தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அமெரிக்காவில் டாக்டர் படிப்பு படித்தாலும் சினிமா மீது உள்ள ஆர்வத்தால் நடிக்க துவங்கினார் அதிதி.
இவர் பிரம்மாண்ட இயக்குனர் சங்கரின் மகள் ஆவார். என்னதான் அமெரிக்காவில் படித்து நாகரீக பெண்ணாக வளர்ந்தாலும் தன்னுடைய முதல் படத்தில் கிராமத்து பெண்ணாகவே அச்சு அசலாக மாறி இருந்தார்.
‘விருமன்’ படத்தில் கார்த்திக்கு ஜோடியாக நடித்த அதிதி சமீபத்தில் வெளியான மாவீரன் படத்தில் சிவகார்த்திகேயனுக்கு ஜோடியாக நடித்திருந்தார்.
இந்த இரு படங்களும் ரசிகர்கள் மத்தியில் நல்ல வரவேற்பை பெற்ற நிலையில் தற்போது 3வது வெற்றிக்காக காத்திருக்கிறார்.
இந்த நிலையில் அதிதியின் 3வது படத்தின் தகவல்கள் கிடைத்துள்ளன.
அதர்வாவின் தம்பி ஆகாஷ் முரளி நாயகனாக அறிமுகமாகும் படத்தை விஷ்ணுவர்தன் இயக்குகிறார்.
இதில் ஆகாஷ் முரளி ஜோடியாக அதிதி நடிக்க இப்படத்தை சேவியர் பிரிட்டோவின் எக்ஸ்பி ஃபிலிம் கிரியேட்டர்ஸ் நிறுவனம் தயாரிக்கிறது.
இதன் முதல் ஷெட்யூல் சென்னையில் நடந்த நிலையில், அடுத்தகட்ட படப்பிடிப்பு போர்ச்சுக்கல் நாட்டில் நடந்து வருகிறதாம்.
எனவே விரைவில் போர்ச்சுகல் நாட்டிற்கு அதிதி செல்ல உள்ளார் என்றும் அங்கு நடைபெற உள்ள சூட்டிங்கில் கலந்து கொள்வார் எனவும் தகவல்கள் வந்துள்ளன.
Actress Aditi Shankars 3rd movie update