தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபல திரைப்பட ஸ்டண்ட் இயக்குனர் ஜூடோ ரத்தினம் உடல்நல குறைவு மற்றும் வயது முதுமை காரணமாக நேற்று ஜனவரி 26ல் உயிரிழந்தார். (வயது 93)
இவர் ரஜினிகாந்த், கமல்ஹாசன் முதல் பாலிவுட்டில் அமிதாப்பச்சன், தர்மேந்திரா உள்ளிட்ட பல நடிகர்களுடன் பணியாற்றியவர் என்பது குறிப்பிடத்தக்கது.
இந்த நிலையில் தற்போது சென்னை வடபழனி ஸ்டண்ட் யூனியன் அலுவலகத்தில் வைக்கப்பட்டுள்ள ஸ்டண்ட் இயக்குநர் ஜூடோ ரத்தினத்தின் உடலுக்கு பல்வேறு திரைப்பிரபலங்கள் அஞ்சலி செலுத்தி வருகின்றனர்
மறைந்த ஜூடோ ரத்தினம் உடலுக்கு நேரில் வந்து மாலை அணிவித்து அஞ்சலி செலுத்தினார் சூப்பர் ஸ்டார் ரஜினிகாந்த்.
பின்னர் அவரது குடும்பத்தினர் மற்றும் ஸ்டண்ட் யூனியன் உறுப்பினர்களுக்கு நடிகர் ரஜினிகாந்த் ஆறுதலை தெரிவித்தார்.
பின்னர் செய்தியாளர்களை சந்தித்து பேசும்போது நடிகர் ரஜினிகாந்த்..
“1976-ம் ஆண்டில் இருந்து அவருடன் பழக்கம் ஏற்பட்டது.. அவருக்கு என்று தனியாக ஒரு ஸ்டைல் உருவாக்கிக் கொண்டு அதை திரையுலகிலும் அறிமுகப்படுத்தினார்.்
அவருடைய அசிஸ்டன்ஸ் (உதவி சண்டைப் பயிற்சியாளர்கள்) இன்று பெரிய ஸ்டன்ட் மாஸ்டர் ஆக உள்ளார்கள்.
‘முரட்டுக்காளை’ படத்தில் ரயிலில் ஒரு சண்டைக்காட்சி இருக்கும். அதுபோல இதுவரை யாரும் செய்தது இல்லை.
93-வயதில் பூரண வாழ்க்கை வாழ்ந்துள்ளார். அவரது குடும்பத்திற்கு எனது ஆறுதலை தெரிவித்துக் கொள்கிறேன்” என்றார்.
Rajini paid last respect to Stunt Master Judo Ratnam