Jailer 2nd Single Update : தமன்னாவுக்கு ‘காவாலா..’.. சூப்பர் ஸ்டாருக்கு..??

‘மறக்குமா நெஞ்சம்’ பட இசை விழா.; மறக்கவே முடியாத மாதிரி மாற்றிய முன்னாள் மாணவர்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘மறக்குமா நெஞ்சம்’ திரைப்படம் பள்ளி கால நினைவுகளை ஏற்படுத்தி, மனதை வருடும் கதைக்களம் கொண்டு படமாக்கப்பட்டு இருக்கிறது. இரா. கோ. யோகேந்திரன் இயக்கியிருக்கும் ‘மறக்குமா நெஞ்சம்’ படத்தில் ரக்‌ஷன் நாயகனாக நடித்திருக்கிறார்.

மேலும் இவருடன் மலினா, தீனா மற்றும் பிராங்ஸ்டர் ராகுல் மற்றும் பலர் நடித்துள்ளனர்.

ஒளிப்பதிவு கோபி துரைசாமி, இசை சச்சின் வாரியர், படத்தொகுப்பு சஷாந்த் மளி, கலை பிரேம் கருத்தமலை, பாடல்களை தாமரை எழுதியிருக்கிறார்.

இப்படத்தை ஜனார்தன் சவுத்ரி, ரமேஷ் பஞ்சக்னுலா, ரகு எல்லுரு மற்றும் இரா.கோ. யேகேந்திரன் ஆகியோர் இணைந்து தயாரித்துள்ளனர். இந்த திரைப்படத்தின் இசை வெளியீட்டு விழா – இதுவரை இல்லாத அளவுக்கு மிகவும் வித்தியாசமான முறையில் திருச்சியில் கடந்த வாரம் நடைபெற்றது.

‘மறக்குமா நெஞ்சம்’ திரைப்படத்தின் இசை வெளியீட்டு விழாவில் படத்தின் நடிகர், நடிகை, தொழில்நுட்ப கலைஞர்களுடன் அவர்களுடன் படித்த சகமாணவர்கள் கலந்து கொண்டனர்.

இப்படத்தில் பணியாற்றியவர்களின் நண்பர்கள் இசை வெளியீட்டு நிகழ்ச்சியில் மேடை ஏறி, பாடலை வெளியிட்டனர்.

மறக்குமா நெஞ்சம் படத்தின் இயக்குனர், நடிகர், நடிகை மற்றும் தொழில்நுட்ப கலைஞர்களின் பள்ளி ஆசிரியர்களை மேடையில் ஏற்றி, முன்னாள் மாணவர்கள், ஆசிரியர்களுக்கு சிறப்பு விருது வழங்கி சிறப்பித்தனர்.

இந்த விருது நன்றிக் கடன் விருது என அழைக்கப்படுகிறது. நன்றிக் கடன் விருந்து என்று அறிவித்து, ‘விதைத்துக் கொண்டே இருங்கள், முளைத்துக் கொண்டே இருக்கிறோம் – நன்றி’ என்று எழுதப்பட்டு இருந்தது.

விருதை பெற்றுக் கொண்ட ஆசிரியர்கள், மேடையிலேயே கண்கலங்கி, ஆனந்த கண்ணீர் சிந்தி தங்களின் மகிழ்ச்சியை வெளிப்படுத்தினர். இந்த சம்பவம் விழாவில் கலந்து கொண்டவர்களை நெகிழ்ச்சியில் ஆழ்த்தியது. பாடல்களை பள்ளி ஆசிரியர்கள் வெளியிட, அதனை திரைப்படத்தில் பணியாற்றிய கலைஞர்களின் பள்ளி கால நண்பர்கள் பெற்றுக் கொண்டனர்.

