தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகர் கமல்ஹாசனை வைத்து ‘விக்ரம்’ என்ற படத்தை இயக்கி முடித்துள்ளார் இயக்குனர் லோகேஷ் கனகராஜ்.
கமல்ஹாசனே இந்த படத்தை தயாரித்துள்ளார்.
இதில் விஜய்சேதுபதி, பஹத் பாசில், காளிதாஸ், நரேன், காயத்ரி உள்ளிட்டோர் நடித்துள்ளனர்.
கேங்ஸ்டர் கதையுடன் சிறை கைதிகளை மையப்படுத்தி அதிரடி ஆக்ஷன் கதையுடன் இப்படம் உருவாகியுள்ளது.
அனிருத் இசையமைக்கும் இப்படத்திற்கு கிரிஷ் கங்காதரன் ஒளிப்பதிவு செய்துள்ளார்.
இதன் படப்பிடிப்பு முடிந்து ரிலீஸ் பணிகள் நடக்கின்றன.
ஜூன் 3ல் படம் தியேட்டர்களில் வர உள்ளது. இதன் வெளியீட்டு உரிமையை சட்டமன்ற உறுப்பினரும் நடிகருமான உதயநிதி பெற்றுள்ளார்.
மே 11ஆம் தேதி ‘விக்ரம்’ படத்தில் கமல் பாடிய ‘பத்தல…. பத்தல… ‘ என்ற பாடலின் சிங்கிள் ட்ராக்கை வெளியிட்டனர்.
இந்த பாடல் வரிகள் சர்ச்சையை கிளப்பி உள்ளது.
இந்த நிலையில் இன்று மே 15ல் இசை மற்றும் டிரைலர் வெளியானது.
இந்த விழாவில் படக்குழுவினருடன் சிம்பு, உதயநிதி, ராதிகா, லிசி, ரோபோ சங்கர் உள்ளிட்டோர் பங்கேற்றனர்.
இதில் சிம்பு பேசியதாவது…
“என் ஆஃப் ஸ்கிரீன் குரு என் அப்பா (டிஆர்). என்னோட ஆன் ஸ்கிரீன் குரு என்றால் அது கமல் சார் தான்.
கமல் அவரின் படங்களை பார்க்க என்னை அழைப்பார்… ஒரு படம் புடிச்சது ஆனா ஓடாதுன்னு சொன்னேன்.. ஒரு படம் புடிக்கல ஆனா ஓடும்னு சொன்னேன்.. இந்த ‘விக்ரம்’ படம் சூப்பர் ஹிட்டாகும்.
இப்போ எல்லோரும் பான் இந்தியா படம் பத்தி பேசுறாங்க.. அவங்களுக்கு எல்லாம் சவாலா இருக்கும் ‘மருதநாயகம்’.
மருதநாயகத்தை எடுத்து வுடுங்க சார்.”
இவ்வாறு சிம்பு பேசினார்.
Simbu speech at Vikram audio launch