காஸி விமர்சனம்

சிங்கம் 3 சி3 விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : சூர்யா, அனுஷ்கா, ஸ்ருதிஹாசன், நாகர், ராதாரவி, சூரி, க்ரிஷ், ரோபாசங்கர், தகூர்அனுப் சிங், சாம்ஸ், ராதிகா சரத்குமார், நீதுசந்திரா மற்றும் பலர்.
இயக்கம் : ஹரி
இசை : ஹாரிஸ் ஜெயராஜ்
ஒளிப்பதிவாளர் : பிரியன்
எடிட்டிங்: விடிவிஜயன்
பி.ஆர்.ஓ.: ஜான்சன்
தயாரிப்பாளர் : ஸ்டூடீயோ கிரீன் ஞானவேல்ராஜா

கதைக்களம்….

சிங்கம் படத்தை போல இதிலும் சூர்யா ஒரு கமிஷ்னர்.

அவருக்கான புரொஜக்ட் என்னவென்றால், ஆந்திராவில் ஒரு கமிஷனர் கொல்லப்படுகிறார்.

அந்த கொலையாளியை கண்டுபிடிக்க துரை சிங்கம் புறப்படுகிறார்.

அங்குபோன பிறகுதான் ஒரு வெளிநாட்டு கும்பல் இந்தியளவில் செய்யும் நாசவேலைகள் இவருக்கு தெரிய வருகிறது.

அதனைதொடர்ந்து வழக்கம்போல் சிங்கத்தின் பாய்ச்சல் தொடர்கிறது.

கதாபாத்திரங்கள்…

படம் ஆரம்பித்து 30 நிமிடங்கள் பதுங்கும் சூர்யா அதன்பின்னர் அதிரடியாக க்ளைமாக்ஸ் வரை பாய்ந்து பாய்ந்து அடிக்கிறார்.

இவருக்கு வில்லனும் சளைத்தவர் இல்லை. இருவரும் மோதும் காட்டுப் பகுதியில் உள்ள சண்டைக் காட்சிகள் அனல் பறக்கிறது.

அதுபோல் சூர்யாவின் பன்ச் டயலாக்குகளும் படத்திற்கு பலம் சேர்க்கிறது.

அனுஷ்கா அவரது உயரத்திற்கு ஏற்ப, அம்சமாக வருகிறார்.

ஸ்ருதிஹாசனின் கேரக்டர் வெறுமனே இல்லாமல் ஒரு பத்திரிகையாளராக வருகிறார். ஒரு பாடலும் இவருக்கு உண்டு.

மற்ற கேரக்டர்கள் சூர்யாவின் போலீஸ் படைக்கு அதிகம் உதவுகிறது.

சிரிப்பு போலீஸ் போல சூரி, ரோபா சங்கர், சாம்ஸ் காணப்பட்டாலும் அவர்களை நிறைவாக பயன்படுத்தியுள்ளார் ஹரி.

ஒரு காட்சியில் ராதாரவியும் நாசரும் ஒன்றாக வருகிறார்கள். (நடிகர் சங்க மோதலுக்கு பிறகு வருவது ஆச்சரியம்தான்)

தொழில்நுட்ப கலைஞர்கள்…

ஹாரிஸ் ஜெயராஜின் இசையில் பாடல்கள் கேட்கும் ரகம்.

பின்னணி இசையில் கிட்டதட்ட எல்லா கருவிகளையும் பயன்படுத்தியிருப்பார் போல. சில நேரம் காதுகள் கிழிந்துவிடுமோ என்று பயமாக இருக்கிறது.

பிரியன் ஒளிப்பதிவில் காட்சிகள் அருமை. விடி விஜயனின் எடிட்டிங் எத்தனை கிலோ மீட்டர் வேகம் என்றே தெரியவில்லை. ஸ்பீட் பிரேக் இல்லாமல் பாய்கிறது.

