தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அமீர் இயக்கிய ‘பருத்திவீரன்’ படத்தில் அறிமுகமானார் நடிகர் கார்த்தி. இவரது முதல் படமே மிகப்பெரிய வெற்றியை பெற்றது. மேலும் முதல் படத்திலேயே அசத்தலான சிறந்த நடிப்பை கொடுத்திருந்தார் கார்த்தி.
அதன்பின்னர் பல படங்களில் பல வேடங்களை ஏற்று இன்று முன்னணி நடிகராக இருப்பவர் கார்த்தி. தற்போது இவரது நடிப்பில் 25வது படமாக உருவாகி உள்ளது ‘ஜப்பான்’ படம்.
ராஜூமுருகன் இயக்கியுள்ள இந்த படத்தை ட்ரீம் வாரியர்ஸ் நிறுவனம் தயாரித்து உள்ளது. அனு இமானுவேல் நாயகியாக நடிக்க இந்த படத்திற்கு ஜிவி பிரகாஷ் இசையமைத்துள்ளார்.
இந்த படத்தின் இசை வெளியீட்டு விழா நாளை அக்டோபர் 28ஆம் தேதி மாலை 6 மணி அளவில் சென்னை நேரு ஸ்டேடியத்தில் மிக பிரம்மாண்டமாக நடைபெற உள்ளது.
இந்த நிலையில் தன்னுடைய வளர்ச்சிக்கு காரணமான தன்னுடைய முந்தைய 24 படங்களில் தயாரிப்பாளர்கள் இயக்குனர்கள் மற்றும் திரையுலக பிரபலங்களை அழைத்து கௌரவிக்க இருக்கிறாராம் நடிகர் கார்த்தி.
Karthi starrer Japan audio launch in grand level