தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இயக்குனர் தயாரிப்பாளர் என பன்முகத் திறமை கொண்டவர் மனோபாலா. இவர் நடிகராக பலராலும் அறியப்பட்டவர்.
40 ஆண்டுகளாக சினிமாவில் பயணித்து வரும் மனோபாலா திரைத்துறையில் பல்வேறு வேடங்களில் நடித்துள்ளார்.
இந்த 2023 ஆம் ஆண்டில் வால்டர் வீரய்யா, கோஷ்டி, கொன்றால் பாவம் உள்ளிட்ட படங்களில் இவர் நடித்திருந்தார். தற்போது விஜய் ஸ்ரீ இயக்கி வரும் ஹரா என்ற படத்தில் மோகன் உடன் நடித்து வருகிறார் மனோபாலா.
சந்திரமுகி, ஆம்பள, தெறி, இந்தியா பாகிஸ்தான் அஞ்சான், தீரன் அதிகாரம் ஒன்று, கவலை வேண்டாம் என பல படங்களில் இவரது கேரக்டர் பேசப்பட்டது.
மேலும் 10க்கு மேற்பட்ட படங்களில் படங்களை இவர் இயக்கியுள்ளார். இதில் கன்னடம் மற்றும் ஹிந்தி படங்களும் அடங்கும்.
சதுரங்க வேட்டை என்ற படத்தின் தயாரிப்பாளரும் ஆவார்.
ரஜினி நடித்த ஊர்க்காவலன், விஜயகாந்த் நடித்த என் புருஷன் எனக்கு மட்டும்தான், சிவாஜி கணேசன் நடித்த பாரம்பரியம், சத்யராஜ் நடித்த மல்லுவேட்டி மைனர் உள்ளிட்ட படங்கள் இவரது இயக்கத்தில் உருவானதுதான்.
மேலும் பல டிவி சீரியல்களிலும் அல்லி ராஜ்ஜியம், மாயா, செம்பருத்தி உள்ளிட்ட டிவி சீரியல்களில் இவர் நடித்துள்ளார்.
கிட்டத்தட்ட ஆயிரத்திற்கு மேற்பட்ட படங்களை பணியாற்றி உள்ள மனோபாலா கடந்த சில வாரங்களாக உடல் நல குறைவால் அவதிப்பட்டு உள்ளார்.
இவருக்கு லிவர் (கல்லீரல்) பிரச்சினை இருந்துள்ளது.
இந்த நிலையில் இன்று மே மூன்றாம் தேதி சிகிச்சை பலனின்றி காலமானார் மனோபாலா.
இதனையடுத்து இளையராஜா, பாரதிராஜா, சத்யராஜ் உள்ளிட்ட பிரபலங்கள் வீடியோ பதிவிட்டு இரங்கல் தெரிவித்துள்ளனர்.
மேலும் ரஜினி & கமல் தங்கள் ட்விட்டர் பக்கங்களில் இரங்கல் தெரிவித்துள்ளனர்.
பிரபல இயக்குநரும், நடிகருமான, அருமை நண்பர் மனோபாலாவுடைய இறப்பு எனக்கு மிகவும் வேதனை அளிக்கிறது. அவருடைய குடும்பத்தினருக்கு என்னுடைய அனுதாபங்கள். அவரது ஆத்மா சாந்தியடையட்டும்.
— ரஜினிகாந்த்…
இயக்குனர், நடிகர், தயாரிப்பாளர் என பன்முகம் கொண்ட இனிய நண்பர் மனோபாலா மறைந்த செய்தி பெரும் துயரத்தை அளிக்கிறது. சினிமாவின் ஆர்வலர் என்பதே அவரது முதன்மையான அடையாளமாக இருந்தது. அவரை இழந்து வாடும் குடும்பத்தாருக்கும், நண்பர்களுக்கும், அவரது ரசிகர்களுக்கும் எனது ஆறுதலைத்… https://t.co/x9VldLKPS3
—– கமல்ஹாசன்
Rajini kamal express their shock over the Manobala demise