்வநாதன்

ஒளிப்பதிவு , படத்தொகுப்பு : சதீஷ் கீதா குமார்

இசை : செந்தமிழ்

பாடல்கள் : கவி கார்கோ

ஸ்டன்ட் : டேன்ஜர் மணி

கலை : தினேஷ் மோகன்

உடைகள் : அக்‌ஷியா & விஷ்மியா

மேக்கப் – பிரின்ஸ் பிரேம்

Powder fame Vikki @ Vignesh plays lead in Sunday

சண்டே

Vignesh plays lead in Sunday movie

பாபி சிம்ஹா



ரமணன் புருஷோத்தமா இயக்கத்தில் பாபி சிம்ஹா தயாரித்து நடித்துள்ள படம் ‘வசந்த முல்லை’.

பிப்ரவரி 10ஆம் தேதி தமிழ் தெலுங்கு கன்னடம் உள்ளிட்ட மொழிகளில் இந்த படம் வெளியாக உள்ள நிலையில் பத்திரிக்கையாளரை படக்குழுவினர் சந்தித்தனர்.

அப்போது தயாரிப்பாளர் & நாயகன் சிம்ஹா பேசுகையில்….

” சில ஆண்டுகளுக்குப் பிறகு ஊடகங்களையும், ஊடகவியலாளர்களையும் சந்திக்கிறேன். மிக்க மகிழ்ச்சி. கடந்த ஆண்டு ‘மகான்’ திரைப்படம், டிஜிட்டல் தளத்தில் வெளியானது. இந்த ஆண்டு பிப்ரவரி 10 ஆம் தேதி அன்று ‘வசந்த முல்லை’ வெளியாகிறது.

தற்போது கதைகளை கவனமாக தேர்வு செய்து நடிக்க தொடங்கி இருக்கிறேன். இனி வலிமையான கதாப்பாத்திரங்களில் மட்டுமே நடிப்பது என தீர்மானித்திருக்கிறேன்.

பத்திரிக்கையாளர்களின் கரங்களின் மூலம் இப்படத்தின் முன்னோட்டம் வெளியிடப்பட்டதை பெருமிதமாக கருதுகிறேன். இதற்காக நன்றி தெரிவித்துக் கொள்கிறேன்.

படத்தின் முதல் ரசிகர்கள், பத்திரிக்கையாளர்களாகிய நீங்கள் தான். மக்களை திரையரங்கத்திற்கு அழைத்து வருவதில் உங்களுடைய எழுத்துக்களுக்கும், கருத்துகளுக்கும் பெரும் பங்களிப்பு உண்டு.

கன்னட திரை உலகின் சூப்பர் ஸ்டாரான சிவராஜ்குமாருக்கு குறுஞ்செய்தி ஒன்றை அனுப்பினேன். உடனே வர சொல்லி, ‘வசந்த கோகிலா’ எனும் இந்த படத்தின் கன்னட பதிப்பின் முன்னோட்டத்தை வெளியிட்டு வாழ்த்தும், ஆசியும் வழங்கினார்.

தெலுங்கு திரை உலகின் மெகா ஸ்டாரான சிரஞ்சீவிக்கும் குறுஞ்செய்தி ஒன்றை அனுப்பினேன். அவரும் உடனே வரச் சொல்லி, ‘வசந்த கோகிலா’ எனும் இந்த படத்தின் தெலுங்கு பதிப்பின் முன்னோட்டத்தை வெளியிட்டு வாழ்த்தும், ஆசியும் வழங்கினார்.

சிவ ராஜ்குமார், சிரஞ்சீவி ஆகியோர் இன்று இந்த உயரத்தில் இருந்தாலும், அவர்களுடைய எளிமை, விருந்தோம்பல் என்னை கவர்ந்தது.

‘டிஸ்கோ ராஜா’ எனும் தெலுங்கு படத்தின் படப்பிடிப்பின் போது தயாரிப்பாளர் ராம் தல்லூரி எனக்கு அறிமுகமானார். நட்புடன் பழகத் தொடங்கியவுடன், படங்களில் இணைந்து பணியாற்றலாமா? என கேட்டார். இணைந்து பணியாற்றலாம் என்று சம்மதம் தெரிவித்து, இயக்குநர் ஒருவரை தேர்வு செய்து படத்தின் பணிகளைத் தொடங்கினோம்.