இந்த நிகழ்ச்சியில் கலந்து கொண்ட அனைவரின் பள்ளி கால நினைவுகளால் நிரம்பி வழிந்தது. நிகழ்ச்சியில் பேசிய ஆசிரியர்கள், தங்களது மாணவர்கள் பள்ளி நாட்களில் செய்த குறும்பு செயல்களை பகிர்ந்து, பள்ளி காலத்தில் கண்டிப்புடன் நடந்து கொண்ட பிறகும், நீண்ட காலம் கழித்து தங்களை அழைத்து விருது வழங்கி சிறப்பித்தது பற்றி தங்களின் அனுபவத்தை பகிர்ந்து கொண்டனர்.

இதோடு ஆசிரியர்கள் எப்போதும் தங்களின் மாணவர்கள் சமூகத்தில் நல்ல நிலைக்கு வருவதை எண்ணி மகிழ்ச்சி அடைவர். ஆனால் சமூகத்தில் நல்ல நிலைக்கு வந்த பிறகு, பள்ளி ஆசிரியர்களை மறக்காமல், அவர்களை அழைத்து, மேடை ஏற்றி அவர்களை அங்கீகரித்தது மிகவும் நெகிழ்ச்சியாக இருந்தது என்று ஆசிரியை ஒருவர் தெரிவித்தார். ஆசிரியர்களின் பேச்சை கேட்டு, நிகழ்ச்சியில் கலந்து கொண்டவர்கள் ஆனந்த கண்ணீர் சிந்தினர்.

தமிழ் சினிமா மட்டுமின்றி, இதுபோன்ற நிகழ்ச்சியை இதுவரை கண்டதில்லை என கூறி இதற்கு ஏற்பாடு செய்த படக்குழுவுக்கு நிகழ்ச்சியில் பங்கேற்றவர்கள் நன்றி தெரிவித்தனர்.

Marakkuma Nenjam audio launch with ex students of movie team

கிராமத்து கலாச்சாரத்தை சொன்ன ‘தண்டட்டி’ படத்தின் ஓடிடி ரிலீஸ் அப்டேட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அறிமுக இயக்குனர் ராம் சங்கையா இயக்கத்தில் பசுபதி நடிப்பில் வெளியான படம் ‘தண்டட்டி’.

இந்தப் படத்தில் பசுபதி, ரோகினி, அம்மு அபிராமி, விவேக் பிரசன்னா உள்ளிட்ட பலருடன் கிட்டத்தட்ட 50க்கும் மேற்பட்ட ‘தண்டட்டி’ அணிந்த அப்பத்தாக்கள் நடித்துள்ளனர்.

சுந்தரமூர்த்தி இசையமைத்துள்ள இந்த படத்தை பிரின்ஸ் பிக்சர்ஸ் நிறுவனம் சார்பாக S. லக்ஷ்மன் குமார் தயாரித்துள்ளார்.

‘தண்டட்டி’ படம் கடந்த ஜூன் 23ம் தேதி அன்று திரையரங்குகளில் வெளியாகி, ரசிகர்கள் மத்தியில் நல்ல வரவேற்பை பெற்றது.

இந்நிலையில், இப்படத்தின் ஓடிடி ரிலீஸ் குறித்த அறிவிப்பை படக்குழு வெளியிட்டுள்ளது.

‘தண்டட்டி’ படம் ஜூலை 14ம் தேதி முதல் அமேசான் பிரைம் ஓடிடி தளத்தில் வெளியாகவுள்ளதாக படக்குழு போஸ்டர் ஒன்றை வெளியிட்டு அறிவித்துள்ளது.

‘Thandatti’ movie OTT Release Date Announcement

ரூ. 200 கோடி மிரட்டி பறித்த வழக்கு.; நடிகை லீனா மரியா ஜாமீன் மனு தள்ளுபடி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 2013-ம் ஆண்டு இயக்குனர் வெங்கட் பிரபு இயக்கத்தில் கார்த்தி நடிப்பில் வெளியான திரைப்படம் ‘பிரியாணி’.

இப்படத்தில் கார்த்தி, ஹன்சிகா, பிரேம்ஜி, நாசர் உள்ளிட்ட பலர் நடித்திருந்தனர்.

