தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அறிவழகன் இயக்கத்தில் அருண் விஜய் நடிப்பில் உருவான ‘தமிழ் ராக்கர்ஸ்’ படம் கடந்த வாரம் சோனி லைவ் ஓடிடி தளத்தில் வெளியானது.
இதனையடுத்து அறிவழகன் – அருண் விஜய் கூட்டணியில் உருவான மற்றொரு படமான ‘பார்டர்’ படம் ரிலீஸ் ஆகும் என்று எதிர்பார்த்தனர் ரசிகர்கள்.
இந்த நிலையில் அருண் விஜயின் மற்றொரு படமான ‘சினம்’ படத்தின் ரிலீஸ் தேதியை படக்குழு அறிவித்துள்ளனர்.
இந்த படத்தை ஜி என் ஆர் குமரவேலன் இயக்கியுள்ளார். சபீர் இசையமைத்துள்ளார்.
அருண் விஜய்யின் தந்தையும் நடிகருமான விஜயகுமாரின் மூவி சிலைட்ஸ் பிரைவேட் லிமிடெட் புரோடக்சன் ஹவுஸ் இந்தப் படத்தை தயாரித்துள்ளது.
இது கிரைம் திரில்லர் படமாக தயாராகியுள்ளது. பாரி வெங்கட் என்ற சப்-இன்ஸ்பெக்டராக நடித்துள்ளார் அருண்விஜய்.
இந்த படம் செப்டம்பர் 16ஆம் தேதி திரையரங்குகளில் வெளியாக உள்ளதாக புதிய போஸ்டரை வெளியிட்டு பட குழு அறிவித்துள்ளது.
இதற்கு முந்தைய நாளில் செப்டம்பர் 15ஆம் தேதி சிலம்பரசன் நடித்துள்ள ‘வெந்து தணிந்தது காடு’ திரைப்படம் திரையரங்குகளில் வெளியாகிறது.
சிம்பு நடித்துள்ள இந்த படத்தை கௌதம் மேனன் இயக்க ஐசரி கணேஷ் தயாரிக்க ஏ ஆர் ரகுமான் இசையமைத்துள்ளார்.
இந்த படத்தின் இசை வெளியீட்டு விழா செப்டம்பர் 2ல் வேல்ஸ் பல்கலைக்கழகத்தில் மிகப் பிரம்மாண்டமாக நடைபெற உள்ளது.
Simbu and Arun Vijay movies release updates