அகிலன் விமர்சனம் – 3.5/5..; ஹாயாக ஓர் ஹார்பர் ட்ரிப்

அகிலன் விமர்சனம் – 3.5/5..; ஹாயாக ஓர் ஹார்பர் ட்ரிப்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

கடல் வழியே நடைபெறுகிற கள்ளக் கடத்தலை சொல்லும் படம் இது.. ஒரு கட்டத்தில் அகிலன் என்ற பெயர் கொண்ட ஜெயம் ரவி இந்தியன் ஓஷனுக்கே ராஜாவாகிறார்.. அது எப்படி என்பது தான் படத்தின் கதை.

கதைக்களம்….

கடல் வழி கள்ளக்கடத்தல் தலைவன் கபூர்.

இவருக்கு கீழே சின்ன சின்ன தாதாக்கள்.. அதில் ஒருவர் ஹரிஷ் பெர்ரடி. இவரிடம் உள்ள திறமையான கடத்தல்காரன் தான் அகிலன் (ஜெயம் ரவி).

தன் கடத்தலுக்கு போலீஸ் பிரச்சினை இல்லாமல் இருக்க தன் காதலி பிரியா பவானி சங்கரை போலீசாக்குகிறார்.

ஆனால் வட இந்திய போலீஸ் (டெல்லி இன்டலிஜன்ஸ் படையை சேர்ந்த சிரக் ஜானி) அகிலனை கைது செய்ய கங்கணம் கட்டிக்கொண்டு அலைகிறார்.

இவர்களின் பிடியில் இருந்து தப்பித்து பல கடத்தல்களை செய்து இந்திய பெருங்கடலுக்கே கடத்தல் ராஜாவாக உருவெடுக்கிறார் ஜெயம் ரவி.

இதற்கு பின்னணியில் ஒரு பிளாஷ்பேக் காட்சியும் இருக்கிறது.. அது என்ன என்பதுதான் படத்தின் மையக்கரு.!

கேரக்டர்கள்….

ரொமான்டிக் பாய்.. நேர்மையான போலீஸ்.. ஜாலியான ஜெயம் ரவியை பார்த்த நாம் இதில் முரட்டுத்தனமான அகிலனை பார்க்கலாம். ஃப்ளாஷ்பாக்கில் வரும் மற்றொரு ஜெயம் ரவி சென்டிமென்ட் நடிப்பில் கலங்க வைக்கிறார். எதைப் பற்றியும் கவலைப்படாத ஒரு கேங்ஸ்டர் போல வெளுத்து கட்டி இருக்கிறார் ஜெயம் ரவி.

வில்லன் வேடத்தில் வரும் போலீஸ் அதிகாரி சிரக் ஜானி.. ஆனால் அவரோ செகண்ட் ஹீரோ போல சிறந்த நடிப்பை கொடுத்துள்ளார். இவருக்கு கூட ஒரு ஜோடி நாயகி வைத்திருக்கலாம்.

ப்ரியா பவானி சங்கர் மற்றும் தன்யா ரவிச்சந்திரன் என இரண்டு ஹீரோயின் இருந்தும் படத்தில் போதுமான காட்சிகள் இல்லை.

இவர்களுடன் மதுசூதனன், ஹரீஷ் பெர்ரடி, ஹரீஷ் உத்தமன், திலீபன் என அனைவரும் சிறந்த பங்களிப்பை கொடுத்துள்ளனர்.

டெக்னீஷியன்கள்…

இதுவரை பல படங்களில்.. தரையில் படமாக்கப்பட்ட படங்களை பார்த்து இருக்கிறோம்.. இது தண்ணீரில் மிதக்கும் கப்பல்கள் பற்றிய கதைக்களம்..

நாம் பார்க்காத ஹார்பர் கண்டெய்னர்கள் பற்றிய அரசியலையும் வியாபாரத்தையும் அக்குவேர் ஆணிவேராக சொல்லி இருக்கிறார் இயக்குனர் கல்யாண் கிருஷ்ணன்.

படத்தில் ஒரு துளி கூட காமெடி இல்லை.. கலகலப்புக்கு கொஞ்சம் இணைத்திருக்கலாம்.

ஆனால் முதல் பாதையில் இருந்த வேகம் இரண்டாம் பாதியில் இல்லை என்பது தான் பெரும் குறையாக உள்ளது..