இயக்குனர் பற்றிய அலசல்

படம் ஆரம்பித்து கிட்டதட்ட 30 நிமிடங்கள் சிங்கம் பதுங்கி செல்கிறது திரைக்கதை.

ஆனாலும் படத்தில் விறுவிறுப்புக்கு குறைச்சல் இல்லை.

காமெடி டயலாக்குகள் கூட பாஸ்ட்டாகவே பாய்கிறது. வழக்கம்போல இது சூர்யா-ஹரி கூட்டணியின் கமர்ஷியல் மசாலா.

உலகில் உள்ள பல நாடுகளில் மருத்துவ கழிவுகளை இந்தியாவில் கொட்டுகின்றனர். அது ஒழிக்கப்படும் வேண்டும் என்பதை ஆணித்தரமாக சொல்லியிருக்கிறார்.

சிங்கம் 3 கர்ஜனை தொடரும்…

எனக்கு வாய்த்த அடிமைகள் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : ஜெய், பிரணித்தா, கருணாகரன், காளி வெங்கட், நவீன், தம்பி ராமையா, மொட்டை ராஜேந்திரன் மற்றும் பலர்.
இயக்கம் : மகேந்திரன் ராஜமணி
இசை : சந்தோஷ் தயாநிதி
ஒளிப்பதிவாளர் : மகேஷ் முத்துஸ்வாமி
எடிட்டிங்: கோபி கிருஷ்ணா
பி.ஆர்.ஓ.: நிகில் முருகன்
தயாரிப்பாளர் : வன்ஸன் மூவீஸ் (சுதர்சன்)

கதைக்களம்…

காதல் தோல்விக்கு தற்கொலை சரியான முடிவல்ல.

ஒருவர் தற்கொலை செய்தாலும், செய்ய நினைத்தாலும் அவரை சுற்றியுள்ள குடும்பத்தினருக்கும் நண்பர்களுக்கு பிரச்சினை எப்படியெல்லாம் வரும் என்பதே இப்படத்தின் கதை.

தகவல் தொழில்நுட்ப துறையில் பணிபுரிகிறார் ஹீரோ ஜெய்.

இவருடைய நண்பர்கள் கருணாகரன் ஒரு பேங்க் கேஷியர், காளி வெங்கட் ஒரு ஷேர் ஆட்டோ டிரைவர், நவீன் கால் சென்டரில் வேலை செய்கிறார்.

ஜெய்யும் அவருடன் பணிபுரியும் பிரணித்தாவும் காதலிக்கிறார்கள். ஒரு சூழ்நிலையில் இருவரும் பிரிய நேரிடுகிறது.

அதனால் தற்கொலைக்கு முயற்சிக்கும் ஜெய்யால், அவரது நண்பர்கள் என்னவெல்லாம் பிரச்சினைகளை சந்திக்கிறார்கள் என்பதை காமநெடியுடன் கலந்து தந்திருக்கிறார் இயக்குனர் மகேந்திரன் ராஜமணி.

கதாபாத்திரங்கள்…

ஜெய் வழக்கம்போல நடுத்தர குடும்ப பையன். ஆனால் நடிப்புக்கு பெரிதாக ஸ்கோப் இல்லை. ஜாலியாக வந்து செல்கிறார்.

ஹீரோயின் உடன் டூயட் பாடுகிறார். ஆக்ஷன் கிடையாது.

இவரின் நண்பர்களாக வரும் கருணாகரன், காளிவெங்கட், நவீன் ஆகியோர் பொருத்தமான தேர்வு.

ஜெய்யை தேடுவதிலும் தற்கொலை செய்துக் கொண்டிருப்பானோ என பதறுவதிலும் நன்றாகவே தேடி தேறியிருக்கிறார்கள்.

இந்த அடிமைகள்கள்தான் படத்திற்கு பெரியளவில் கைகோர்த்திருக்கிறார்கள்.

க்ளைமாக்ஸின்போது கௌரவ தோற்றத்தில் வருகிறார் அஞ்சலி. அதைவிட கூடுதலாக ஒரு 3 காட்சிகளில் வருவார் பிரணீத்தா. அவ்வளவுதான்.

