தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் முன்னணி இயக்குனர்களில் ஒருவராக திகழ்பவர் வெற்றிமாறன்.
வெற்றிமாறன் இயக்கத்தில் உருவான ’வடசென்னை’, ’அசுரன்’ உள்ளிட்ட திரைப்படங்களில் துணை இயக்குனராக பணிபுரிந்தவர் சரண்ராஜ்.
இவர் மதுரவாயல் தனலட்சுமி தெருவை சார்ந்தவர்.
சரண்ராஜ் (07-06-2023) தேதி நள்ளிரவு 11.30 மணியளவில் கே.கே.நகர் ஆற்காடு சாலை அருகே இரு சக்கர வாகனத்தில் பயணித்த போது, அதி வேகமாக வந்த கார் ஒன்று அவர் பைக் மீது மோதியுள்ளது.
இந்த விபத்தில் சரண்ராஜ் பலத்த காயமடைந்து சம்பவம் இடத்திலேயே உயிரிழந்தார்.
இதுகுறித்து தகவல் அறிந்த போலீசார் விரைந்து வந்து சரண்ராஜின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
இதுகுறித்து வழக்குப்பதிவு செய்த போலீசார் சரண்ராஜ் மீது மோதிய காரை ஓட்டி வந்தவரை கைது செய்தனர்.
விசாரணையில் அவர் பெயர் பழனியப்பன் என்றும் அவர் துணை நடிகராக சில படங்களில் நடித்திருப்பது தெரியவந்தது.
துணை நடிகர் பழனியப்பன் காரை குடி போதையில் ஓட்டி வந்ததாகவும் கூறப்படுகிறது. இந்த சம்பவம் குறித்து அந்த பகுதியில் உள்ள சிசிடிவி காட்சிகளை போலீசார் கைப்பற்றி விசாரணை செய்து வருகின்றனர்.
மேலும், இந்த சம்பவம் திரையுலகினர் மத்தியில் பெரும் பரபரப்பை ஏற்படுத்தியுள்ளது.
director vetrimaran’s assistant director died in road accident