By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
ரஜினி நடித்த ‘தர்பார்’ படத்தை இயக்கியிருந்தார் ஏ ஆர் முருகதாஸ். இந்த படத்திற்கு பிறகு அண்ணாத்த & ஜெயிலர் என 2 ரஜினி படங்கள் வெளியாகி விட்டன.
ஆனால் முருகதாஸுக்கு எந்த பட வாய்ப்பு வரவில்லை. விஜய் படத்தை இயக்குவார் முருகதாஸ் என எதிர்பார்க்கப்பட்ட நிலையில் அந்த படம் நிறுத்தப்பட்டது.
தற்போது சிவகார்த்திகேயன் படத்தை ஏ ஆர் முருகதாஸ் இயக்குவது உறுதியாகிவிட்டது. அதன் விவரம் வருமாறு…
சிவகார்த்திகேயன் நடிப்பில் உருவாகியுள்ள ‘அயலான்’ படம் அடுத்த ஆண்டு 2024 பொங்கல் தினத்தில் வெளியாக உள்ளது.
தற்போது கமல்ஹாசன் தயாரிப்பில் ராஜ்குமார் பெரியசாமி இயக்கும் படத்தில் நடித்து வருகிறார் சிவகார்த்திகேயன். இந்த படத்தில் ராணுவ வீரராக நடிக்கிறார்.
எனவே காஷ்மீரில் இதன் படபிடிப்பு நடந்து வந்தது. இதில் நாயகியாக சாய்பல்லவி நடித்து வருகிறார்.
இதன் பின்னர் சிவகார்த்திகேயன் 23வது படத்தை ஏ.ஆர்.முருகதாஸ் இயக்க இருப்பதாக அறிவிப்பு வெளியாகியுள்ளது.
இது தொடர்பாக சிவகார்த்திகேயன் வெளியிட்டுள்ள எக்ஸ் பதிவில்..
“எனது 23வது படத்துக்காக உங்களுடன் இணைவதில் நான் மிகவும் மகிழ்ச்சியடைகிறேன். நீங்கள் சொன்ன கதையைக் கேட்டு இரட்டிப்பு மகிழ்ச்சி அடைந்தேன்.
இந்த படம் எனக்கு எல்லா அம்சங்களிலும் மிகவும் சிறப்பு வாய்ந்ததாக இருக்கும். மேலும் படப்பிடிப்பை தொடங்க ஆவலுடன் காத்திருக்கிறேன்”.
இவ்வாறு சிவகார்த்திகேயன் தெரிவித்துள்ளார்.
Official Sivakarthikeyan and Murugadoss teamsup for first time
