மாரி 2 உடன் மோதும் சிலுக்குவார்ப்பட்டி சிங்கம்

மாரி 2 உடன் மோதும் சிலுக்குவார்ப்பட்டி சிங்கம்

dhanush and vishnuபாலாஜி மோகன் இயக்கத்தில் உருவாகியுள்ள ‘மாரி 2’ படத்தை தயாரித்து நடித்துள்ளார் தனுஷ்.

இதில் தனுஷ் ஜோடியாக சாய் பல்லவி நடிக்க, கிருஷ்ணா, வரலட்சுமி, வித்யா பிரதீப், டோவினோ தாமஸ் உள்ளிட்டோரும் நடித்துள்ளனர்.

அராத்து ஆனந்தி என்ற கேரக்டரில் ஆட்டோ டிரைவராக சாய் பல்லவி நடித்துள்ளார். யுவன் ஷங்கர் ராஜா இசையமைத்துள்ளார்.

இந்த படத்தை கிறிஸ்துமஸ் விடுமுறையை முன்னிட்டு டிசம்பர் மாதம் 21ம் தேதி வெளியிட உள்ளதாக அறிவித்துள்ளனர்.

இதே நாளில்தான் விஷ்ணு விஷால் நாயகனாக நடித்துள்ள சிலுக்குவார்பட்டி சிங்கம் படமும் திரைக்கு வருகிறது.

ரெஜினா கஸாண்ட்ரா நாயகியாக நடித்துள்ள இப்படத்தை எழிலிடம் உதவியாளராக இருந்த செல்லா இயக்கி உள்ளார்.

ஒதில் ஒரு பாடலுக்கு ஓவியா குத்தாட்டம் போட்டுள்ளார்.

சென்சாரில் இப்படத்திற்கு யு சான்றிதழ் கிடைத்துள்ளது.

என்.டி.ராமராவ் படத்தில் சரோஜா தேவி வேடமேற்கும் அனுஷ்கா

என்.டி.ராமராவ் படத்தில் சரோஜா தேவி வேடமேற்கும் அனுஷ்கா

Anushka to do Saroja Devi character in NTR biopicமறைந்த ஆந்திர முதல் மந்திரியும் தெலுங்கு நடிகருமான என்.டி.ராமராவ் வாழ்க்கை வரலாறை திரைப்படமாக உருவாகுகிறது.

கிருஷ் டைரக்டர் செய்யும் இந்த படத்தை பாகுபலி போல இரண்டு பாகங்களாக எடுக்கின்றனர்.

என்.டி.ஆர் வேடத்தில் அவரது மகன் பாலகிருஷ்ணா நடிக்கிறார்.

அவரின் மனைவி மனைவி பசவதாரம் கேரக்டரில் வித்யாபாலன் நடிக்கிறார்.

சந்திரபாபு நாயுடுவாக ராணாவும் கிருஷ்ணாவாக மகேஷ்பாபுவும் நடிக்கிறார்கள்.

என்.டி.ராமராவுடன் பல படங்களில் ஜோடி சேர்ந்த சாவித்திரியாக நித்யாமேனனும் ஸ்ரீதேவியாக ரகுல்பிரீத் சிங்கும் நடிக்கின்றனர்.

இந்நிலையில் என்.டி.ஆருக்கு ஜோடியாக நடித்துள்ள சரோஜாதேவி வேடத்தில் அனுஷ்கா நடிக்கவிருக்கிறாராம்.

Anushka to do Saroja Devi character in NTR biopic

விக்ரமின் *கடாரம் கொண்டான்* படத்தலைப்பின் விளக்கம் இதுதான்

விக்ரமின் *கடாரம் கொண்டான்* படத்தலைப்பின் விளக்கம் இதுதான்

First look of Vikrams 56th film Kadaram Kondan released by Kamalகமல்ஹாசனின் ராஜ்கமல் பிலிம்ஸ் நிறுவனம் தயாரிக்கும் படத்தி விக்ரம் நடித்து வருகிறார்.

‘தூங்காவனம்’ பட இயக்குனர் ராஜேஷ் எம்.செல்வா இப்படத்தை இயக்கி வருகிறார்.

இப்படத்திற்கு ‘கடாரம் கொண்டான்’ எனத் தலைப்பிட்டுள்ளனர்.

இதன் பர்ஸ்ட் லுக்கை ஓரிரு தினங்களுக்கு கமல் வெளியிட்டார்.

ஆனால் ‘கடாரம் கொண்டான்’ என்றால் என்ன? என்பதை அறிய வேண்டி பலரும் இணையத்தில் தேடியுள்ளனர்.