ஆனால் எதிர்பார்த்த அளவுக்கு கதை முழுமையாகாததால், வேறு கதைகளை தேடத் தொடங்கினோம். நான் இயல்பாகவே வேகமாக டக் டக்குன்னு முடிவெடுப்பேன். அந்தத் தருணத்தில் முகநூலில் குறும்படம் ஒன்றை பார்த்தேன்.

அருண் என்ற நடிகர் இரட்டை வேடத்தில் நடித்த குறும்படம் அது. நேர்த்தியாக உருவாக்கப்பட்டிருந்தது. அதன் இயக்குநரான ரமணன் புருஷோத்தமாவை முகநூல் மூலமாக தொடர்பு கொண்டு சந்தித்தேன். அதன் பிறகு அவர் 2014ஆம் ஆண்டு முதல் எனக்காக ஒரு கதையினை தயார் செய்து, இணைந்து பணியாற்றலாமா..! என செய்தி அனுப்பியிருந்தது தெரிய வந்தது.

அவரிடம், ‘முதல் படைப்பாக இதனை உருவாக்க வேண்டும் என்றளவில் ஏதேனும் கதைகள் இருக்கிறதா?’ என்று கேட்டேன். ஒரே ஒரு வாக்கியத்தில் ‘வசந்த முல்லை’ படத்தின் கதையை சொன்னார். அது எனக்கு பிடித்திருந்தது.

உடனடியாக தயாரிப்பாளர் ராம் தல்லூரியைத் தொடர்பு கொண்டு கதையும், கதை சுருக்கத்தையும் விவரித்தேன். அவருக்கும் கதை பிடித்திருந்தது. அதே தருணத்தில் ரேஷ்மிக்கும் இந்த கதை பிடித்திருந்தது.

பின்னர் படத்தின் திரைக்கதையை உருவாக்கத் தொடங்கினோம். மிகவும் அழுத்தமான திரைக்கதை. படம் தொடங்கி 20 நிமிடத்திற்கு பிறகு ஒரு காட்சியை காணத் தவறினாலும், குழப்பம் ஏற்படலாம். ஏனெனில் இந்த திரைப்படம் ஒரு புதுவித பரிட்சார்த்தமான உள்ளடக்கத்தைக் கொண்டிருக்கிறது.

தயாரிப்பாளர் ராம் தல்லூரி உதவியுடன் ஒரு வணிக ரீதியான திரைப்படத்தை வழங்கி இருக்க முடியும். ஆனால் புதுமையான விசயத்தை நேர்த்தியாக சொல்ல முடியும் என்று நம்பிக்கை இருந்தது. அதனால் ‘வசந்த முல்லை’யை உருவாக்கி இருக்கிறோம்.

ஒரே இரவில் நடைபெறும் கதை என்பதால், மூணாறு போன்ற மலை பிரதேசத்தில் நேரடியாக நவம்பர், டிசம்பர் மாதங்களில் படப்பிடிப்பை நடத்தலாம் என திட்டமிட்டோம். ஆனால் காட்சிப்படி இரவு முழுதும் மழையில் நனைந்து கொண்டிருக்க வேண்டும். இது நடைமுறையில் சாத்தியம் இல்லை என்பதனால், சென்னையில் பிரம்மாண்டமான அரங்கம் அமைத்து படப்பிடிப்பு நடத்தினோம்.

அரங்கம் அமைத்த பிறகு கொரோனா தொற்று ஏற்பட்டதால்… அரங்கத்தில் படப்பிடிப்பு நடத்த இயலாத சூழல் உருவானது. பிறகு மீண்டும் அரங்கத்தை மறுசீரமைப்பு செய்து படப்பிடிப்பு நடத்தினோம். இதனால் காலதாமதம் ஏற்பட்டது. தற்போது அனைத்து பணிகளும் நிறைவடைந்து, பிப்ரவரி 10 ஆம் தேதியன்று திரையரங்குகளில் வெளியாகிறது. அனைவரும் ஆதரவளிக்க வேண்டும் என கேட்டுக்கொள்கிறேன்.” என்றார்.

