தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஹார்வர்டு பல்கலைக்கழகத்தில் தமிழ் இருக்கைக்காக உலகெங்கும் உள்ள தமிழர்கள் நிதி உதவி அளித்து வருகின்றனர்.
இது தொடர்பான விழிப்புணர்வை நடிகர் ஜி.வி.பிரகாஷ் தமிழக இளைஞர்களிடையே உருவாக்கி வருகிறார்.
ஹார்வேர்டு பல்கலைகழகத்தில் தமிழுக்கு இருக்கை பெற வேண்டும் ‘தமிழானோம்…’ என்ற பாடலை உருவாக்கியிருந்தார்.
மேலும் சில தினங்களுக்கு முன்பு ஐ.ஏ.எஸ் அதிகாரி சகாயத்தை சந்தித்து பேசினார் ஜி.வி.பிரகாஷ்.
‘லஞ்சம் தவிர்த்து நெஞ்சம் நிமிர்த்திய தமிழரோடு இனிய சந்திப்பு. ஹார்வேர்டு தமிழ் இருக்கைக்காக ஒன்றாக இணைவதில் பெருமை எனவும் தெரிவித்து இருந்தார்.
மேலும் தமிழக அரசு ரூ. 10 கோடியை அளிக்கவுள்ளதாக அறிவித்துள்ளது.
இதனைத் தொடர்ந்து இசையமைப்பாளர் ஏஆர் ரகுமானும் தன் பங்களிப்பாக 25 ஆயிரம் டாலர்களை வழங்கியுள்ளார்.
“இது ஒரு சிறு பங்களிப்புதான். ஆனால் உலகத் தமிழர்கள் இந்த நிதிக்கு தங்களால் ஆன பங்களிப்பைத் தர வேண்டும் என்பதற்காக இதைச் செய்கிறேன்,” என்று ஏ.ஆர்.ரகுமான் கூறியிருந்தார்.
தற்போது இவரை தொடர்ந்து நடிகர் விஷாலும் தன் பங்களிப்பாக ரூ. 10 லட்சம் ரூபாய் செலுத்துகிறேன் என அறிவித்துள்ளார்.
அவர் இது தொடர்பான வெளியிட்டுள்ள அறிக்கையில் கூறியிருப்பதாவது…
380 ஆண்டுகளாக இயங்கி வரும் உலகின் சிறந்த பல்கலைக்கழகமான ஹார்வேர்டு பல்கலைக்கழகத்தில் தமிழ் மொழிக்காக ஓர் இருக்கை அமைய அமெரிக்கவாழ் தமிழர்களான மருத்துவர்கள் சம்பந்தமும் ஜானகிராமனும் தீவிர முயற்சி எடுத்து வருகிறார்கள்.
அவர்களுக்கு எனது பாராட்டுகளையும் நன்றிகளையும் தெரிவித்துக் கொள்கிறேன்.
மூன்று கோடிப் பேர் பேசும் உக்ரைன் மொழிக்கும் ஒன்றரைக் கோடிப் பேர் பேசும் செல்டிக் மொழிக்கும் ஹார்வேர்டில் இருக்கைகள் உள்ளன.
ஹீப்ரூ, சமஸ்கிருதம் ஆகிய மொழிகளுக்கும் இருக்கின்றன. ஆனால் 8 கோடிப் பேர் பேசும் தமிழுக்கு இல்லை என்பது நாம் கவலைப்பட வேண்டியது.
தமிழக அரசு சார்பில் 10 கோடி ரூபாய் ஒதுக்கப்பட்டிருப்பதற்கு நன்றிகள்!
தமிழுக்கு அங்கே ஓர் இருக்கை அமைக்க சுமார் 40 கோடி ரூபாய் தேவைப்படும் நிலையில் இதுவரை சுமார் 17 கோடி ரூபாய் தான் சேர்ந்துள்ளது.
எனது சார்பில் 10 லட்சம் ரூபாய் செலுத்துகிறேன். உலகளாவிய தமிழர்கள் ஒன்றுபட்டு இதற்கான நிதி விரைவில் சேர உதவ வேண்டும் என்றும் மத்திய அரசும் இந்த வரலாற்று சிறப்புக்கு உதவ வேண்டும் என்றும் கேட்டுக் கொள்கிறேன். என விஷால் தெரிவித்துள்ளார்.
AR Rahman and Vishal donates for Tamil Chair at Harvard University