இப்படத்தில் ஒரு பாடல் காட்சியில் நடிகை லீனா மரியா பால் இடம்பெற்றிருப்பார்.

இவர் ஷூஜித் சிர்கார் இயக்கத்தில் ஜான் ஆபிரகாம் நடித்த ‘மெட்ராஸ் கஃபே’ படத்தில் ஒரு முக்கிய கதாபாத்திரத்தில் நடித்துள்ளார்.

அதுமட்டுமல்லாமல் இவர் இடைத்தரகர் சுகேஷ் சந்திரசேகரின் காதலி ஆவார்.

நடிகை லீனா மரியா பால் சட்ட அமைச்சகத்தின் உயர் அதிகாரி போல் நடித்து ரூ.200 கோடி மிரட்டி பறித்த வழக்கில் கடந்த 2021-ஆம் ஆண்டு மே 5-ஆம் தேதி கைது செய்யப்பட்டு சிறையில் அடைக்கப்பட்டார்.

2021-ஆம் ஆண்டு மே 5-ஆம் தேதி முதல் சிறையில் இருந்து வரும் லீனா மரியா பால் இந்த வழக்கில் ஜாமின் கேட்டு டெல்லி உயர்நீதிமன்றத்தில் மனுதாக்கல் செய்திருந்தார்.

இதனை விசாரித்த நீதிபதி தினேஷ் குமார், லீனா மரியா பாலின் மனுவை தள்ளுபடி செய்து உத்தரவிட்டார்.

Delhi high court rejects bail plea of Leena Maria Paulose

60 வயதில் 2வது மனைவியுடன் ஹனிமூன் சென்ற விஜய்யின் ரீல் அப்பா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 2004-ம் ஆண்டு வெளியான விஜய்யின் ‘கில்லி’ படத்தில் விஜய்க்கு தந்தையாக நடித்து பிரபலமான நடிகர் ஆஷிஷ் வித்யார்த்தி.

தமிழில் பாபா, பகவதி, ஏழுமலை, மாப்பிள்ளை, உத்தம புத்திரன் உள்ளிட்ட பல படங்களில் நடித்துள்ளார்.

மேலும், தமிழ், தெலுங்கு, இந்தி என பல்வேறு மொழிகளில் 300-க்கும் மேற்பட்ட படங்களில் நடித்துள்ளார்.

இவர் ஏற்கனவே நடன கலைஞரான ராஜோஷி பருவாவை திருமணம் செய்து விவாகரத்து பெற்றார்.

இந்த நிலையில், அசாம் மாநிலம் கவுகாத்தியை சேர்ந்த ரூபாலி பருவா என்பவரை சமீபத்தில் இரண்டாவது திருமணம் செய்து கொண்டார்.

60 வயதில் திருமணம் தேவையா? என்று வலைத்தளத்தில் பலரும் அவரை கேலி செய்தனர். காதலுக்கு வயது இல்லை என்று ஆஷிஷ் வித்யார்த்தி விளக்கம் அளித்தார்.

இந்த நிலையில் புதிய மனைவியுடன் ஆஷிஷ் வித்யார்த்தி விடுமுறைக்காக இந்தோனேஷியாவில் உள்ள பாலி தீவுக்கு சென்றுள்ளார்.

அங்கு தனது இரண்டாவது மனைவியுடன் செல்பி புகைப்படத்தை தனது இன்ஸ்டாகிராமில் வெளியிட்டுள்ளார்.

Ashish Vidyarthi went on honeymoon with his 2nd wife at the age of 60

விஜய்சேதுபதி-யின் 50வது படத்திற்கு தோல்வி படத்தலைப்பை வைத்த நித்திலன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘குரங்கு பொம்மை’ படத்தின் மூலம் தனது திறமையை நிரூபித்த இயக்குநரான நிதிலன் சாமிநாதனுடன் விஜய் சேதுபதி இணைந்துள்ள படம்தான் ‘மகாராஜா’.

