‘ஆடை’ பட இயக்குநருடன் இணைந்த ‘குலு குலு’ சந்தானம்

‘ஆடை’ பட இயக்குநருடன் இணைந்த ‘குலு குலு’ சந்தானம்

நடிகர் சந்தானம் கதையின் நாயகனாக நடித்திருக்கும் ‘குலு குலு’ படத்தின் ஃபர்ஸ்ட் லுக் வெளியிடப்பட்டிருக்கிறது.

அத்துடன் இந்த படம் ஜுன் மாதம் வெளியாகும் என அதிகாரப்பூர்வமாக அறிவிக்கப்பட்டிருக்கிறது.

‘மேயாதமான்’, ‘ஆடை‘ ஆகிய படங்களை இயக்கிய இயக்குநர் ரத்னகுமார் இயக்கத்தில் தயாராகி இருக்கும் புதிய திரைப்படம் ‘குலு குலு’. இந்தப் படத்தில் சந்தானம் கதையின் நாயகனாக நடிக்க, அவருக்கு ஜோடியாக நடிகைகள் அதுல்யா, சந்திரா மற்றும் நமீதா கிருஷ்ணமூர்த்தி ஆகியோர் நடித்திருக்கிறார்கள்.

இவர்களுடன் பிரதீப் ராவத், மரியம் ஜார்ஜ், சாய் தீனா, ‘ லொள்ளு சபா’ மாறன், ‘லொள்ளு சபா’ சேசு, டி எஸ் ஆர், பிபின், கவி, ஹரிஷ், யுவராஜ், மாரிதாஸ் உள்ளிட்ட பலர் நடித்திருக்கிறார்கள். விஜய் கார்த்திக் கண்ணன் ஒளிப்பதிவு செய்திருக்கும் இந்தப் படத்திற்கு சந்தோஷ் நாராயணன் இசையமைத்திருக்கிறார்.

படத்தொகுப்பை பிலோமின் ராஜ் கவனித்திருக்கிறார். இந்த திரைப்படத்தை சர்க்கிள் பாக்ஸ் என்டர்டெய்ன்மென்ட் என்ற பட நிறுவனத்தின் சார்பில் தயாரிப்பாளர் எஸ். ராஜ் நாராயணன் பிரம்மாண்டமான பொருட்செலவில் தயாரித்திருக்கிறார்.

இப்படத்தின் மோஷன் போஸ்டர் இணையத்தில் வெளியாகி மில்லியன் கணக்கிலான பார்வையாளர்களால் பார்வையிடப்பட்டு சாதனை படைத்து வருகிறது.

‘குலு குலு’ படத்தின் படபிடிப்பு அண்மையில் நிறைவடைந்தது. தற்போது இறுதிக்கட்டப் பணிகள் விறுவிறுப்பாக நடைபெற்று வருகிறது. இப்படத்தின் ஆடியோ உரிமையை முன்னணி நிறுவனமான சோனி மியூஸிக் கைப்பற்றியிருக்கிறது.

தற்போது இப்படத்தின் ஃபர்ஸ்ட் லுக் வெளியாகியிருக்கிறது. ஃபர்ஸ்ட் லுக்கில் நடிகர் சந்தானத்தின் தோற்றம் ரசிகர்களை கவர்ந்திருப்பதால் இதற்கு இணையத்தில் பெரும் வரவேற்பு கிடைத்து வருகிறது.

அத்துடன் சந்தானத்தின் ‘குலு குலு’ ஜுன் மாதம் வெளியாகும் என அறிவிக்கப்பட்டிருப்பதால் ரசிகர்கள் உற்சாகமடைந்திருக்கிறார்கள்.

Santhanam’s Gulu Gulu first look released

எம்ஜிஆர் கலைஞர் நடுவில் கார்த்தி.. அரசியலுக்கு அழைப்பு?.; ரசிகர் மன்றம் திடீர் அறிக்கை

எம்ஜிஆர் கலைஞர் நடுவில் கார்த்தி.. அரசியலுக்கு அழைப்பு?.; ரசிகர் மன்றம் திடீர் அறிக்கை

தலைமை நிர்வாகிகள் அனைவருக்கும் வணக்கம்!