அகிலனுக்கு பெரிய பலம் இசையும் ஒளிப்பதிவும்.. பாடல்களை விட பின்னணி இசை வேற லெவல்.. சாம் சி எஸ். கேங்ஸ்டர் காட்சிகளுக்கு கூடுதல் கவனம் செலுத்தி மிரட்ட வைத்திருக்கிறார்.

ஒளிப்பதிவு சிறப்பு.. கண்டெய்னர் லாரி திரும்புவது முதல் அது செயல்படும் விதம்.. கப்பல் சேஸிங்… அது தொடர்பான காட்சிகள் என ஹார்பரை நம் கண் முன்னே நிறுத்தி இருக்கிறார் ஒளிப்பதிவாளர்.

ஆக.. தண்ணீர் உலக மாஃபியா என வித்தியாசமான படத்தை கொடுத்துள்ளார் இயக்குனர் கல்யாண் கிருஷ்ணன்.

ஆக அகிலன்… ஹாயாக ஓர் ஆச்சர்ய ஹார்பர் ட்ரிப்..

agilan movie review and rating in tamil

அரியவன் விமர்சனம் 3.25/5.; அதிரடி அண்ணன்

அரியவன் விமர்சனம் 3.25/5.; அதிரடி அண்ணன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

காதல் என்ற பெயரில் பெண்களை வேட்டையாடும் மனித மிருகங்களுக்கு வேட்டை மன்னன் இந்த ஈஷான் (அரியவன்)

கதைக்களம்…

நாயகன் ஈஷான் ஒரு கபடி வீரர்.. தான் உண்டு தன் வேலை உண்டு என இருக்கிறார்.. இவரின் காதலியின் தோழிக்கு ஒரு பிரச்சனை வருகிறது.

அதாவது காதல் வலையில் பெண்களை வீழ்த்தி அவர்களின் அந்தரங்களை படம் பிடித்து மிரட்டி பணம் பறிக்கிறது ஒரு கும்பல்.. மேலும் பெரிய தொழிலதிபர்களுக்கு அந்தப் பெண்களை கூட்டிக் கொடுப்பதும் இவர்களின் வேலை.

இதனால் நிறைய பெண்கள் தற்கொலைக்கு முயற்சிக்க வில்லன் டேனியல் பாலாஜியை எதிர்த்து ஆடும் களமே இந்த அரியவன்.

அரசியல் பலம்.. பண பலம்.. போலீஸ் பலம் ஆகியவற்றை எதிர்த்து நாயகன் என்ன செய்தார்.? டேனியல் பாலாஜியை எப்படி கண்டுபிடித்தார்.? என்பதே மீதி கதை.

கேரக்டர்கள்…

அறிமுக நாயகன் ஈஷான்.. அலட்டிக் கொள்ளாத நடிப்பில் கவர்கிறார்.. அடிதடி இவருக்கு அல்வா சாப்பிடுவது போல பின்னி எடுத்து இருக்கிறார்.. ஆனால் காதல் காட்சிகளில் இன்னும் மெச்சூரிட்டி தேவை.. அதுபோல எப்போதுமே சீரியஸ் ஆகவே காணப்படுகிறார்.. கடுகளவு கூட சிரிப்பு வரவில்லை..

நாயகி பிரணாலி அழகாக வந்து காட்சிகளுக்கு அழகு சேர்த்துள்ளார். காதல் காட்சிகளிலும் கவர்கிறார்.

வில்லனாக டேனியல் பாலாஜி அவரின் வழக்கமான ஸ்டைலிஷ் வில்லத்தனத்தில் மிரட்டல்.. அம்மா ரமா, மாமா சுப்ரமணி வரும் காட்சிகள் நிறைவு.

சத்யன் ஏன் நடித்தார்?? கல்கி ராஜா, ரமேஷ் சக்ரவர்த்தி, காவ்யா, ரவி வெங்கட்ராமன் ஆகியோரும் நடித்துள்ளனர்.