முன்னதாக உயிர் நீத்த பிரபல பின்னணி பாடகி ‘பத்ம பூஷன்’ வாணி ஜெயராம் மற்றும் இயக்குநரும், நடிகருமான டி.பி. கஜேந்திரன் ஆகியோருக்கு இரங்கல் தெரிவிக்கும் வகையில் ஒரு நிமிட மௌன அஞ்சலி அனுசரிக்கப்பட்டது.

வசந்த முல்லை

Bobby Simha speech at vasantha mullai trailer launch

ரமணன் புருஷோத்தமா



ரமணன் புருஷோத்தமா இயக்கத்தில் பாபி சிம்ஹா தயாரித்து நடித்துள்ள படம் ‘வசந்த முல்லை’.

பிப்ரவரி 10ஆம் தேதி தமிழ் தெலுங்கு கன்னடம் உள்ளிட்ட மொழிகளில் இந்த படம் வெளியாக உள்ள நிலையில் பத்திரிக்கையாளரை படக்குழுவினர் சந்தித்தனர்.

அப்போது இயக்குநர் ரமணன் புருஷோத்தமா பேசுகையில்….

” முகநூல் மூலமாக சிம்ஹா என்னைத் தொடர்பு கொண்டு பேசினார். பிறகு அவரை சந்தித்தேன். ஏதாவது கதைகளை வைத்திருக்கிறீர்களா? நாம் இணைந்து பணியாற்றலாமா? என கேட்டார். அன்று அவர் என் மீது வைத்த நம்பிக்கை தான், இன்று எனக்கு கிடைத்திருக்கும் இந்த முதல் மேடை.

இதற்காக அவருக்கு நான் நன்றியை தெரிவித்துக் கொள்கிறேன். படத்தின் பணிகளை தொடங்குவதற்கு ரேஷ்மி சிம்ஹா, ராம் தல்லூரி, ரஜினி தல்லூரி ஆகியோர் அளித்த நம்பிக்கையான வாக்குறுதியும் ஒரு காரணம்.

‘வசந்த முல்லை’ எனும் படத்தின் திரைக்கதையின் போக்கில் ஒரு திருப்புமுனைக்குப் பிறகு, இந்த கதை ஒரே இரவில் நடைபெறும். மலை பாங்கான பகுதி… இருட்டு… தொடர் மழை.. இந்த பின்னணியில் நடிகர், நடிகைகளின் ஒத்துழைப்பு வியப்பை அளித்தது.

அதிலும் குறிப்பாக நாயகி கஷ்மீரா பர்தேசி, அந்த குளிரில், ஒவ்வொரு காட்சியிலும் ஈரம் சொட்ட சொட்ட நனைந்து நடிக்க வேண்டியதிருந்தது. முழுமையான அர்ப்பணிப்புடன் கூடிய உழைப்பை அளித்த நாயகி கஷ்மீரா பர்தேசிக்கு இந்த தருணத்தில் நன்றியை தெரிவித்துக் கொள்கிறேன்.

இந்த திரைப்படத்தின் உயிர்நாடி இசையமைப்பாளர் ராஜேஷ் முருகேசனின் இசை தான்.

அவருக்கும் திரில்லர் ஜானரில் இசையமைப்பது முதல் முறை என்பதால், அனுபவித்து ஆத்மார்த்தமான உழைப்பை வழங்கி இருக்கிறார்.

ஒளிப்பதிவாளர் கோபி அமர்நாத், கலை இயக்குநர், படத் தொகுப்பாளர், சண்டை பயிற்சி, ஆடை வடிவமைப்பாளர், ‌விளம்பர வடிவமைப்பு, பாடலாசிரியர், ஒலி வடிவமைப்பாளர், கூடுதல் திரைக்கதையாசிரியர் பொன்னிவளவன், மக்கள் தொடர்பாளர் என ஒவ்வொரு தொழில்நுட்ப கலைஞர்களும் தங்களுடைய பங்களிப்பை சிறப்பாக வழங்கினர்.