வரும் மே-25ம் தேதி கார்த்தி அண்ணன் அவர்களின் பிறந்தநாளை முன்னிட்டு தமிழகத்தின் பல்வேறு மாவட்டங்களில் இரத்ததானம், அன்னதானம், கண்தானம், நீர்மோர் பந்தல்கள், குடிதண்ணீர் பந்தல்கள் அமைத்தல், மரக்கன்றுகள் நடுதல், மாணவர்களுக்கு நோட்டு,புத்தகம், பைகள் வழங்குதல், ஆதரவற்றோர் இல்லங்களுக்கு உணவு மற்றும் நலத்திட்ட உதவிகள் வழங்குதல் போன்ற பல்வேறு பணிகளில் நாம் ஈடுபட்டு வருகிறோம்.

அதை முன்னிட்டு போஸ்டர்கள் ஒட்டுவதும், முறையான முன் அனுமதி பெற்று விளம்பரங்கள் செய்வதும் ஒவ்வொரு வருடமும் நடந்துவரும் நிகழ்வுகள் ஆகும். இத்தகைய செயல்கள் யார் மனதையும் புண்படுத்தாத வகையிலும், கார்த்தி அண்ணன் அவர்களின் நற்பெயருக்கு களங்கம் விளைவிக்காத வகையிலும் இருக்கவேண்டும் என்பது நாம் அனைவரும் அறிந்த ஒன்றுதான்.

நேற்று மதுரை மாவட்ட நிர்வாகிகள் சார்பில் ஒட்டப்பட்ட போஸ்டரில் இரண்டு மாபெரும் அரசியல் தலைவர்களுக்கு மத்தியில் கார்த்தி அண்ணன் இருப்பது போல டிசைன் செய்யப்பட்டு இருந்தது.

இது குறித்து விளக்கம் கேட்டபோது “கார்த்தி அண்ணன் அவர்கள் மேல் இருந்த அன்பின் காரணமாக இவ்வாறு செய்துவிட்டதாகவும், இனிமேல் இவ்வாறு நடக்க மாட்டோம்” என்றும் மதுரை மாவட்ட நிர்வாகிகள் உறுதி அளித்துள்ளனர்.

கார்த்தி மக்கள் நல மன்றம் சார்பாக போஸ்டர்கள், பேனர்கள் டிசைன் செய்யுபோது மிகுந்த கவனத்துடன் இருக்க வேண்டும் என்றும், அந்த போஸ்டர்களில் எந்தவிதமான அரசியல், சாதி, மத, இன அடையாளங்கள் எதுவும் இடம்பெறக் கூடாது என்றும்; யாருக்கும் எந்தவித மன வருத்தத்தையும், அதிருப்தியையும் ஏற்படுத்தாத வகையில் போஸ்டர் டிசைன்கள் இருக்க வேண்டும் என்றும் கேட்டுக்கொள்ளப்படுகிறது.

இந்த அறிவிப்பை மீறி நடக்கும் நிர்வாகிகள் மீது உரிய நடவடிக்கை எடுக்கப்படும் என்றும் தெரிவித்துக்கொள்கிறோம். நன்றி!

(ஆ.பரமு) – அகில இந்திய தலைவர். (இரா.வீரமணி) – அகில இந்திய செயலாளர்..

Official Statement from All india Karthi fans club

விஜய்-சிவகார்த்திகேயன் பட பாடல்கள் பாணியில் ‘லவ் யூ பேபி’

விஜய்-சிவகார்த்திகேயன் பட பாடல்கள் பாணியில் ‘லவ் யூ பேபி’

விஜய் பட ஐடியா, சிவகார்த்திகேயன் ஸ்டைல் லிரிக்ஸ் என புதுவிதமாக.. Love you baby என்ற ஆல்பம் பாடல் ஒன்று உருவாகியிருக்கிறது.

