தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கதைக்களம்…
கேப்மாரி படத்தின் முதல் காட்சியே ட்ரெயினில் ஆரம்பமாகிறது. அதுவரை அறிமுகமில்லாத ஹீரோ ஜெய் ஹீரோயின் வைபவ் சாண்டில்யா சந்திப்பு ரயிலுக்குள் போதை செக்ஸ் உடன் முடிகிறது.
நாலு பீரு அடித்துவிட்டால் தான் என்ன செய்கிறோம் என்பதை அறியாமல் செய்துவிடுவாராம் ஜெய்.
அதன்பின் மற்றொரு கட்டத்தில் சந்திக்கும் ஜெய் மற்றும் வைபவி இருவரும் பெற்றோர் சம்மதத்துடன் திருமணமும் செய்துக் கொள்கின்றனர்.
இவர்களின் வாழ்க்கை சந்தோஷமாக செல்ல அதுல்யா வடிவில் பிரச்சினை ஆரம்பமாகிறது.
ஜெய்யின் ஆபிசில் வேலை செய்யும் அதுல்யா இவரை திருமணத்திற்கு முன்பே காதலிக்கிறார்.
ஒரு கட்டத்தில் அதுல்யாவின் ஆசைக்கு சரக்கு போட்டுவிட்டு இணைங்கி விடுகிறார் ஜெய். இதனால் அதுல்யா கர்ப்பமாகிறார்.
உன்னால் நான் கர்ப்பமாகிவிட்டேன். எனக்கு வேறு வழியில்லை. என்னை திருமணம் செய்துக் கொள் இல்லை என்றால் போலீசில் புகார் செய்வேன் என பயமுறுத்துகிறார்.
அதன்பின்னர் ஜெய் என்ன செய்தார்? அதுல்யாவை திருமணம் செய்தாரா? அல்லது கருவை கலைத்தாரா? அல்லது இருவருடனும் உறவு வைத்துக் கொண்டாரா? வைபவி என்ன செய்தார்? என்பதே படத்தின் மீதிக்கதை.
கேரக்டர்கள்…
முன்பு லவ்வர்… பின்பு இரண்டு மனைவிகள் என செம ஜாலியாக இருக்கிறார் ஜெய். பீர் அடிப்பது… கட்டிலில் ஆட்டம் போடுவது என இரண்டு நாயகிகளுடன் லுட்டி அடிக்கிறார் ஜெய். ஆனால் நடிப்பில் இன்னும் கொஞ்சம் மெனக்கெட்டு இருக்கலாம்.
வைபவி அண்ட் அதுல்யா.. இருவரும் போட்டி போட்டுக் கொண்டு கவர்ச்சி மழை பொழிந்துள்ளனர். தொடை அளவு மட்டுமே துணி அணிந்து நம்மை நனைய வைத்துவிடுகின்றனர். அழகிலும் நடிப்பிலும் குறையில்லை.
இவர்களுடன் ஆபிசில் வேலை பார்க்கும் ஒரு கூட்டமும் உள்ளது. தேவதர்ஷினி, சத்யன், சித்தார்த் விபின் என கலகலப்பாக டபுள் மீனிங் ட்ராக் ஓடுகிறது.
தொழில்நுட்ப கலைஞர்கள்…
பாடல்கள் அடிக்கடி வந்து நம்மை கடுப்பேத்துகிறது. ஆனால் அழகான ஹீரோயின் கவர்ச்சியான கன்னிகள் என ஓரளவு தேற்றிவிடுகிறார் எஸ்ஏசி.
சென்சாரில் ஏ சான்றிதழ் வாங்கியிருப்பதால் எதையும் எடிட்டிங் செய்யவில்லை போல. டபுள் மீனிங் காட்சிகளை அப்படியே வைத்துள்ளனர்.
சித்தார்த் விபின் இசையில் ஓரிரு பாடல்கள் ஓகே. ஜீவன் ஒளிப்பதிவில் அத்தனையும் அழகு. ஆனால் நாயகியின் கால்கள் நடுவில் கேமரா வைத்து செய்திருப்பது எல்லாம் ரொம்ப ஓவர்.
கதையில் ட்விஸ்ட் வைத்திருக்கலாம். ஆனால் ஏதோ வெறுமனே ஜாலியாக இருக்க வேண்டும் என படம் இயக்கியிருக்கிறார் எஸ்ஏசி.
வீட்டு வேலைக்காரி வந்தால் கூட.. வீட்டுக்கு வேலை வந்திருக்கேன் என சொல்ல மறுக்கிறார். நான்தான் பால் குடுப்பேன் என பேசுகிறார்.
ஓவர் நைட்ல எனக்கு ஒலகத்தைகே காமிச்சிட்டார். செம பீல்யா என என அதுல்யா டயலாக் எல்லாம் பேசுகிறார்.
அவன் அப்படிதான் சொருகினா அந்த மறந்துடுவான் பென்ட்ரைவ் என அதுல்யா வேற காம நெடிகளை அள்ளி வீசுகிறார்.
பேட்டு, பால் என கிரிக்கெட் போல பெட்ரூம் விளையாட்டு ஆடுகின்றனர்.
படம் முழுவதும் சரக்கு அடித்துக்கிட்டே இருக்கார் ஜெய்.
2 விசிலு வரத்துக்குள்ள குக்கர் ஆஃப் ஆச்சு என்று செக்சில் 2 ரவுண்டுகளை சொல்கிறார் பைவ்வி.
இவையில்லாமல் காண்டத்திற்கு க்ளவுஸ் என பெயரிட்டும் அழைக்கின்றனர்.
இப்படி படம் முழுக்க கேப்பே இல்லாமல் கேப்மாரி விளையாடியிருக்கிறார்.
சமூகத்திற்கு தேவையான புரட்சி கருத்துக்களை சொன்னதால் புரட்சி இயக்குனர் என்றொரு பெயர் எஸ்ஏ. சந்திரசேகருக்கு உண்டு.
ஆனால் இங்கே செக்சில் புதுமையான கருத்துக்களை சொல்லியுள்ளார்.
எங்களுக்கு இதுபோன்ற காட்சிகள் இருந்தால் போதும். நாங்க என்ஜாய் பண்ணிப் பார்ப்போம் என நினைத்தால் கேப்மாரியை ரசிக்கலாம்.
யோவ் எப்படியா? பார்த்த உடனே காதல் வரலாம். ஆனால் செக்ஸ் எப்படியா? என நீங்கள் கேட்கிறீர்களா? அப்படி பார்த்தால் ஏகப்பட்ட லாஜிக் மிஸ் ஆகுது படத்தில்.
ஒரு வீட்டில் 2 பெண்களுடன் குடித்தனம் என்பது எல்லாம் ரொம்பவே ஓவர்.
இந்த பிரச்சினை எல்லாத்துக்கும் காரணம் குடி தான். எனவே இறுதியாக குடிப்பது உடம்புக்கு மட்டுமல்ல வாழ்க்கைக்கும் நல்லதல்ல என ரொம்பவே பொறுப்பான கருத்துடன் படத்தை முடித்துள்ளார் எஸ்ஏ. சந்திரசேகர்.
ஆக… கேப்மாரி… ஓவர் நைட்ல ஒலகம்.. நாலு பீர்ல கலகம்!
CM aka Capmaari review rating