டெக்னீஷியன்கள்…

ஜேம்ஸ் வசந்தன், வேத் சங்கர், கிரிநந்த் ஆகியோரின் இசையில் பாடல்கள் ஓரளவு கை கொடுக்கின்றன.. ஆக்ஷன் காட்சிகளில் பின்னணி இசை ஃபயராக உள்ளது. ‘அனார்கலி’ பாடல் ஓகே.. வி.வி.யின் பின்னணி இசை பலம்

ஒளிப்பதிவு கண்களுக்கு விருந்தளித்துள்ளது.. விஷ்ணுவின் ஒளிப்பதிவு படத்தை ரசிக்க வைக்கிறது..

வசனங்கள் சில இடங்களில் புரியாத போல உள்ளன.. நான் ஒன்னு கேக்கணும் நெனச்சேன் என்று சொல்வதற்கு பதிலாக.. “உன்கிட்ட சொல்லனும் ஒன்னு நினைச்சேன்.. பிக் பாஸில் இன்னைக்கு யார் எலிமினேட் ஆகுறாங்க என கேள்வி கேட்கிறார்.!? இது பதிலா.!?

படத்தில் ஓரிரு காட்சியில் வரும் சத்யன் நாயகனுக்கு நண்பனாக படம் முழுவதும் வந்திருந்தால் காமெடி ஒர்க் அவுட் ஆகி இருக்கும்.. படம் முழுவதும் சீரியஸாகவே காணப்படுகிறார் ஹீரோ அதை இயக்குனர் கொஞ்சம் கவனித்து இருக்கலாம்..

பேஸ்புக் வாட்ஸ் அப் ஆகிய சமூக வலைத்தளங்களில் உலாவும் பெண்களுக்கு இது ஒரு எச்சரிக்கை பாடம். மித்ரன் ஆர் ஜவஹர் இயக்கியுள்ள இந்த படம் பெண்களுக்கான ஒரு விழிப்புணர்வை தரும்.

நமக்கு ஒரு பிரச்சனை என்றால் யாரும் வர மாட்டார்கள்.. நாம்தான் எச்சரிக்கையுடன் இருந்து நம்மை தற்காத்துக் கொள்ள வேண்டும் என்பதை வலியுறுத்தி வலியுறுத்தியுள்ளார்.

பாதிக்கப்பட்ட பெண்களுக்கு ஓர் அண்ணனாக இருந்து அவர்களுக்கு அவப்பெயர் வராமல் பாதுகாக்கும் காவலனாக நாயகனை முன்னிறுத்தி உள்ளார் இயக்குனர்..

ஆக அரியவன்… அதிரடி அண்ணன்

Ariyavan movie review and rating in tamil

பல்லு படாம பாத்துக்க விமர்சனம் 1/5..; இந்த படம் உங்க கண்ணுல படாம பாத்துக்க

பல்லு படாம பாத்துக்க விமர்சனம் 1/5..; இந்த படம் உங்க கண்ணுல படாம பாத்துக்க

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விஜய் வரதராஜ் இயக்கத்தில் அட்டகத்தி தினேஷ், சஞ்சிதா ஷெட்டி, சாரா, மொட்டை ராஜேந்திரன், ஜெகன், லிங்கா, சாய் தீனா, ஹரீஷ் பாரேடி உள்ளிட்டோர் நடிப்பில் உருவான படம் ‘பல்லு படாம பாத்துக்க’.

பலான மேட்டர்களையே குறிவைத்து இந்த படத்தை உருவாக்கி இருப்பதால் படத்திற்கு ஏ சான்றிதழ் கொடுக்கப்பட்டுள்ளது.

ஒன்லைன்…

மனிதர்களை கடித்து கொன்று குவிக்கும் Zombie ஷாம்பிகளிடமிருந்து தப்பிக்கும் நண்பர்கள் பற்றிய கதை.. அந்த சோம்பிகளிடமிருந்து தற்காத்துக் கொள்ள ‘பல்லு படாம பாத்துக்க’ என்பது தான் ஒன்லைன்.

கதைக்களம்…

குஞ்சுதண்ணிகாடு என்ற மலையில் சிலர் தற்கொலை செய்ய முயல்கின்றனர்.. ஒவ்வொருவருக்கும் ஒரு ஃப்ளாஷ் பேக்.

திடீரென தற்கொலை செய்வதை தவிர்த்து நண்பர்கள் ஆகிறார்கள்.. அப்போது சரக்கு அடிப்பதற்காக அட்டகத்தி தினேஷ் தலைமையில் ஒன்று கூடுகிறார்கள்..

