தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கோலமாவு கோகிலா படத்தை தொடர்ந்து நெல்சன் இயக்கத்தில் உருவாகியுள்ள படம் ‘டாக்டர்’.
இப்படத்தில் சிவகார்த்திகேயன் ஜோடியாக பிரியங்கா மோகன் நடித்துள்ளார். துப்பறிவாளன் படத்தில் வில்லனாக மிரட்டிய வினய் இதிலும் வில்லனாகவும் நடித்துள்ளார்.
மேலும் யோகிபாபு, அர்ச்சனா, தீபா, இளவரசு உள்ளிட்டோர் முக்கிய கேரக்டர்களில் நடித்துள்ளனர்.
கேஜேஆர் ஸ்டூடியோஸ் நிறுவனத்துடன் சிவகார்த்திகேயனின் எஸ்.கே.புரொடக்ஷன் நிறுவனமும் இணைந்து தயாரித்துள்ளனர்.
அனிருத் இசையமைத்துள்ள இப்படம் வருகிற அக்டோபர் 9-ந் தேதி தியேட்டர்களில் ரிலீசாகிறது.
இந்த படத்தின் பாடல்கள் ஏற்கனவே வெளியாகிவிட்டது.
அதில் குறிப்பாக ‘செல்லம்மா’ பாடல் பட்டி தொட்டியெங்கும் பட்டையை கிளப்பியுள்ளது.
அண்மையில் அஜித்தின் வலிமை பட கிளிம்ப்ஸ் வீடியோ வெளியாகி வரவேற்பை பெற்ற நிலையில், தற்போது டாக்டர் படக்குழுவும் அதே பாணியில் கிளிம்ப்ஸ் வீடியோ ஒன்றை வெளியிட்டுள்ளனர்.
75 நொடிகள் ஓடக்கூடிய அந்த வீடியோவில் நடிகர் சிவகார்த்திகேயனின் அசத்தலான நடனம் இடம் பெற்றுள்ளது.
சில டான்ஸ் மூவ்மெண்ட்ஸ்களை பார்க்கும் போது ரஜினி ஸ்டைலில் சிவகார்த்திகேயன் அசத்தியுள்ளார் எனலாம்.
முக்கியமாக இப்பாடலின் நடன இயக்குனரும் கலை இயக்குனரும் இந்த பாடலை ரசித்து செதுக்கியுள்ளனர் என்பதை பாடலை பார்த்தாலே தெரிகிறது. (பிரஸ் மீட்டில் இந்த பாடல் திரையிடப்பட்டு பத்திரிகையாளர்களின் பாராட்டைப் பெற்றதும் குறிப்பிடத்தக்கது)
இதோ செல்லம்மா.. பாடல்…
The peppy track Chellamma from Doctor is trending now