தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நெடுஞ்சாலை, மாயா, உன்னோடு கா ஆகிய படங்களில் நடித்துள்ளவர் ஆரி.
இவர் தற்போது ஆரிமுகம் என்ற பேனரில் குறும்பட இயக்க வாய்ப்பு தருகிறார்.
இதுகுறித்து அவர் கூறியதாவது….
இங்கே நிறைய உதவி இயக்குனர்கள் வாய்ப்பு இல்லாமல் தவித்து வருகின்றனர்.
சங்க உறுப்பினர்களாக உள்ள அவர்களுக்கு உதவிடும் வகையில் குறும்பட இயக்கும் வாய்ப்பை வழங்கவிருக்கிறோம்.
இதற்காக ஒர்க் ஷாப் ஒன்றை நடத்தவிருக்கிறோம். அதில் விண்ணப்பிக்கும் அவர்கள் கலந்து கொள்ளலாம்.
இது ஒரு ஆலோசனை கூட்டம் போல நடைபெறும். இதில் திரையுலக ஜாம்பவான்களும் கலந்து கொண்டு தங்கள் ஆலோசனைகளை வழங்குவார்கள்.
அதன்பின் தேர்ந்தெடுக்கும் ஒருவருக்கு குறும்பட இயக்கும் வாய்ப்பு வழங்கப்படும்.
இதன் மூலம் வருடத்திற்கு ஒரு 10 நல்ல படங்களை கொடுத்தால் எனக்கு மகிழ்ச்சியே. நிறைய நல்ல இயக்குனர்களும் இதன் மூலம் வெளிச்சத்துக்கு வர பாலமாக இருக்கும்.
இவ்வாறு ஆரி தெரிவித்தார்.