தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபல இயக்குநர் சுதிப்தோ சென் இயக்கத்தில் உருவாகியுள்ள படம் ‘தி கேரளா ஸ்டோரி’.
இதில் அதா ஷர்மா, யோகிதா பிஹானி, சோனியா பலானி, ‘வெந்து தணிந்தது காடு’ படப்புகழ் சித்தி இத்னானி, விஜய் கிருஷ்ணா, பிரணவ் மிஸ்ரா உள்ளிட்டோர் நடித்துள்ளனர்.
இந்த படத்தின் ட்ரைலர் வெளியாகி சர்ச்சையை ஏற்படுத்தியது.
அந்த ட்ரைலரில்…
ஒரு கல்லூரியில் படிக்கும் இந்து பெண்ணும் முஸ்லிம் பெண்ணும் தோழிகளாகின்றனர். இவர்கள் ஒரு நாள் பொது இடத்திற்கு செல்லும் போது இந்து பெண்ணின் மீது சில நபர்கள் கை வைக்கின்றனர்.
இதனையடுத்து அந்த இந்து பெண்ணுக்கு முஸ்லிம் தோழி ஒரு அட்வைஸ் சொல்கிறாள்.. ஹிஜாப் அணிந்து தன் உடலை முழுவதுமாக மூடி வந்தால் யாரும் நம்மேல் கை வைக்க மாட்டார்கள் என்கிறார்.
ஒரு கட்டத்தில் இந்து பெண்ணின் மனதை மாற்றி முஸ்லிமாக மாற்றி ஆப்கானிஸ்தான் சென்று சில தீவிரவாதி அமைப்புகளில் சேர்த்து விடுகிறார்.
இப்படியாக பல சர்ச்சைகளை பலவற்றை இந்த படம் உருவாக்கியுள்ளது.
இந்தப் படத்திற்கு தடை கோரிய வழக்கில் மனுக்களை தள்ளுபடி செய்துள்ளது நீதிமன்றம்.
இந்த நிலையில் இந்த படம் இன்று மே 5ம் தேதி ஹிந்தி தெலுங்கு மலையாளம் தமிழ் மொழிகளில் வெளியாகிறது.
இப்படத்தைப்பற்றி நடிகை அடா ஷர்மா தன் சமீபத்திய பேட்டியில்..
‘கருத்து சுதந்திரம் மற்றும் பேச்சு சுதந்திரம் உள்ள நாட்டில் நாம் வாழ்கிறோம்.
‘தி கேரளா ஸ்டோரி’ 2 நிமிட டிரெய்லரைப் பார்த்துவிட்டு சிலர் குறை சொல்கிறார்கள். அவர்கள் நேரம் ஒதுக்கி 2 மணி நேரம் படம் பார்ப்பார்கள் என நம்புகிறேன்.
இதில் கேரளாவை மோசமாக காட்டவில்லை என்பதை புரிந்துகொள்வார்கள்.
இந்த படம் மதமாற்றம் பற்றியது அல்ல… இது பயங்கரவாதம் மற்றும் மனிதநேயம் பற்றியது. ஒவ்வொரு பெண்ணும் இந்த படத்தை பார்க்க வேண்டும்” என அடா ஷர்மா தெரிவித்துள்ளார்.
‘The Kerala Story’ is not a film about conversion – Actress Adah Sharma