அந்த காட்டுப்பகுதியில் உள்ள ஜாம்பிகளிடம் சிக்கிக் கொள்கிறார்கள். இவர்களைக் காப்பாற்ற சஞ்சிதா செட்டி வருகிறார்.

அதன் பின்னர் என்ன ஆனது.? ஜாம்பிகள் அங்கு உருவாக என்ன காரணம்.? என்பதுதான் படத்தின் கதை.

கேரக்டர்கள் & டெக்னீஷியன்கள்…

முழுக்க முழுக்க ஆபாச வார்த்தைகளை வைத்து படத்தை ஓட்ட வேண்டும் என்ற குறிக்கோளோடு படத்தை இயக்கியிருக்கிறார் விஜய் வரதராஜன்.

அட்டகத்தி தினேஷ், சஞ்சிதா ஷெட்டி, சாரா, மொட்டை ராஜேந்திரன், ஜெகன், லிங்கா, சாய் தீனா, ஹரீஷ் பாரேடி ஆகிய பிரபல திறமையான நட்சத்திரங்கள் இருந்தும் ஒருவரிடம் கூட ஒழுங்காக வேலை வாங்கவில்லை.

சஞ்சிதாவின் அப்பாவாக பழைய டான்சர் நடிகர் ஆனந்த் பாபு வருகிறார்.. நீண்ட இடைவெளிக்கு பின் நடிக்கும் நடிகர்கள் ஏன் இது போன்ற கதாபாத்திரங்களை தேர்ந்து எடுக்கிறார்கள் என்று தெரியவில்லை..

படத்தில் எதையாவது ஒன்றை பாராட்டலாம் என நினைத்தால் எதுவுமே தோன்றவில்லை.. கிட்டத்தட்ட கொரோனாவுக்கு முன்பு இந்த படம் எடுக்கப்பட்டது..

தயாரிப்பாளரின் பணத்தை வீணடித்து ரசிகர்களின் நேரத்தை வீணடித்திருக்கிறார் இயக்குனர் விஜய் வரதராஜ். இந்தப் படத்தில் அவரும் ஒரு கேரக்டரில் நடித்திருக்கிறார் ஜெகனுடன் ஹோமோ செக்ஸ் செய்யும் நபராக வருகிறார்..

ஆக பல்லு படாம பாத்துக்க.. இந்த படத்தின் போஸ்டர் கூட உங்க கண்ணுல படாம பாத்துக்க.

Pallu Padama Paathuka movie review and rating in tamil

FIRST ON NET இன் கார் விமர்சனம்.. 1/5.; கார்ல பொண்ணு.. தியேட்டர்ல நாம.. வச்சி செஞ்சுட்டாங்க…

FIRST ON NET இன் கார் விமர்சனம்.. 1/5.; கார்ல பொண்ணு.. தியேட்டர்ல நாம.. வச்சி செஞ்சுட்டாங்க…

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

மூன்று பேர் கொண்ட கும்பல் ஒரு வாடகைக்கு ஒரு காரை எடுத்துக்கொண்டு சில கிலோமீட்டர் பயணிக்கின்றனர்.. அப்போது அதில் ஒருவன் இப்போது நம்முடன் ஒரு பெண் இருந்தால் நன்றாக இருக்கும் என்கிறார்..

எனவே போகிற வழியில் ரோட்டில் நிற்கும் ரித்திகா சிங்கை வலுக்கட்டாயமாக காரில் ஏற்றுகின்றனர்.. சில கிலோமீட்டர் பயணித்து ஒரு ரகசிய இடத்தில் அவளை கற்பழிக்க அந்த மூவரும் திட்டமிடுகின்றனர்..

கையில் கத்தி & துப்பாக்கி வைத்திருப்பதால் அந்த டிரைவரும் ரித்திகாவும் ஒன்றும் செய்ய முடியாமல் தவிக்கின்றனர்.. அதன் பின்னர் என்ன ஆனது என்பதுதான் கதை.?!

கேரக்டர்கள்…

ரித்திகாவின் நடிப்பு சில இடங்களில் பாராட்டப்படும் வகையில் இருந்தாலும் இந்த கதையில் ஏன் நடித்தார் என்பது ஒரு பெரிய கேள்விக்குறி.. படத்தில் மற்ற கேரக்டர்கள் எவரையுமே பார்க்கவே முடியவில்லை..