பிடித்த விசயங்களை நேர்த்தியான படைப்பாக உருவாக்கி இருக்கிறோம். பிப்ரவரி 10 ஆம் தேதியன்று ‘வசந்த முல்லை’ வெளியாகிறது. கண்டு ரசித்து ஆதரவளிக்க வேண்டும் என கேட்டுக்கொள்கிறேன்.” என்றார்.

வசந்த முல்லை

director Ramanan Purushothama speech at vasantha mullai trailer launch

ரேஷ்மி சிம்ஹா



ரமணன் புருஷோத்தமா இயக்கத்தில் பாபி சிம்ஹா தயாரித்து நடித்துள்ள படம் ‘வசந்த முல்லை’.

பிப்ரவரி 10ஆம் தேதி தமிழ் தெலுங்கு கன்னடம் உள்ளிட்ட மொழிகளில் இந்த படம் வெளியாக உள்ள நிலையில் பத்திரிக்கையாளரை படக்குழுவினர் சந்தித்தனர்.

அப்போது சிம்ஹா மனைவயும் தயாரிப்பாளரும் நடிகையுமான ரேஷ்மி சிம்ஹா பேசுகையில்…

” நீண்ட நாட்கள் கழித்து பத்திரிக்கையாளர்களை சந்திப்பதில் மகிழ்ச்சி அடைகிறேன். ‘வசந்த முல்லை’ படத்தின் கதையை சிம்ஹாவும், இயக்குநர் ரமணனும் சொல்லும்போது மிகவும் பிடித்திருந்தது.

வெற்றி பெற்றிருக்கும் போது, ஏராளமான வாய்ப்புகளும், நிறைய நண்பர்களும் உடனிருப்பார்கள். ஆனால் வெற்றிக்காகக் காத்திருக்கும் போது, நம் மீது நம்பிக்கை வைத்து பயணிப்பவர்கள் குறைவு.

அந்த வகையில் தயாரிப்பாளர் ராம், எங்கள் மீது நம்பிக்கை வைத்தார். அந்த நம்பிக்கை இன்று வரை குறையவில்லை. சிம்ஹா மீதும், எங்கள் நிறுவனம் மீதும், இயக்குநர் மீதும் அபார நம்பிக்கையை வைத்திருந்தார். கொரோனா தொற்று காரணமாக இந்த படைப்பு தயாராவதில் கால தாமதமானது.

இதன் போது எங்கள் குழுவினரிடையே ஏற்பட்ட கோபம், அன்பு, காதல், சண்டை என அனைத்தையும் எதிர்கொண்டோம். தொழில்நுட்ப கலைஞர்கள் தங்களின் அர்ப்பணிப்புடன் கூடிய உழைப்பை வழங்கியிருக்கிறார்கள். பொதுவாக 35 நாட்கள் வரை படப்பிடிப்பில் ஒன்றிணைந்து பணியாற்றுவோம். அதன் பிறகு வணிக ரீதியான நட்பை தொடர்வோம்.

ஆனால் இந்த ‘வசந்த முல்லை’ திரைப்படம் முழுமையடைய மூன்றரை ஆண்டுகளானது. அதனால் இந்த படக் குழுவினருடைய நட்பு பிரத்யேகமானது. இந்த நாளுக்காக காத்திருந்தோம். காலதாமதமாக வெளியானாலும் சரியான தருணத்தில் இப்படம் ரசிகர்களை சென்றடைகிறது.

படத்தில் சிறப்பு தோற்றத்தில் நடிக்க ஆர்யாவிடம் கேட்டபோது, மறுக்காமல் உடனே ஒப்புக்கொண்டார். இதற்காக அவருக்கு நன்றியைத் தெரிவித்துக் கொள்கிறேன். கொரோனா தொற்று பாதிப்பிற்குப் பிறகு மீண்டும் மக்கள் திரையரங்குகளுக்கு வருகை தந்து படங்களுக்கு ஆதரவளித்துக் கொண்டிருக்கிறார்கள்.

இந்த தருணத்தில் புதுவித பாணியில் தயாராகி இருக்கும் ‘வசந்த முல்லை’ திரைப்படத்திற்கும் உங்களின் ஆதரவு கிடைக்கும் என்று உறுதியாக நம்புகிறேன்” என்றார்.

வசந்த முல்லை

reshmi simha speech at vasantha mullai trailer launch

Follows