By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
நடிகர் கமல்ஹாசன், தனது ஆழ்வார்ப்பேட்டை அலுவலகத்தில் உள்ள மாடிப் படிக்கட்டில் இருந்து கீழே இறங்கி வரும்போது, கால் தவறி மாடிப்படியில் இருந்து விழுந்துள்ளார்.
அப்போது அவருக்கு முதுகு தண்டுவடத்திலும் காலிலும் காயம் ஏற்பட்டுள்ளது.
எனவே, உடனடியாக ஆயிரம் விளக்கு பகுதியில் இருக்கும் தனியார் மருத்துவமனையில் சிகிச்சைக்காக அனுமதிக்கப்பட்டுள்ளார்.
கமல்ஹாசனை பரிசோதித்த டாக்டர்கள் அவர் விரைவில் குணமாகிவிடுவார் என்றும் அவருக்கு சில வாரங்கள் ஓய்வு தேவை எனவும் தெரிவித்துள்ளனர்.
விபத்து நடந்ததையொட்டி லண்டனில் நடைபெறுகிற இந்திய திரைப்படவிழாவில் கமல் கலந்து கொள்ள மாட்டார் என தெரியவந்துள்ளது.
அங்கு அவருக்கு வாழ்நாள் சாதனையாளர் விருது வழங்கப்பட இருந்தது என்பது குறிப்பிடத்தக்கது.
சபாஷ் நாயுடு படத்தின் 42 நிமிட காட்சிகள் தயாராகி இருக்கிறது.
விரைவில் ஹைதராபாத்தில் அடுத்தகட்ட படப்பிடிப்பு தொடங்கப்பட இருந்த நிலையில் இந்த விபத்து நடந்துள்ளது.