நாயகன் காதல் தோல்வி என்பதால் நாயகிக்கு சீன்கள் இல்லையோ?

ஒரு காட்சி என்றாலும் அஞ்சலி அம்சமாக வந்துபோகிறார்.

இவரைப்போல் சந்தானம் ஒரு காட்சியில் ரசிகர்களின் அப்ளாஸை அள்ளுகிறார்.

காதலி வந்தால் டேக் கேர். காதலி போனால் டோன்ட் கேர் என்று பன்ச் பேசி ரசிக்க வைக்கிறார்.

இவர்களுடன் மொட்டை ராஜேந்திரனும் வருகிறார். சில காட்சிகளில் சிறப்பு சேர்க்கிறார்.
லொள்ளுசபா மனோகர் ஒரே காட்சியில் வந்து சிரிக்க வைக்கிறார்.

தம்பி ராமைய்யா, ஆர்எம்ஆர் மனோகர், மாரிமுத்து, சூப்பர்குட் சுப்ரமணி, படவா கோபி ஆகியோரும் உண்டு. இவர்களின் காட்சிகளில் வலுவில்லை.

தொழில்நுட்ப கலைஞர்கள்…

சந்தோஷ் தயாநிதி இசையில் நட்பு பாடல் நண்பர்களுக்கு விருந்து. கண்ணாடி பூக்கள் பாடல் ஓகே.

ஒளிப்பதிவாளர் படத்திற்கு சிறப்பு சேர்ந்திருந்தால் இன்னும் கூடுதலாக ரசித்திருக்கலாம்.

இயக்கம் பற்றிய அலசல்…

தற்கொலை செய்யப்போகும் ஜெய், அதற்குமுன் ஒன்றன்பின் ஒன்றாக செய்வது சில நேரங்களில் ரசிக்க வைத்தாலும் மற்ற நேரங்களில் போரடிக்கிறது.

நிறைய காட்சிகளில் டபுள் மீனிங் வசனங்கள் இருக்கிறது.

அதிலும் அஜித் வசனம் ஒன்று வந்தால் விஜய் வசனம் ஒன்றும் வருகிறது. இவை பல இடங்களில் இடம்பெறுவதை தவிர்த்து இருக்கலாம்.

ஜெய் ப்ரணித்தா காதலில் வலுவில்லை. அதுபோல் காதல் முறிவுக்கும் சரியான காரணம் சொல்லவில்லை.

இப்படியாக சில தொய்வுகள் ஏற்ப்பட்டாலும் ஆங்காங்கே நகைச்சுவையை பரவி ரசிக்க வைக்கிறார்.

ஒருவர் தற்கொலை செய்யப்போகும் முன், மற்றவர்களுக்கு போன் செய்வதால் ஏற்படும் பிரச்சினைகளை காமெடி கலந்து சொன்னதில் இயக்குனர் மகேந்திரன் ராஜமணி சபாஷ் பெறுகிறார்.

எனக்கு வாய்த்த அடிமைகள்… தற்கொலைக்கான விழிப்புணர்வு

போகன் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : ஜெயம் ரவி, அர்விந்த் சாமி, ஹன்சிகா, வருண், அக்ஷரா கௌடா, ஆடுகளம் நரேன், நாசர், பொன்வண்ணன், ஜாமி மற்றும் பலர்.
இயக்கம் : லட்சுமணன்
இசை : இமான்
ஒளிப்பதிவாளர் : சௌந்தர்ராஜ்
எடிட்டிங்: ஆண்டனி
பி.ஆர்.ஓ.: சுரேஷ் சந்திரா
தயாரிப்பாளர் : பிரபுதேவா ஸ்டூடீயோஸ்

கதைக்களம்…

போகன்.. அட என்னப்பா.. இதுவும் ஒரு கூடுவிட்டு கூடு பாயும் கதைதான் என்று ஒரே வரியில் சொல்லிவிடலாம்.