இந்த Love you baby ஆல்பம் பாடலை அனுகிரஹா எண்டெர்டெயின்மெண்ட்ஸ் S காமாட்சி கனிமொழி தயாரித்துள்ளார்.

இளைஞர்களின் பல்ஸ் அறிந்து கன்டென்ட் புடித்திருக்கும் பிரசாத் ராமன் இந்தப்பாடலை அட்டகாசமாக இயக்கியிருக்கிறார்.

இப்பாடலின் வெற்றியை தனது கெத்தான குரலால் பாடி உறுதி செய்திருக்கிறார் ப்ரேம்ஜி அமரன். அவர் பாடியுள்ள பாடல்களில் இப்பாடல் அதிக கவனம் பெறும் என்கிறார்கள்

இப்பாடலில் நடிகர் சந்தோஷ் பிரதாப் நடித்துள்ளார். சமீபத்தில் பெரும் அதிர்வை ஏற்படுத்திய சர்பட்டா பரம்பரை படத்தில் முக்கியக் கேரக்டரில் நடித்திருந்த சந்தோஸ் பிரதாப், கதை திரைக்கதை வசனம் இயக்கம், பொதுநலன் கருதி, என் பெயர் ஆனந்தன், பஞ்சராக்ஷரம் ஆகிய படங்களில் கதாநாயகனாக நடித்துள்ள அவர் இப்பாடலில் எனர்ஜியோடு நடித்துள்ளார்.

அவருக்கு ஜோடியாக இப்பாடலில், என்னங்க சார் உங்க சட்டம், சகா ஆகிய படங்களில் நடித்து கவனம் பெற்ற ஐரா நடித்துள்ளார்.

மேலும் இப்பாடலில் ஷாஜகான் படத்தில் விஜய் காதலர்களை சேர்த்து வைப்பது போல ஒரு கான்செப்டை பாடலுக்குள் வைத்திருக்கிறார்கள்.

காதலர்களை சேர்த்து வைப்பவராக ராகுல் தாத்தா அசத்தி இருக்கிறார்.

இந்தப்பாடலை தனது தனித்துவ இசையால் அழகுப்படுத்தி இருக்கிறார் இசை அமைப்பாளர் ராக்கேஷ் அம்பிகாபதி.

“டசக்கு டசக்கு”, “வா மச்சானே” ஆகிய மெகா ஹிட் பாடல்களை எழுதிய முத்தமிழும், பிரசாத் ராமனும் இந்தப்பாடலை எழுதியுள்ளனர்.

ஒரு பாடலின் விஷுவல் அழகாயிருப்பது கேமராமேன் கையில் தான். அதை வெகுசிறப்பாக செய்திருக்கிறார் ஒளிப்பதிவாளர் சந்தோஷ் பாண்டி.

மிகப்பெரிய வெற்றி பெறுவதற்கான எல்லா முகாந்திரங்களோடு உருவாகி இருக்கும் இப்பாடலுக்கு ரிச்சட் கிறிஸ்டோபர் நடனம் அமைத்துள்ளார்.

தனிக்கவனம் செலுத்தி இப்பாடலுக்கான எடிட்டிங் பணியைச் செய்துள்ளார் எடிட்டர் தரணி பால்ராஜ். மேக்கப் பணியை சுப்ரஜா வாசுதேவன் செய்துள்ளார். உடையலங்காரம் கெளசல்யா மாரிமுத்து, ஸ்டில் போட்டோஸ் கிப்டான் சந்துரு.

மிகவும் பாசிட்டிவ் மோட்-ல் தயாராகி இருக்கும் இப்பாடல் வரும் 20-ஆம் தேதி வெளியாகவுள்ளது.