படத்திற்கு 10% ஆறுதல் படத்தின் ஒளிப்பதிவு மட்டும் தான்.. அதுவும் காரில் பயணித்த பின்னர் காட்டுக்குள் துரத்துவதும்.. இறுதியாக கிளைமாக்ஸ் காட்சியில் காட்டப்படும் ஒரு இடம் மட்டும் தான் ஆறுதல்..

படம் முழுவதுமே காருக்குள் பயணிக்கிறது எல்லோர் முகத்தையும் க்ளோப்பில் காட்டுவதால் நம்மால் ரசிக்கவே முடியவில்லை.. படத்தை போட்டு இவர்கள் பார்த்தார்களா என்று தெரியவில்லை?

மற்றபடி படத்தின் இயக்குனர் நம்மை வச்சி செஞ்சுட்டார்.. ஏன் இப்படி ஒரு திரை கதையை எடுத்தார்? என்பது எல்லாம் அவருக்கு மட்டும் தான் வெளிச்சம்..

*IN CAR*

Cast and Crew Details :

Ritika Singh
Sandeep Goyat
Manish Jhanjholia
Gyan Prakash

Production House : Inbox pictures

Produced By : Anjum Qureshi, Sajid Qureshi

Presented by : Studio Green K. E. Gnanavelraja

Written and Directed By : Harsh Warrdhan
Dop : Mithun Gangopadhyay
Music : Mathias Duplessy
Art : Chetan Sagar
Editor : Manik Diwar
Action : Sunil Rodrigues
PRO : Sathish Kumar

In Car movie review and rating in Tamil

FIRST ON NET அயோத்தி விமர்சனம்.. 4.25/5.; அழ வைத்த அழகோவியம்

FIRST ON NET அயோத்தி விமர்சனம்.. 4.25/5.; அழ வைத்த அழகோவியம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

தீபாவளி அன்று அயோத்தியில் இருந்து ராமேஸ்வரம் கோயிலுக்கு வருகிறது ஒரு குடும்பம். அப்போது அந்த குடும்பத்திற்கே விபத்து ஏற்பட குடும்பத்தலைவி மட்டும் மரணிக்கிறார்.. இதனால் உடலை விமானத்தில் கொண்டு செல்வதில் பிரச்சனை ஏற்படுகிறது.. இந்த பிரச்சனைக்கு தமிழன் உதவும் கதையே அயோத்தி.

கதைக்களம்…

தீபாவளி அன்று அயோத்தியில் இருந்து ராமேஸ்வரம் கோயிலுக்கு வருகிறது ஒரு குடும்பம். மிகவும் கண்டிப்பாக குடும்பத் தலைவர் அவர்.. மனைவி மற்றும் பிள்ளைகளை கடும் கட்டுப்பாட்டில் வைத்திருக்கிறார்..

இந்த நிலையில் ராமேஸ்வரத்தில் காரில் பயணிக்கும் போது ஒரு விபத்து ஏற்பட அந்த குடும்பத் தலைவி இறந்து விடுகிறார்.

இந்த விபத்திற்கு சசிக்குமாரின் நண்பரும் ஒரு காரணமாக அமைகிறார்.. எனவே நண்பனுக்கு உதவ செல்கிறார் சசிகுமார்.

விபத்தில் இறந்ததால் உடலை போஸ்ட்மாடம் செய்ய சொல்கின்றனர் மருத்துவர்கள்.. ஆனால் தங்கள் குடும்ப முறைப்படி போஸ்ட்மாடம் செய்யக்கூடாது என்கிறார் குடும்பத் தலைவன் யஷ்பால் ஷர்மா.

ஆனால் அவரது மகளோ என் அம்மாவின் உடலை அயோத்திக்கு கொண்டு செல்ல வேண்டும் என்கிறார்..இது ஒரு பக்கம் இருக்க ஹிந்தி தெரியாமல் உதவ முடியாமல் தவிக்கிறார் சசிகுமார்..

அந்த குடும்பத்திற்கு எப்படி உதவினார்? விடுமுறை நாளான தீபாவளி நாளில் இது எல்லாம் எப்படி சாத்தியம்.?