ஆனால்… அப்படிபார்த்தால் வரும் படங்களில் 80 சதவிகிதம் காதல்கதைதான் என்று ஒதுக்கிவிட முடியுமா? அதை இயக்குனர் எப்படி சொல்லியிருக்கிறார் என்பதுதானே சுவாரஸ்யம். அப்படி ஒரு சுவாரஸ்யம் நிறைந்த கதைதான் போகன்.

ஆதித்யா (அரவிந்த் சாமி), மிகப்பெரிய பணக்காரர். ஆனால் பணத்துக்காக எதையும் செய்யும் அதாவது கொள்ளையடிக்கும் குணம் கொண்டவர்.

ஆனால் இவர் கொள்ளையடிக்காமல், ஒரு அபூர்வ சக்தியைப் பயன்படுத்தி மற்றவர்களை அதில் சிக்கவைத்து வாழ்பவர் இவர்.

விக்ரம் (ஜெயம் ரவி) ஒரு போலீஸ். இவருக்கும் மகாலட்சுமிக்கும் (ஹன்சிகா) என்ற பெண்ணுக்கும் திருமணம் நிச்சயம் ஆகிறது.

இந்நிலையில் அர்விந்த் சாமியின் சூழ்ச்சியால், ஜெயம்ரவியின் அப்பா சிக்கிக் கொள்ள, அதன்பிறகு ஜெயம் ரவிக்கும் அரவிந்த்சாமிக்கும் நடக்கும் உச்சக்கட்ட போராட்டமே போகன்.

கதாபாத்திரங்கள்…

இதில் ரெண்டு ஹீரோ. ரெண்டு வில்லன் என்றே சொல்லலாம். அவர்கள் இருவரும் சாட்சாத் ஜெயம்ரவியும் அர்விந்த்சாமியும்தான்.

அர்விந்த்சாமி ஹீரோவாகவும் வில்லனாகவும் நடித்துவிட்டார். இந்த படத்திற்கு பிறகு இனி ஜெயம் ரவியும் வில்லனாக நடிக்கலாம்.

அரவிந்த்சாமியாக ஜெயம்ரவி மாறியபின் அவரைப் போல் செய்து ரசிகர்களிடம் அப்ளாஸ் வாங்குகிறார்.

அதுபோல், தன்னுடைய வில்லத்தனத்தை ஸ்டைலிஷ்ஷாகவும் அப்பாவியாகவும் அருமையாக வெளிப்படுத்தியுள்ளார் அரவிந்த் சாமி.

இவர்களுடன் ஹன்சிகாவும் போட்டிக் போட்டுக் கொண்டு நடித்திருக்கிறார். பாடல் காட்சிகளில் கிளாமராகவும் வந்து ரசிக்க வைக்கிறார்.

நாசர், பொன்வண்ணன், ஆடுகளம் நரேன், நாகேந்திர பிரசாத் மற்றும் வருண் ஆகியோரும் தங்களது பங்களிப்பை சிறப்பாக செய்துள்ளனர்.

’ஆரம்பம்’ புகழ் அக்‌ஷரா கெளடா சில காட்சிகளிலேயே வந்தாலும் ரசிக்க வைக்கிறார்.

தொழில்நுட்ப கலைஞர்கள்…

இமான் இசை இதிலும் குறை வைக்கவில்லை. அதிலும் பின்னணி இசையில் பின்னிஎடுத்துவிட்டார்.

இயக்குநர் காட்சியை சுவாரஸ்யமாக வைத்திருந்தாலும், அதை ரசிக்கும்படி செய்திருப்பவர் ஒளிப்பதிவாளர் செளந்தரராஜன்தான்.

மதன்கார்க்கி வரிகளுக்கு சங்கர் மகாதேவன் மற்றும் ஸ்ரேயா கோஷல் பாடியுள்ள வாராய் வாராய் பாடலை எத்தனை முறை வேண்டுமனாலும் பார்த்துக் கொண்டே இருக்கலாம்.

