தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
7 வித்தியாசமான வேடங்களில் விக்ரம் நடித்துள்ள படம் ‘கோப்ரா’
அஜய் ஞானமுத்து இயக்கியுள்ள இந்த படத்திற்கு ஏ ஆர் ரகுமான் இசையமைத்துள்ளார்.
KGF நாயகி ஸ்ரீநிதி ஷெட்டி கதாநாயகியாக நடிக்க இர்ஃபான் பதான், கே.எஸ்.ரவிக்குமார், ஜான் விஜய் ஆகியோரு நடித்துள்ளனர்.
இப்படம் வரும் 31 ஆம் தேதி தமிழ், தெலுங்கு உள்ளிட்ட பல மொழிகளில் வெளியாக உள்ள நிலையில் நேற்று இரவு ‘கோப்ரா’ படக்குழுவினருடன் விக்ரமும் ட்விட்டர் ஸ்பேசில் ரசிகர்களுடன் கலந்துரையாடினார்.
அப்போது விக்ரம் பேசும்போது, ”3 வருடங்களுக்குப் பிறகு என் படம் தியேட்டரில் வெளியாகிறது.
நானும் துருவ்வும் முதல் முறையாக இணைந்த ‘மஹான்’ படம் தியேட்டரில் வெளியாகாமல் ஓடிடியில் ரிலீசானது வருத்தம் தான்.
தற்போது ‘கோப்ரா’, ‘பொன்னியின் செல்வன்’ என அடுத்தடுத்து என் படங்கள் தியேட்டரில் வெளியாக இருப்பதில் மகிழ்ச்சி.
‘கோப்ரா’ படத்தின் கதை வித்தியாசமானது. கதைக்குத் தேவைப்பட்டதால் நிறைய கெட்டப் போடப்பட்டது. எத்தனை கெட்அப் போட்டேன் என்று எனக்கே நினைவில்லை.
என்னுடைய, 62-வது படத்தில் மீண்டும் இயக்குநர் அஜய் ஞானமுத்துவுடன் இணைந்து பணிபுரிய உள்ளேன்” என பேசினார் விக்ரம்.
Actor Vikram talks about Cobra and Mahaan