அதற்கான விளக்கம் இதுதான்…

தஞ்சாவூரில் உள்ள பெரிய கோவிலை கட்டியவர் ராஜராஜா சோழன். இவரின் மகனான ராஜேந்திர சோழன், மலேசியாவில் உள்ள கெடா என்ற பகுதி வரை போர் தொடுத்துள்ளார்.
அதில் வென்று அந்த பகுதியை தன் வசப்படுத்தியதால் அவருக்கு ‘கடாரம் கொண்டான்’ என்று பெயர் வந்ததாம்.

இப்படியொரு வரலாற்று சிறப்புமிக்க பெயரை தான் தங்கள் படத்திற்கு தலைப்பாக வைத்துள்ளனர் கமல், விக்ரம் படக்குழுவினர்.

Kadaram Kondan movie title and its historical meaning

உண்மைச் சம்பவத்தை படமாக்கும் *கொம்புவச்ச சிங்கம்டா* டீம்

உண்மைச் சம்பவத்தை படமாக்கும் *கொம்புவச்ச சிங்கம்டா* டீம்

Sasikumars Kombu Vecha Singamda movie news updatesதன் முதல் படமான சுந்தரபாண்டியன் படத்தில் சசிகுமாரை இயக்கினார் எஸ்.ஆர்.பிரபாகரன்.

இப்படம் வெற்றிப் பெற்றது. ஆனால் இதற்கு அடுத்து எடுத்த இது கதிர்வேலன் காதல், சத்ரியன் படங்கள் மிகப்பெரிய தோல்வியை தழுவியது.

எனவே மீண்டும் சசிகுமாரை நாயகனாக வைத்து கொம்புவச்ச சிங்கம்டா என்ற படத்தை இயக்கி வருகிறார் எஸ்.ஆர்.பிரபாகரன்.

இதில் நாயகியாக மடோனா செபாஸ்டின் நடிக்க, கலையரசன், சூரி, யோகிபாபு, இயக்குனர் மகேந்திரன், ஹரீஷ் பெரடி, ஸ்ரீபிரியங்கா, துளசி உள்ளிட்ட பலரும் நடித்து வருகின்றனர்.

ஏகாம்பரம் ஒளிப்பதிவு செய்ய திபு நைனன் தாமஸ் இசையமைத்து வருகிறார்.

படம் பற்றி எஸ்.ஆர்.பிரபாகரன் கூறியதாவது…

இது 1990 முதல் 1994 வரையிலான 4 ஆண்டுகளில் நடக்கும் கதை. மதுரை அருகில் உள்ள சிறு நகரில் நடந்த உண்மை சம்பவத்தின் அடிப்படையில் திரைக்கதை அமைத்திருக்கிறேன்.

அந்த சம்பவம் என்ன? எந்த ஊர் என்பதை வெளிப்படையாக சொல்ல முடியாது. 1990ல் உள்ள சினிமா போஸ்டர்கள், பணம் உள்ளிட்டவைகளை சேகரித்து வருகிறோம். என கூறியுள்ளார்.

Sasikumars Kombu Vecha Singamda movie news updates

கமல் அண்ணன் & கீர்த்தி சுரேஷ் பாட்டி இணைந்த படத்தில் ரஜினி வாய்ஸ்

கமல் அண்ணன் & கீர்த்தி சுரேஷ் பாட்டி இணைந்த படத்தில் ரஜினி வாய்ஸ்

Oru Nimisham Thala Suthi Ruchu song from DhaDha87கமல்ஹாசனின் அண்ணன் சாருஹாசன் நிறைய படங்களில் நடித்துள்ளார் என்பது நாம் அறிந்த ஒன்றுதான்.

தற்போது அவருக்கு 85 வயதாகிவிட்டது. இருந்தபோதிலும் அவர் ஒரு படத்தில் நாயகனாக நடித்துள்ளார்.

“தாதா 87” என்று பெயரிடப்பட்டுள்ள இப்படத்தில் அவருக்கு ஜோடியாக நடிகை கீர்த்தி சுரேஷின் பாட்டி சரோஜா நடித்துள்ளார்.

இவர் அண்மையில் வெளியான கடைக்குட்டி சிங்கம் படத்திலும் நடித்திருந்தார்.

இவர்களுடன் ஜனகராஜ் முக்கிய கேரக்டரில் நடித்துள்ளார்.

விஜய்ஸ்ரீ என்ற புதுமுகம் இயக்கியுள்ள இப்படத்தில் லியாண்டர் லீ மார்ட்டின் இசையமைத்துள்ளார்.

சில மாதங்களுக்கு முன் “ரஜினியிடம் ஒரு நிருபர் உங்கள் கட்சி கொள்கை என்ன? என்று கேட்டார், ஒரு நிமிஷம் எனக்கு தலை சுத்திருச்சு” என்று ரஜினி கூறியிருந்தார்.

இந்த பேச்சு அப்போது ட்விட்டர் மற்றும் செய்திகளில் பரபரப்பாக பேசப்பட்டது.