தாமரை எழுதியுள்ள செந்தூரா பாடலும் ரசிக்கலாம்.

டமாலு டூமீலு பாடலில் எல்லா நடிகர்களும் வருவதால் தியேட்டரில் ஆரவாரம்தான்.

முதல் பாதியில் சில காட்சிகளை வெட்டி இருக்கலாமே என்று எடிட்டர் ஆண்டனியிடம் கேட்க தோன்றுகிறது.

சில லாஜிக் மீறல் இருந்தாலும் தன்னுடை விறுவிறுப்பான திரைக்கதையால் குறைகளை திணறடித்திருக்கிறார் இயக்குனர் லட்சுமணன்.

போகன்…. போற்றக்கூடியவன்

அதே கண்கள் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : கலையரசன், ஷிவதா நாயர், ஜனனி ஐயர், பால சரவணன் மற்றும் பலர்.
இயக்கம் : ரோகின் வெங்கடேசன்
இசை : ஜிப்ரான்
ஒளிப்பதிவாளர் : ரவிவர்மன் நீலமேகம்
எடிட்டிங்: லியோ ஜான் பால்
பி.ஆர்.ஓ.: நிகில் முருகன்
தயாரிப்பாளர் : சிவி. குமார். திருக்குமரன் எண்டர்டெயின்மெண்ட்

கதைக்களம்…

படத்தின் முதல் காட்சியே ஒரு கார் விபத்தில் தொடங்குகிறது.

தனது 16 வயதில் கண் பார்வையை இழந்த கலையரசனுக்கு அப்போது வயது 25. இவர் ஒரு ரெஸ்ட்டாரண்ட் நடத்தி வருகிறார்.

இவரின் தோழியாக வரும் ஜனனி இவரை காதலிக்கிறார். ஆனால் கலையரசனுக்கோ தன்னுடைய வாடிக்கையாளரான ஷிவதா மீது ஒரு கண். (மன்னிக்கவும்) ஒரு காதல்.

ஒரு சூழ்நிலையில் ஷிவதாவுக்கு உள்ள கடன் பிரச்சினையை சமாளிக்க பெரிய தொகை கொடுத்து உதவ நினைக்கிறார்.

அதற்குள் இவருக்கு விபத்து ஏற்பட ஷிவதா காணாமல் போகிறார்.

பின்னர் அவரை தேடும் முயற்சியில் இறங்க அடுத்து அடுத்து பல சுவாரஸ்ய முடிச்சிகளை போட்டு ஒன்றன் பின் ஒன்றாக திரையில் அவிழ்த்து நம்மை சீட்டில் கட்டிப் போடுகிறார் இயக்குனர்.

கதாபாத்திரங்கள்…

பல படங்களில் முக்கிய கேரக்டர்களில் நடித்தாலும் இதில் முழு ஹீரோவாக கதையை தாங்குகிறார் கலையரசன். இனி இவர் தொடர்ந்து இதே ரூட்டில் பயணிக்க வாழ்த்துக்க.ள

மெட்ராஸ் படத்தில் பார்த்த கலையரசனின் ரொமான்ஸ் இதில் மிஸ்ஸிங்.

அதே கண்கள் படத்தில் ஒரு கண் கலையரசன் என்றால் மற்றொரு கண் ஷிவதா.

தமிழ் சினிமாவிற்கு கிடைத்த மற்றொரு நீலாம்பரி, ருத்ரா என ஷிவதாவை சொல்லலாம்.

ஹோம்லியாகவும் ஜொலிக்கிறார். வில்லியாகவும் விளாசுகிறார். சிக்ஸர் அடித்து விடுகிறார் ஷிவதா.

ஜனனிக்கு பெரிய இடமில்லையென்றாலும் நிச்சயம் குறை வைக்கவில்லை.

பாலசரவணன் சீரியஸ் படத்தை கொஞ்சம் கலகலப்பாக்கி இருக்கிறார். ஆனால் கொஞ்சம் அடக்கி வாசித்திருக்கிறார்.