இறுதியில் என்ன ஆனது.? என்ன என்ன சட்ட சிக்கல்கள்.? நடைமுறை பிரச்சனைகள் என்ன.? என்பதே மீதிக்கதை.

கேரக்டர்கள்….

சசிகுமார் சினிமா கேரியரில் இது முக்கியமான படம்.. ஒருவருக்கு உதவ வேண்டும் என நினைத்து விட்டால் எப்படி வேண்டுமானாலும் உதவலாம் என்பதை தன் கேரக்டர் மூலம் நிரூபித்திருக்கிறார்.

இவரின் நண்பராக வரும் புகழும் இந்த படத்தில் எங்கும் காமெடி செய்து விடாமல் கதையுடன் பயணிக்கிறார்.. விமான நிலை அதிகாரிகள்.. விமான பயணிகள்.. கல்லூரி வினோத்.. போஸ் வெங்கட் என அனைவரும் கச்சிதம்..

நாயகியாக ப்ரீத்தி அஸ்ராணி.. சிறப்பு.. இவரது தம்பி கேரக்டர்.. அம்மா கேரக்டர் என் அனைவருமே நிச்சயமாக நம்மை ஒரு காட்சியிலாவது அழ வைத்து விடுவார்கள்..

பாலிவுட் நடிகர் யஷ்பால் ஷர்மா தான் இந்த படத்தின் கிட்டத்தட்ட வில்லன் கேரக்டர்.. முதன்முறையாக ஒரு வில்லன் கேரக்டரே நம்மை அழ வைத்து விட்டது.. அப்படி ஒரு அருமையான நடிப்பை கொடுத்துள்ளார். மனைவி இறந்தும் அழாமல் இருப்பதும்.. இறுதியாக உடைந்து போவதும் என தன் நடிப்பில் பல பரிணாமங்களை காட்டி இருக்கிறார் யஷ்பால் சர்மா..

டெக்னீஷியன்கள்….

மகேஷ் மாணிக்கத்தின் ஒளிப்பதிவு படத்திற்கு பெரும் பலம்.. அயோத்தி காட்சிகளும் ராமேஸ்வரம் காட்சிகளும் அருமை..

படத்தொகுப்பில் குறை உள்ளது.. சசிகுமாருக்கு வைக்கப்பட்ட படத்தின் ஆரம்ப சண்டை காட்சி தேவை இல்லை.. அதுபோல போலீஸ் ஸ்டேஷனில் வரும் பாடல் காட்சியும் ஏதோ திணிக்கப்பட்டதாக தெரிகிறது..

ரகுநந்தன் இசையில் பாடல்களும் பின்னணி இசையும் நம்மை கலங்க வைக்கும்.. ஒரு ஹிந்தி நடிகருக்கு தமிழில் பாடல் வரிகளை கொடுத்து அவரது உணர்வுகளை வெளிப்படுத்தி இருக்கும் விதம் அருமை..

இயக்குனர் மந்திரமூர்த்திக்கு இதுதான் முதல் படம் என்று அவரே சொன்னாலும் நீங்கள் நம்ப மாட்டீர்கள்.. அப்படி ஒரு நேர்த்தியான படத்தை கொடுத்திருக்கிறார். பல காட்சிகளில் நீங்கள் கண்ணீர் விட்டு அழுவது நிச்சயம்..

படத்தின் வசனங்களும் கைதட்டல்களை பெறுகின்றன.. ரேஷன் கார்டில் இன்ஷியல் மாற்றுவதற்கே ஒரு மாதம் ஆகும்.. 10 ஆதாரங்களை ஒரே நாளில் எப்படி கொடுக்க முடியும் என சசிகுமார் பேசும் வசனங்கள் சூப்பர்..

இறுதியாக சசிகுமாரின் பெயரை கேட்கும் போது அவர் சொல்லும் அந்த காட்சி அருமை.. அதுபோல மற்ற விமானி பயணிகளிடம் சசிகுமார் கெஞ்சும் காட்சிகளும்.. அந்த முதியவர்களும் மனிதநேயத்தை காட்டுகின்றனர்..