“ஒருநிமிஷம் தலை சுத்திருச்சு…” என்ற அந்த டயலாக்கே தற்போது தாதா 87 படத்தில் பாடலாக அமைந்து விட்டது. அந்த பாடல் வீடியோவை தற்போது வெளியிட்டுள்ளனர்.

இந்த பாடலின் இறுதியில் ரஜினிகாந்தின் டிரேட் மார்க் சிர்ப்பை பயன்படுத்தியுள்ளனர்.

Oru Nimisham Thala Suthi Ruchu song from DhaDha87

புருசன் பொண்டாட்டிய அடிக்க திண்னையில் கிடக்கிறவன் அழுதானாம்.; சர்காருக்கு ஆதரவாக கருணாஸ்

புருசன் பொண்டாட்டிய அடிக்க திண்னையில் கிடக்கிறவன் அழுதானாம்.; சர்காருக்கு ஆதரவாக கருணாஸ்

Actor cum MLA Karunas support Sarkar team and he condemns TN Govtஏ.ஆர்.முருகதாஸ் இயக்கத்தில் விஜய் நடித்துள்ள சர்கார் திரைப்படத்திற்கு வழக்கம் போல் சர்ச்சையை கிளப்பி திரையரங்க பதாகையை கிழித்து போராட்டம் செய்து வருகின்றனர் ஆளுங்கட்சி அ.தி.மு.க.,வினர்.

இது வன்மையாகக் கண்டிக்கத்தக்க அநாகரிக செயலாகும்.

சர்கார் திரைப்படம் முறையாக தணிக்கை செய்யப்பட்டு தணிக்கைக் குழுவின் ஆட்சேபனையின்றி வெளிவந்த வேலையில் அத் திரைப்படத்தில் உள்ள காட்சிகளையும், வசனங்களையும் நீக்க சொல்லி போராடுவது சட்டவிரோத செயலாகும்.

அமைச்சர்கள் ஜெயக்குமார், சி.வி.சண்முகம், உதயகுமார், கடம்பூர் ராஜு ஆகியோர் விரும்படிதான் படம் எடுக்க வேண்டுமென்றால், அதை தணிக்கைக்குழு விரும்பாத படமாகத்தான் படம் எடுக்க முடியும். இவர்கள் யார் என்று தமிழ்நாட்டு மக்களுக்குத் தெரியும்.

கிராமத்தில் ஒரு பழமொழி உண்டு “பொண்டாட்டி காரன் பொண்டாட்டிய அடிக்க திண்னையில் கிடக்கிறவன் தேமி..தேமி.. அழுதானாம்” அதுபோல படத்தின் காட்சிகளுக்கு ஏற்ப வசனங்களும், நாட்டின் அரசியல் சூழலுக்கு ஏற்ப காட்சிகளையும் ஒரு இயக்குநர் மக்களுக்கு விழிப்புணர்வு ஏற்படுத்தும் போது! அ.தி.மு.க. வினார் கொதிக்கிறார்கள் என்றால் காரணம் என்ன?

அவர்களின் அரசியல் அடவாடியெல்லாம் திரைப்படங்கள் வழி தெரிந்து விடுகிறதே என்றா?

சர்கார் திரைப்படம் “ஒட்டு மொத்த இன்றைய அரசியலை” தோலுரித்து காட்டி மக்களுக்கு அரசியல் விழிப்புணர்வை ஏற்படுத்தியுள்ளது.

அந்த விழிப்புணர்வை ஏன் மக்களுக்கு தெரியப்படுத்துகிறீர்கள் என்று அ.தி.மு.க. அராஜகம் செய்கிறதா?

இவ்வாறு செய்வீர்களேயானால் இன்னும் இது போல் இன்னும் ஆயிரமாயிரம் படங்கள் வெளிவந்து கொண்டே இருக்கும் அதையாரும் தடுக்க முடியாது.

போலி அரசியலின் முகமூடி இதுபோன்ற படங்களில் வழியாகத்தான் கிழிந்து தொங்கும். அதை மக்களும் விரும்புவார்கள்!

சட்டப்படியாக தணிக்கைப் பெற்ற இத்திரைப்படத்தை அரசியல் சூழ்ச்சிகளால் தடுக்க நினைப்பது, வசனங்கள் – காட்சிகளை நீக்கச் சொல்லது கருத்துச் சொல்லும் உரிமைக்கு எதிரான செயல்பாடாகும்.
இச்செயலை வன்முறையாகக் கண்டிக்கிறேன்.

இந்நிலை தொடர்ந்து நீடிக்குமேயானால் ஒட்டுமொத்தத் திரைப்படத்துறையும் இணைத்து பெரும் போராட்டத்தை தொடங்குவோம்!

இவ்வாறு தனது அறிக்கையில் எம்.எல்.ஏ.,கருணாஸ் தெரிவித்துள்ளார்.

Actor cum MLA Karunas support Sarkar team and he condemns TN Govt

More Articles
Follows