தொழில்நுட்ப கலைஞர்கள்…

ஜிப்ரான் இசையில் பாடல்கள் இனிமை.

தந்திரா பாடல் நிச்சயம் அப்ளாஸை அள்ளும். ஷிவதா வரும் காட்சிகளில் பாடலோடு வரும் பின்னணி இசை ரசிகர்களுக்கு எக்ஸ்ட்ரா போனஸ்.

படத்தின் மற்றொரு பலம் ஒளிப்பதிவாளர் ரவிவர்மன் நீலமேகம்தான்.

பகல் காட்சியானலும் இரவு காட்சியானாலும் தன் கேமரா மூலம் அழகு சேர்த்துவிடுகிறார்.

படத்தின் ப்ளஸ் மற்றும் மைனஸ்…

• விறுவிறுப்பான திரைக்கதை மற்றும் கதைக்களம்
• ஷிவதா நாயரின் கேரக்டரும் அவரின் கெத்தும்
• என்னதான் கலையரசன் மீடியா என்று சொன்னாலும் ஒரு ஐடி கார்டு கூட கேட்கமாட்டாரா? போலீஸ்.
• போலீசுக்கு தெரியாதது சீக்ரெட்ஸ் எல்லாம் கலைக்கு மட்டுமே தெரிகிறது.

இயக்குனர் பற்றி…

படத்தில் ஆக்ஷன் இல்லை என்றாலும் விறுவிறுப்பு உடன் காட்சியை நகர்த்துகிறார் டைரக்டர்.

முதல் பாதி சற்று டல் அடித்தாலும் இரண்டாம் பாதியில் ஸ்பீடை ஏற்றி ரசிக்க வைத்து விடுகிறார்.

படத்தின் க்ளைமாக்ஸை பார்த்தால் நிச்சயம் இரண்டாம் பார்ட் வர வாய்ப்புள்ளதாக தெரிகிறது.

அதே கண்கள்.. அம்சமான கண்கள்

பைரவா விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : விஜய், கீர்த்தி சுரேஷ், அபர்ணா வினோத், ஷீஜாரோஸ், சதீஷ், டேனியல் பாலாஜி, ஹரீஷ் உத்தமன், ஜெகபதிபாபு. பாப்ரி கோஷ், ஒய்.ஜி. மகேந்திரன், ஸ்ரீமன், ஆடுகளம் நரேன், தம்பி ராமையா, ராஜேந்திரன் மற்றும் பலர்.
இயக்கம் : பரதன்
இசை : சந்தோஷ் நாராயணன்
ஒளிப்பதிவாளர் : எம். சுகுமார்
எடிட்டிங்: பிரவீன் கே.எல்.
பி.ஆர்.ஓ.: ரியாஸ் கே. அஹ்மது
தயாரிப்பாளர் : விஜயா புரொடக்ஷன்ஸ்

கதைக்களம்…

வங்கியில் (பேங்க்) லோன் வாங்கியவர்களிடம் பணம் கலெக்ட் செய்யும் வேலை பார்க்கிறார். இவரது நண்பர்தான் சதீஷ்.

லோன் கடனை கொடுக்காமல் ஏமாற்றும் ரவுடிகளை இடையில் வரலாம் வரலாம் வா பைரவா பின்னணி இசையுடன் பந்தாடுகிறார்.

இதனிடையில் கீர்த்தி சுரேஷை கண்டு காதலில் விழுகிறார். ஆனால் கீர்த்தி சுரேஷ் ஒரு பெரிய பிரச்சினையில் இருக்கிறார்.

அதனைத் தெரிந்துக் கொண்டு அவருக்காக ஒரு முறையற்ற கல்லூரி நிர்வாகத்தை எதிர்த்து போராடி பந்தாடுவதே இந்த பைரவா.

கதாபாத்திரங்கள்…

விஜய்க்கு மாஸ் இன்ட்ரோ இருக்கும் என்றால், இதில் அமைதியான என்ட்ரி கொடுத்து நம்மை கவருகிறார்.