அழ வைத்த அழகோவியம்.. அயோத்தி

Ayoththi movie review and rating in tamil

ஓம் வெள்ளிமலை விமர்சனம் 2.75/5.; சித்த மருத்துவ சிறப்பு

ஓம் வெள்ளிமலை விமர்சனம் 2.75/5.; சித்த மருத்துவ சிறப்பு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

ஆங்கில மருத்துவ மோகத்தில் இருக்கும் மக்களுக்கு சித்த மருத்துவத்தின் மகிமையை எடுத்துச் சொல்லி இருக்கிறார் இயக்குனர் ஓம் விஜய்.

கதைக்களம்…

வெள்ளிமலை அருகே ஒரு மலை கிராமத்தில் ஒரு சித்த மருத்துவர் சுப்ரமணி இருக்கிறார்.. ஆனால் அவரிடம் மருத்துவம் பார்க்க யாரும் தயாரில்லை. (சிறுவயதில் அவர் செய்த மருத்துவ பிழையால் ஒருவர் மரணம் அடைய மக்கள் அவரை நம்ப தயார் இல்லை.)

இந்த நிலையில் அந்த ஊருக்குள் ஒரு புதுவிதமான அரிப்பு நோய் ஏற்படுகிறது. மக்கள் அனைவரும் பாதிக்கப்பட்டாலும் சுப்ரமணிக்கும் அவர் மகளுக்கு மட்டும் எந்தவிதமான பிரச்சினையும் இல்லை.

அதன் பின்னர் என்ன ஆனது? மருத்துவரை மக்கள் நம்பினார்களா? என்பதே கதை.

கேரக்டர்கள்…

சுப்ரமணி கதையின் நாயகனாக வருகிறார். வைத்தியர் வேடத்தில் கொஞ்சம் கலகலப்பு ஊட்டி படத்தை ரசிக்க வைத்துள்ளார்.

குண்டான உடம்பை வைத்துக் கொண்டு அவர் மலையேறுவது சிரமம் தான்.. ஆனாலும் நடித்துக் கொடுத்திருக்கிறார்

முக்கிய வேடத்தில் வீரசுபாஷ், நாயகி அஞ்சு கிருஷ்ணா இருவருமே படத்துக்குத் தேவையான நடிப்பை கொடுத்துள்ளனர்.

நாயகன் நாயகி காதலுக்கு இன்னும் கூடுதல் காட்சிகளை கொடுத்து கொடுத்திருக்கலாம்.. ஆனால் அதில் பெரிதாக ஈர்ப்பு இல்லை.

கிரிஜா, விஜயகுமார், சார்லஸ், பாண்டியன், கவிராஜ் உள்ளிட்டோர் நிறைவு.

டெக்னீஷியன்கள்…

ரகுநந்தன் இசையில் பாடல்கள் ஓகே.. ஒளிப்பதிவாளர் மணிபெருமாள் படத்திற்கு பலம் சேர்த்துள்ளார்.. மலையேறும் காட்சிகள்.. வெள்ளி மலை அழகு.. மலை மீது படர்ந்த வெண் மேகங்கள் என அனைத்தையும் நேர்த்தியாக படம் பிடித்துள்ளார்..

நகைச்சுவைக்கும் இன்னும் கூடுதலாக காட்சிகளை வைத்து இருக்கலாம் இயக்குனர் ஓம் விஜய்.

கொரோனா காலத்தில் லட்சக்கணக்கான உயிர்கள் செத்து மடிந்தாலும் ஆயிரகணக்கான உயிர்களை காப்பாற்றியது (ஆங்கில மருத்துவமல்ல) சித்த மருத்துவம் தான்.. இந்த நடப்பு உதாரணத்திற்கு பிறகும் மக்கள் சித்த மருத்துவத்தை நம்பாமல் இருக்கும் போது இப்படி ஒரு படத்தை கொடுத்து மக்களுக்கு விழிப்புணர்வு ஏற்படுத்தியுள்ளார் இயக்குனர் விஜய்.. எனவே அவரை நிச்சயம் பாராட்டலாம்..

ஆக… ஆங்கில மருத்துவ மோகத்தில் இருக்கும் மக்களுக்கு சித்த மருத்துவத்தின் மகிமையை எடுத்துச் சொல்லி இருக்கிறார் இயக்குனர் ஓம் விஜய்.

ஆக வெள்ளிமலை… சித்த மருத்துவ சிறப்பு

Om Vellimalai movie review and rating in tamil

More Articles
Follows