By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
அஜித், ஹீமா குரேஷி, கார்த்திகேயா நடித்த ’வலிமை’ படம் கடந்த பிப்ரவரி மாதம் 24ல் வெளியானது.
நெகட்டிவ் விமர்சனங்களே படத்திற்கு கிடைத்ததால் படம் தோல்வியை தழுவியது.
இந்த நிலையில் வலிமை பட தயாரிப்பாளர் போனி கபூர் மற்றும் இயக்குனர் எச் வினோத் ஆகிய இருவருக்கும் சென்னை உயர்நீதிமன்றம் நோட்டீஸ் அனுப்பியுள்ளது,
அதில் ’மெட்ரோ’ என்ற படத்தை தயாரித்த தயாரிப்பாளர் அந்த படத்தை பிறமொழிகளில் தயாரிக்க திட்டமிட்டு இருந்ததாகவும் ஆனால் இந்த படத்தில் உள்ள கதை மற்றும் கதாபாத்திரங்களை ’வலிமை’ படத்தில் தன்னுடைய அனுமதி இல்லாமல் இயக்குனர் வினோத் இணைத்து உள்ளதாகவும் இதனால் தனக்கு இழப்பு ஏற்பட்டுள்ளதாகவும் சென்னை ஐகோர்ட்டில் மனு தாக்கல் செய்துள்ளார்.
இந்த மனுவுக்கு பதில் அளிக்கும்படி ’வலிமை’ தயாரிப்பாளர் போனி கபூருக்கு நோட்டீஸ் அனுப்பியுள்ளது திரையுலகில் பெரும் பரபரப்பை ஏற்படுத்தியுள்ளது.
சென்னையை கதிகலங்க செய்த செயின் திருடர்களையும், திருடர்களின் கேங் லீடரை ஹீரோ (சிரிஷ்) தேடி கண்டுபிடிப்பதுதான் ‘மெட்ரோ’ படத்தின் கதை என்பது தங்களுக்கு நினைவிருக்கலாம்.
ஏற்கெனவே ஜாக்கிசான் நடிப்பில் 2004ல் வெளியான நியூ போலீஸ் ஸ்டோரி படத்தில் உள்ள ஒரு சண்டைக் காட்சியை தான் வலிமை படத்தில் வைத்திருந்தனர். இரண்டையும் இணைத்த அந்த வீடியோ வெளியானது.
தற்போது மெட்ரோ பட கதை மற்றும் காட்சிகளை வலிமை படத்தில் காப்பியடித்துள்ளது அடுத்த சர்ச்சைகளை ஏற்படுத்தியுள்ளது.
Metro producer case filed against Valimai team