Airaa

Santhosh Prathap

Santhosh Pratap and Airaa joins for Love you baby

காவி கொடி… கல்லூரி பார்ட்டி.; மோகன் பிறந்தநாளில் விஜய்ஸ்ரீ கொடுத்த ‘ஹரா’ ட்ரீட்

காவி கொடி… கல்லூரி பார்ட்டி.; மோகன் பிறந்தநாளில் விஜய்ஸ்ரீ கொடுத்த ‘ஹரா’ ட்ரீட்

1980களில் தமிழக ரசிகர்களை கவர்ந்த நடிகர் மோகன் ரீஎன்ட்ரி கொடுக்கும் படம் ‘ஹரா’. ஹரா என்றால் பகையை வென்றவன் என்று பொருள்.

இந்த படத்தை ‘தாதா 87’ மற்றும் பவுடர் படங்களின் இயக்குனர் விஜய்ஸ்ரீ இயக்கிவருகிறார். (பவுடர் படம் விரைவில் வெளியாகவுள்ளது)

‘ஹரா’ பட டைட்டில் டீசரை தமிழ் புத்தாண்டு தினத்தில் வெளியிட்டனர்.

மோகன் ஜோடியாக குஷ்பு நடிக்கிறார். இவர்களின் மகளாக சுவாதி என்பவர் நடிக்கிறார்.

இவர்களுடன் முக்கிய வேடங்களில் யோகிபாபு, மொட்டை ராஜேந்திரன், மனோபாலா, ஜெயக்குமார், ரயில் ரவி உள்ளிட்டோர் நடிக்கின்றனர்.

மனோ மற்றும் பிரஹத் ஆகியோர் ஒளிப்பதிவு செய்ய லியாண்டர் லீ இசை பணியை மேற்கொள்கிறார். குணா எடிட்டிங் செய்கிறார்.

இந்த நிலையில் இன்று மே 10ல் மோகன் தன் பிறந்தநாளை கொண்டாடி வருகிறார். இதனை முன்னிட்டு சென்னை எத்திராஜ் கல்லூரியில் மாணவிகள் மத்தியில் மோகன் பிறந்தநாளை கொண்டாடியுள்ளது படக்குழு.

மேலும் மோகனுக்கு பிறந்தநாள் பரிசு அளிக்கும் விதமாக MOHAN BIRTHDAY GLIMPSE வீடியோவை விஜய்ஸ்ரீ வெளியிட்டுள்ளார்.

முழுக்க முழுக்க ஆக்சன் அவதாரம் எடுத்துள்ளார் மோகன். மேலும் பால்தாக்கரே வேடத்தில் சாருஹாசன் தோன்றுகிறார். ராமை வரச்சொல் என்கிறார் ஒருவரிடம் .

ஆனால்.. நான் ராம் இல்லடா.. தாவூத் இப்ராஹிம் என மோகன் சொல்கிறார். ஆக இந்த படம் இந்து – முஸ்லீம் மதம் பற்றி சில விஷயங்களை சொல்ல வருகிறது என்பதை நம்மால் யூகிக்க முடிகிறது.

இறுதியில் காவி கலர் கொடி பறக்கிறது… அதில் விஜய்ஸ்ரீ பெயர் வருகிறது.

ஆக ஏதோ ஒரு சம்பவம் செய்ய போகிறது ஹரா என்பது மட்டும் நிச்சயம்.

இந்தாண்டு தீபாவளிக்கோ அல்லது அதற்கு முன்போ படத்தை ரிலீஸ் செய்ய திட்டமிட்டுள்ளதாக விஜய்ஸ்ரீ தெரிவித்துள்ளார்.

Glimpse of Haraa released by VijaySri on Mohan birthday

தமிழ் இயக்குநர்கள் கவனிக்க.: 2 வாரங்களில் மட்டும் 4 ரீமேக் படங்கள்.; கதைக்கு இவ்ளோ பஞ்சமா.?

தமிழ் இயக்குநர்கள் கவனிக்க.: 2 வாரங்களில் மட்டும் 4 ரீமேக் படங்கள்.; கதைக்கு இவ்ளோ பஞ்சமா.?

