தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பொன்ராம் இயக்கத்தில் விஜய்சேதுபதி, அனு கீர்த்தி, புகழ், சிங்கம் புலி, விமல் உள்ளிட்டோர் நடித்துள்ள படம் ‘டிஎஸ்பி’.
இமான் இசையமைத்துள்ள இந்த படத்தை இயக்குனர் கார்த்திக் சுப்புராஜ் தயாரித்துள்ளார்.
இந்த படம் டிசம்பர் 2ம் தேதி திரையரங்குகளில் வெளியாக உள்ளது.
இந்த படத்தின் இசை மற்றும் ட்ரைலர் வெளியீட்டு விழா தற்போது சென்னையில் நடைபெற்றுக் கொண்டிருக்கிறது.
இந்த விழாவில் சிறப்பு விருந்தினராக பங்கேற்ற இயக்குனர் மிஷ்கின் பேசியதாவது…
“கடந்த இரண்டு மூன்று நாட்களாகவே நல்லா இரும்மா.. என்ற பாடலை தான் நான் அடிக்கடி கேட்டுக் கொண்டிருக்கிறேன். என் உதவி இயக்குனர்கள் கூட இதைப் பற்றி அடிக்கடி என்னிடம் கேட்பார்கள்.. அந்த அளவுக்கு அந்த பாடல் எனக்கு பிடித்து விட்டது.
இந்த டிஎஸ்பி படத்தின் டிரைலரை பார்த்தேன். அதில் இரண்டு மூன்று விக்ரம் இருப்பதை போல உணர்ந்தேன்.
10-15 வருடங்களுக்கு முன்பு என்னுடைய இயக்கத்தில் நடிக்க சான்ஸ் கேட்டு வந்தார் விஜய்சேதுபதி. அப்போது அவருக்கு வாய்ப்பு கொடுக்கவில்லை. ஆனால் இன்று அவர் மிகப்பெரிய உயர்ந்த இடத்தில் இருக்கிறார். அவருக்கு என் வாழ்த்துக்கள்.
இதனிடையில் இந்த நிகழ்ச்சியை தொகுத்து வழங்கிய ஆர் ஜே விஜய்.. ‘நீங்கள் காமெடி படம் எடுப்பீர்களா என்று மிஷ்கினிடம் கேட்டார்..
“அதற்கு நான் நகைச்சுவை உணர்வு நிறைந்தவன் தான். ஆனால் எனக்கு அந்த மாதிரி படம் எடுக்க தெரியாது.
நான் வன்முறையாளன் அல்ல. ஆனால் என்னுடைய படத்தில் வன்முறை காட்சிகள் இருக்கும்.
நான் சாப்பிடும் மேசையில் கூட ஒரு தலை இருக்க வேண்டும் என்று நினைப்பவன்.
என்னால் அது போன்ற படங்கள் தான் எடுக்க முடியும் நீங்கள் எதிர்பார்க்கும் படங்களைப் போல எடுக்க 365 இயக்குனர்கள் இருக்கிறார்கள்” என்று மிஷ்கின் பேசினார்.
Mysskin speech at DSP movie Audio launch