தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
விஜய் ஆண்டனி, மியா ஜார்ஜ் நடிப்பில் ஜீவா சங்கர் இயக்கியுள்ள படம் ‘எமன்’.
லைக்கா நிறுவனம் தயாரித்துள்ள இதன் இசை வெளியீட்டு விழா சென்னையில் சற்றுமுன் நடைபெற்றது.
இதில் நடிகர்கள் விஜய்சேதுபதி, கலையரசன், சார்லி, இயக்குநர் எஸ்.ஏ.சந்திரசேகர், அறிவழகன், சிங்கம் 3 தயாரிப்பாளர் ஞானவேல்ராஜா உள்ளிட்ட பிரபலங்கள் கலந்து கொண்டனர்.
அப்போது ஞானவேல்ராஜா பேசும்போது…
“விஜய் ஆண்டனியின் சினிமா வளர்ச்சியை பார்த்து வருகிறேன். சந்தோஷமாக உள்ளது.
இப்படத்தின் வெற்றி மூலம் இயக்குனர் ஜீவா சங்கர் அடுத்த லெவலுக்கு செல்வார்.
ஜெயம் ரவியின் ‘போகன்’ படம் வெளியாகி 2 நாட்கள் கூட ஆகவில்லை. அதற்குள் ஃபேஸ்புக்கில் அப்படத்தை வெளியிட்டு உள்ளனர்.
அந்த பக்கத்தில் படத்தை எத்தனையோ லட்சம் பேர் பார்த்துவிட்டார்கள்.
இதனால் அப்படத்தில் பணியாற்றிய கலைஞர்களுக்கு எவ்வளவு பெரிய வலி இருக்கும்?
வருகிற பிப்ரவரி 9ஆம் தேதி எங்ளுடைய ‘சி3’ ரிலீஸ் ஆகிறது.
ரிலீஸ் ஆகும்நாளே காலை 11 மணிக்கு நேரலை LIVE STREAMING செய்கிறோம் என தமிழ் ராக்கர்ஸ் என்ற இணையத்தளம் பதிவிட்டு இருக்கிறார்கள்.
எவ்வளவு தைரியம் அவர்களுக்கு… (என்று கூறி மிகவும் அசிங்கமான வார்த்தையே கூறி அவர்களை திட்டினார்)
இதை ஒட்டுமொத்த தமிழ் திரையுலகமும் வேடிக்கை பார்த்துக் கொண்டுத்தானே இருக்கிறோம்.
எனவே இதனை ஒழிக்க, தயாரிப்பாளர் சங்கத் தேர்தலில் போட்டியிட உள்ளோம்.
அவர்களை ஆறு மாதத்தில் பிடித்து உள்ளே போடுவோம்”. என்று ஆவேசமாக பேசினார்.
Gnanavelraja angry speech about Tamil Rockers and Live Streaming