அண்மைக்காலமாக இந்திய சினிமாவில் தெலுங்கு கன்னடம் ஹிந்தி மற்றும் மலையாளம் படங்கள் தரமான படங்கள் வரிசையில் இடம் பெற்று வருகின்றன.

மேலும் வசூலிலும் பாக்ஸ் ஆபிஸில் சக்கைப் போடு போட்டு வருகின்றன.

கன்னட மற்றும் தெலுங்கு நட்சத்திரங்களும் ஆர்வத்துடன் பல்வேறு மாநிலங்களுக்கு சென்று புரமோசன் பணிகளில் ஈடுப்பட்டு வருகின்றனர்.

இதனால் மற்ற மொழி நடிகர்களுக்கு தமிழ் நாட்டில் ரசிகர்கள் உருவாக ஆரம்பித்துள்ளனர்.

ஆனால் தமிழ் சினிமாவில் பான் இந்தியா படங்கள் என்ற பெயரில் 4 மொழிகளில் வெளியிட்டாலும் விஜய், அஜித் ஆகியோர் புரோமோசன் பணிகளில் ஈடுபடுவதில்லை.

இந்த நிலையில் மற்ற மொழி படங்களின் ரீமேக் படங்கள் தமிழ் சினிமாவில் அதிகரித்து வருகிறது.

எழுத்தாளர் பாலகுமாரன் எழுதிய நாவலின் தலைப்பே ஒரு படத்தின் தலைப்பாய் சூட்டப்பட்டது. அதுதான் ‘பயணிகள் கவனிக்கவும்’. கடந்த ஏப்ரல் 28ல் ஆஹா ஓடிடி தளத்தில் ரிலீசானது.

நெட்டிசன்களுக்கு எச்சரிக்கை..; பயணிகள் கவனிக்கவும் விமர்சனம்

இதில் விதார்த், லட்சுமி பிரியா, கருணாகரன் உள்ளிட்டோர் நடித்து இருந்தனர். எஸ்.பி சக்திவேல் என்பவர் இயக்கியிருந்தார்.

கடந்த 2019 ஆம் ஆண்டு மலையாளத்தில் வெளியாகி ரசிகர்களை கவனிக்க வைத்த ‘விக்ருதி’ படத்தின் ரீ-மேக்தான் இது. விதார்த் கேரக்டரில் பிரபல மலையாள காமெடி நடிகர் சுராஜ் வெஞ்சரமூடு நடித்து இருந்தார்.

இதை தொடர்ந்து 3 ரீமேக் படங்கள் கடந்த் மே 6ஆம் தேதி ரிலீசானது.

இதில் 2 படங்கள் மலையாள படத்தின் ரீமேக் ஆகும்.

ஆர். கே. சுரேஷ் நடித்த ‘விசித்திரன்’ மற்றும் கே.எஸ். ரவிக்குமார் நடித்த ‘கூகுள் கூட்டப்பா’ ஆகிய படங்கள் ரிலீசானது.

விசித்திரன் விமர்சனம் 3.75/5 ; மெடிக்கல் மாஃபியாக்களுக்கு மரண அடி

மலையாளத்தில் ஜோசப் என்ற பெயரில் வெளியான படத்தின் ரீமேக் தான் இந்த ‘விசித்திரன்’. பத்மகுமார் இயக்கியிருந்தார். இவரே தான் தமிழிலும் இயக்கியுள்ளார்.

மலையாளத்தில் கதையின் நாயகனாக ஜோஜூ ஜார்ஜ் நடித்திருந்தார்.

மற்றொரு படம் ‘கூகுள் குட்டப்பா’. இது மலையாளத்தில் ‘ஆன்ட்ராய்டு குஞ்சப்பன் 5.25” என்ற பெயரில் வெளியானது. இதில் பிரபல மலையாள காமெடி நடிகர் சுராஜ் வெஞ்சரமூடு நடிக்க தமிழில் கேஎஸ் ரவிக்குமார் நடித்துள்ளார்.

