தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கே.பி.என்.சினி சர்க்யூட் தயாரிக்கும் படம் ‘கிடா விருந்து’.
இதில் எஸ்.பி. பிரசாத், ஷாலினி, கஞ்சா கருப்பு, ரஞ்சன், கே.பி.என். மகேஷ்வர், சேரன்ராஜ் , தங்கம், தமிழ், மணிமாறன், ‘வீரம்’ சையது, சுகி, ராணி,சுமிதா, அர்ச்சனா, திலக், அர்ஜுன் ஆகியோர் நடித்துள்ளனர்.
ஒளிப்பதிவு – எஸ்.ஆர்.வெற்றி, இசை – ‘பிரின்ஸ்’ நல்ல தம்பி, எடிட்டிங் – கோபால், தயாரிப்பு – கே.பி.என்.மகேஸ்வர், இணை தயாரிப்பு – எஸ்.பி. பிரசாத், கதை, திரைக்கதை, வசனம், இயக்கம் – ஏ.எஸ். தமிழ்ச்செல்வன்.
இதன் ஆடியோ வெளியீட்டு விழா சென்னையில் நடைபெற்றது.
இதில் பெப்சி தலைவர் ஆர்.கே.செல்வமணி, ஜாக்குவார் தங்கம், தயாரிப்பாளர்கள் கேயார், ராஜன். விஜயமுரளி, பிஆர்ஓ பெருதுளசி பழனிவேல் உள்ளிட்ட பலரும் கலந்துக் கொண்டனர்.
அப்போது பெப்சி தலைவரும் இயக்குநருமான ஆர்.கே.செல்வமணி பேசியதாவது…
பெப்சி தொழிலாளர்கள் பிரச்சினைகளை ஒவ்வொன்றாக களைய முயன்று வருகிறோம்.
தயாரிப்பாளர்களுக்கு எல்லா விதத்திலும் ஒத்துழைப்பு தர காத்திருக்கிறோம்.
கிடா விருந்து ட்ரைலர் மற்றும் பாடல்களை பார்த்தேன் நன்றாக உள்ளது.
படத்தின் ஒளிப்பதிவாளருக்கு இயக்குனர் டச் உள்ளது. கேமராவை எங்கும் வைக்க வேண்டும் எங்கு வைக்க கூடாது என தெரிந்து வைத்திருக்கிறார்.
படத்தின் நாயகனை பார்க்கும்போது கம்பீரமாக இருக்கிறார். அவர் கொம்பன் கார்த்தி, ராஜ்கிரண் போல இருப்பதாக சொன்னார்கள்.
ஆனால் அவர் சட்டைய கழட்டினால் ஹீரோயின் போல இருக்கிறார். அவர் உடம்பை குறைக்க வேண்டும்.
இது ஒரு குறையாக நினைக்க வேண்டாம். அவருக்கு நல்லதுதான் கூறினேன்” என பேசினார் ஆர்.கே.செல்வமணி.
FEFSI president RK Selvamani made fun of Hero at Kida Virundu audio launch