தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அர்ஜூன் ரெட்டி என்கிற தெலுங்குப் படம் தமிழில் ‘வர்மா’ என்ற பெயரில் ரீமேக் செய்யப்பட்டது.
பிரபல இயக்குநர் பாலா இயக்க விக்ரம் மகன் துருவ் நாயகனாக இப்பட மூலமாக அறிமுகமானார்.
வங்காள நடிகை மேகா செளத்ரி, ஈஸ்வரி ராவ், பிக் பாஸ் ரைஸா போன்றோரும் நடித்தார்கள்.
ஆனால் இயக்குனருடன் ஏற்பட்ட கருத்து மோதலால் இப்படத்தை தயாரிப்பாளர் வெளியிட விரும்பவில்லை என அறிவித்தார் தயாரிப்பாளர்.
அதாவது ‘அர்ஜுன் ரெட்டி’ படத்தில் இருந்த உயிரோட்டம், ‘வர்மா’ வில் இல்லை என்றார்.
மேலும் ‘வர்மா’ படத்தை வேறு ஒரு இயக்குனரை வைத்து ‘ஆதித்ய வர்மா’ என்ற பெயரில் படத்தை எடுத்து வெளியிட்டனர்.
இந்நிலையில், பாலா இயக்கிய ‘வர்மா’ படத்தை நேரடியாக ஓடிடி-யில் வெளியிட உள்ளனர்.
நாளை (அக்டோபர் 6) சிம்பிளி செளத் என்கிற ஓடிடி தளத்தில் வர்மா படம் வெளியாகிறது.
எனினும் இந்தப் படத்தை இந்தியாவில் உள்ள ரசிகர்களால் பார்க்க முடியாதாம்.
இந்தியாவுக்கு வெளியே உள்ளவர்களால் மட்டுமே பார்க்க முடியும் என தெரிவித்துள்ளனர்.
இந்தியாவிலும் விரைவில் வெளியாகும் என எதிர்பார்க்கப்படுகிறது.
Bala’s Varma to be released on an OTT platform