கூகுள் குட்டப்பா விமர்சனம் 3.25/5..; நீ GOOD அப்பா…

தமிழில் தர்ஷன் லொஸ்லியா யோகிபாபு ஆகியோர் நடிக்க சபேஷ் சரவணன் என இருவர் இயக்கியிருந்தனர்.

மற்றொரு படம் ‘அக்கா குருவி’.

மஜித் மஜிதி இயக்கி மாபெரும் வெற்றி பெற்ற Children of Heaven என்று படத்தை தமிழில் மறுஉருவாக்கம் செய்து ‘அக்கா குருவி’ என்ற பெயரில் இயக்கியிருக்கிறார் சாமி . இளையராஜா இசையமைத்துள்ளார்.

அக்கா குருவி விமர்சனம் 3.5/5..; ஒரு ஜோடி ஷூவில் கட்டப்பட்ட பாசமலர்கள்

இந்த நான்கு படங்களுமே தமிழக ரசிகர்களிடையே நல்ல வரவேற்றை பெற்றது. தரமான படங்களுக்கு ரசிகர்கள் என்றுமே தங்கள் ஆதரவை அளித்து வருகின்றனர்.

ஆனால் இது தமிழக இயக்குனர்களின் கதை வறட்சியை தான் காட்டுகிறது. இப்படியே சென்றால் தமிழக ரசிகர்கள் தங்கள் ரசனையை மாற்றிக் கொள்வார்கள்.

தற்போது ஓடிடி தளங்களில் மற்ற மொழி படங்களும் வெளியாவதால் அதனை நேரடியாக அங்கேயே பார்த்துவிடுவார்கள். தமிழில் ரீமேக் செய்தாலும் பெரிய பலன் இருக்காது என்பதே நிதர்சனமான உண்மை.

இனிமேலாவது ரசிகர்களின் ரசனையை புரிந்து இங்குள்ள தமிழ் இயக்குனர்கள் தங்களின் சொந்த படைப்பை திரைப்படமாக்குவார்கள் என நம்புவோம்.

Common man Request to Tamil film directors

3ஆம் தர அரசியல் மேடையாக்கி்ட்டீங்க.. மீண்டும் நடிகர் சங்கத்தை கடனில் சிக்க வைக்க விஷால் திட்டம்.; உதயா கண்டனம்

3ஆம் தர அரசியல் மேடையாக்கி்ட்டீங்க.. மீண்டும் நடிகர் சங்கத்தை கடனில் சிக்க வைக்க விஷால் திட்டம்.; உதயா கண்டனம்

தென்னிந்திய நடிகர் சங்கத்தின் செயலாளர் விஷாலுக்கு வணக்கம்,

நான் நடிகர் உதயா.

தென்னிந்திய நடிகர் சங்கத்தின் உறுப்பினர் என்ற உரிமையிலும், சக நடிகர்கள் மற்றும் அனைத்து உறுப்பினர்களின் நலன் கருதியும் இந்த கடிதத்தை தங்களுக்கு எழுதுகிறேன்.

நடிகர் சங்க தேர்தலில் தங்கள் அணி வெற்றி பெற்றதாக சமீபத்தில் அறிவிக்கப்பட்ட நிலையில், சங்கத்தின் பொதுக்குழு கூட்டம் கடந்த ஞாயிறன்று சென்னையில் நடைபெற்றது.

தங்களது அணியின் வெற்றி குறித்த மாற்றுக்கருத்துக்கு இடையிலும் சங்கத்தின் ஒற்றுமை மற்றும் வலிமை தான் முக்கியம் எனக் கருதி தேர்தலில் தங்களை எதிர்த்து போட்டியிட்ட அணியை சேர்ந்தவர்களும் இக்கூட்டத்தில் முழுமனதுடன் கலந்து கொண்டோம்.