‘மக்கள் செல்வன்’ விஜய் சேதுபதியின் 50வது படமான ‘மகாராஜா’ வலுவான எதிர்பார்ப்பை ஏற்படுத்தும் என நம்பலாம்.

தமிழ் சினிமா ரசிகர்களுக்கு நம்பிக்கையூட்டும் பல படங்களைத் தந்த ’பேஷன் ஸ்டுடியோஸ்’ சுதன் சுந்தரம் இந்தப் படத்தைத் ’தி ரூட்’ ஜெகதீஷ் பழனிச்சாமியுடன் இணைந்து தயாரித்துள்ளார்.

விஜய் சேதுபதி, அனுராக் காஷ்யப், மம்தா மோகன்தாஸ், நட்டி போன்ற முன்னணி நடிகர்கள் மற்றும் திறமை வாய்ந்த தொழில்நுட்பக்குழு என்ற சிறந்த கூட்டணியைக் கொண்டுள்ளதால், இந்தப் படமானது பான்-இந்திய அளவில் ரசிகர்கள் மத்தியில் எதிர்பார்ப்புகளை ஏற்படுத்தியுள்ளது.

இப்படத்தின் படப்பிடிப்பு ஏற்கனவே முடிவடைந்து, போஸ்ட் புரொடக்‌ஷன் பணிகள் விறுவிறுப்பாக முடியும் தருவாயில் உள்ளது. இப்படத்தின் டிரைலர், ஆடியோ மற்றும் உலகம் முழுவதும் திரையரங்கு வெளியீடு குறித்த அதிகாரப்பூர்வ அறிவிப்பு விரைவில் வெளியாகும்.

’மகாராஜா’ திரைப்படத்தில் விஜய் சேதுபதி, அனுராக் காஷ்யப், நட்டி (நட்ராஜ்), மம்தா மோகன்தாஸ், அபிராமி, அருள்தாஸ், முனிஷ்காந்த், பாய்ஸ் மணிகண்டன், சிங்கம் புலி, பாரதிராஜா, வினோத் சாகர், பி.எல்.தேனப்பன், சரவணன் சுப்பையா, எஸ்.எஸ்.ஸ்டான்லி, கல்கி, காளையன் மற்றும் இன்னும் பலர் நடித்துள்ளனர்.

*தொழில் நுட்பக்குழு விவரம்:*

இசை: அஜனீஷ் லோக்நாத்,
ஒளிப்பதிவு: தினேஷ் புருஷோத்தமன்,
எடிட்டிங்: பிலோமின் ராஜ்,
கலை இயக்குநர்: வி செல்வகுமார்,
வசனம்: நித்திலன் சாமிநாதன் & ராம் முரளி,
சண்டைப்பயிற்சி: அனல் அரசு,
ஒப்பனை: ஏஆர் அப்துல் ரசாக்,
ஆடை வடிவமைப்பாளர்: தினேஷ் மனோகரன்,
படங்கள்: ஆகாஷ் பாலாஜி,
மக்கள் தொடர்பு: சுரேஷ் சந்திரா- ரேகா டி’ஒன்,
டிஜிட்டல் புரமோஷன்: கார்த்திக் ரவிவர்மா,
தயாரிப்பு நிர்வாகி: கே சக்திவேல்-சுசி காமராஜ்.

கூடுதல் தகவல்…

மனோகர் இயக்கத்தில் இமான் இசையில் 2012 ஆம் ஆண்டு வெளியான படம் ‘மகாராஜா’. இந்த படத்தில் சத்யா, அஞ்சலி, நாசர் உள்ளிட்டோர் நடித்திருந்தனர்.

ஒரு க்ளார்க் வேலை செய்யும் நாசருக்கும் ஐடியில் வேலை செய்யும் சத்யாவுக்கு நடக்கும் ஈகோ மோதலை மையப்படுத்தி இந்த மகாராஜா இருந்தது என்பது குறிப்பிடத்தக்கது.

Failure movie title for Vijay Sethupathis 50th film