அவரது வழக்கமான காதல், காமெடி என துள்ளலுடன் இளமையாக காட்சியளிக்கிறார்.

இதில் புதிய ஹேர் ஸ்டைல் என்பதால் சிலருக்கு பிடிக்காமல் போகலாம்.

பெரும்பாலான காட்சிகள் கீர்த்திக்காக நகர்கிறது. ப்ளாஷ்பேக் காட்சிகளில் விஜய் இடம் பெறவில்லை என்பதால் ரசிகர்களுக்கு சற்று வருத்தம் வரலாம்.

கீர்த்தி சுரேஷ் ஹோம்லியாக ஜொலிக்கிறார். மாஸ் ஹீரோ படத்தில் இவருடைய கேரக்டர் முக்கியத்துவம் பெற்றிருப்பது இவருக்கு பலமே.

முதல்பாதியில் விஜய்-சதீஷின் காமெடி கைத்தட்டலை பெறும். சில காமெடி ரிப்பீட் பிலிங்.

ஜெகபதி பாபு, டேனியல் பாலாஜி இருவரில் டேனியல் பாலாஜி மிரட்டுகிறார்.

ஆனால் அண்ணி மாளவிகா, சிஜா ரோஸ், அபர்ணா வினோத், தம்பி ராமைய்யா, மொட்டை ராஜேந்திரன், ஹரிஷ் உத்தமன், சரத் லோகித்வா ஆகியோரை இயக்குனர் சரியாக பயன்படுத்தவில்லை.

தொழில்நுட்ப கலைஞர்கள்…

பாடல்களை விட பின்னணி இசையில் அதிகம் ஸ்கோர் செய்கிறார் சந்தோஷ் நாராயணன்.

நில்லாயோ பாடல் மனதில் நிற்கும். ரசிகர்கள் பெரிதும் எதிர்பார்த்த வர்லாம் வர்லாம் வா தீம் பாடல் பொங்கல் விருந்துதான். எந்த பாடல் காட்சிகளும் மனதில் ஒட்டவில்லை.

ஒளிப்பதிவாளர் தன் பங்கில் குறைவைக்கவில்லை. ஆனால் எடிட்டர் பொறுமையை சோதித்துவிட்டார்.

படத்தின் ப்ளஸ் மற்றும் மைனஸ்….

• கிரிக்கெட் மற்றும் பஸ் பைட் நிச்சயம் ஆக்ஷன் ரசிகர்களின் ஸ்வீட் அல்வா.
• நம்நாட்டில் பெண்களுக்கு எதிராக நடக்கும் கொடூரங்களின் அலசல்.
• மாணவருக்கும் ஆசிரியருக்கும் தகுதி வேண்டும் என்பது போல, கல்வி நிறுவனங்களை நடத்துபவருக்கு தகுதி வேண்டும் என்ற க்ளைமாக்ஸ் பன்ச் சூப்பர்.
• விஜய்யின் பன்ச் ரசிகர்களை கவரும்.
• முதல் பாதியில் இருந்த விறுவிறுப்பு இரண்டாம் பாதியில் மிஸ்ஸிங்.
• பாப்பா பாப்பா பாடல் இடை சொருகலாக தெரிகிறது.

துப்பாக்கி, கத்தி என அதிரடியாய் தெறிக்க விட்ட விஜய்யை மீண்டும் கமர்ஷியல் பாதைக்கு அழைத்துச் சென்றுள்ளார் பரதன்.

கல்வியாளர்கள் என்ற பெயரில் சில ரவுடிகள் செய்யும் அராஜகத்தை சுட்டி காட்டியிருப்பது சிறப்பு.  ஆனால் இன்னும் வலுவாக நெத்தியடியாக சொல்லியிருந்தால் மிகச்சிறப்பாக இருந்திருக்கும்.

மொத்தத்தில்… விஜய் ரசிகர்களுக்கான பைரவா பொங்கல் இது.