சங்க வளர்ச்சி நடவடிக்கைகளுக்கு ஆதரவளிக்கவும் தயாராக இருந்தோம், இருக்கிறோம், இருப்போம்.

தோல்வி அடைந்ததாக அறிவிக்கப்பட்டவர்களே இத்தனை பெருந்தன்மையாக இருக்கும் போது, வெற்றி பெற்றதாக அறிவிக்கப்பட்ட நீங்கள், அதுவும் தற்போது அனைவருக்கும் பொதுவான பொறுப்பில் இருக்கும் நீங்கள், எவ்வளவு பெருந்தன்மையுடன் இருந்திருக்க வேண்டும். ஆனால் நடந்தது என்ன?

கூட்டத்தில் பேசிய நீங்கள் அதை ஏதோ மூன்றாம் தர அரசியல் மேடை போல ஆக்கியதோடு, சங்கத்தின் மாண்பையும் குறைத்து விட்டீர்கள்.

ஜனநாயக முறைப்படி உங்களை எதிர்த்து போட்டியிட்டவர்களை வைரஸ் என்று வர்ணித்தீர்கள்.

கொரோனா காலத்தில் மட்டுமில்லாமல் சங்க உறுப்பினர்களுக்கு எப்போதும் உண்மையாக உழைப்பவர்கள், உதவுபவர்கள் யார் என்பதை நம் அனைத்து உறுப்பினர்களும் அறிவார்கள்.

மேலும், தமிழ் திரையுலகின் வைரஸ் யார் என்பதையும் அனைவரும் அறிவார்கள், அறிந்தே உள்ளார்கள். உங்கள் பெயரும், வைரஸும் ‘வி’ எனும் ஆங்கில எழுத்தில் தொடங்குவதால் உங்களுக்கு அதன் மேல் அத்தனை பற்று போலும்.

அது மட்டுமா? பல்லாண்டு கால சீரிய முயற்சிகளுக்குப் பின்னர் சங்கத்தை கடனில் இருந்து மீட்ட நிலையில், கடன் சுழலில் அதை மீண்டும் சிக்க வைக்கும் வகையில் வங்கிக் கடன் வாங்கி கட்டிடம் கட்டப்படும் என்று அறிவிக்கப்பட்டுள்ளது அனைத்து உறுப்பினர்களையும் பேரதிர்ச்சிக்குள்ளாக்கியுள்ளது.

இந்த முடிவு தற்கொலைக்கு சமமானது. இதனால் வறுமையில் வாடும் நமது சக சகோதர, சகோதரிகளுக்கு எந்த நன்மையும் கிடைக்காது. சங்க கட்டிடத்தை நடிகர்களாகிய நாமே நம்மால் இயன்ற பங்களித்து கட்டி முடிக்க முடியும் என்பது அனைவரும் அறிந்ததே.

அப்படி செய்தால் மட்டுமே அதில் வரும் வருவாயைக் கொண்டு நலிந்த நிலையில் உள்ள உறுப்பினர்களுக்கு உதவ முடியும், நம் மூத்தோர்களின் ஆன்மாக்களையும், மனங்களையும் குளிர்விக்க முடியும்.

எனவே, மேற்சொன்ன கருத்துகளை எதி(ரி)ர்மறை விமர்சனமாக பார்க்காமல், நம்மனைவரின், நம் சங்கத்தின் நலனுக்கான ஆக்கப்பூர்வ ஆலோசனையாக எடுத்துக் கொண்டு அனைவரின் கருத்துகளுக்கும் மதிப்பளித்து சங்கத்தின் வளர்ச்சியை முன்னெடுத்து செல்வீர்கள் என்று நம்புகிறோம்.

தங்கள் நேர்மறை நடவடிக்கைகளுக்கு என்றும் ஆதரவளிக்க தயாராகவே உள்ளோம்.

உண்மையுடன்,

உதயா
நடிகர்/
நடிகர் சங்க உறுப்பினர்
(7068)

Actor Udhaya wrote letter to Vishal

More Articles
Follows