தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் வித்தியாசமான படைப்புகளை ரசிகர்களுக்கு விருந்தளிப்பவர் இயக்குனர் பாலா.
சேது, நான் கடவுள், நந்தா, பிதாமகன், அவன் இவன் உள்ளிட்ட பல படைப்புகள் இவரது பெயரை இன்றளவும் சொல்லும்.
இவரது பட நாயர்கள் எப்படி காட்சிகளில் இருப்பார்களோ..? அப்படியே பாடல்களில் இருப்பார்கள். (ஆனால் மற்ற இயக்குனர்களின் பட பாடல்களில் நாயகன் நாயகி வித்தியாசமான தோற்றத்தில் இருப்பார்கள்.)
அப்படி ஒரு யதார்த்த வாழ்வியல் படைப்புகளை கொடுப்பத்தில் சிறந்தவர் இயக்குனர் பாலா.
நடிகர் விக்ரமுக்கு இரண்டு தேசிய விருதுகளை பெற்று தந்து இருக்கிறார் பாலா. மேலும் சூர்யா, ஆர்யா, விஷால் உள்ளிட்ட நடிகர்களின் திறமைகளை வெளிச்சம் போட்டு காட்டியவர் இவர்தான் என்றால் அது மிகையல்ல.
இவர் கடந்த 2004ஆம் ஆண்டில் தேனியை சேர்ந்த முத்துமலர் என்ற பெண்ணை திருமணம் செய்தார். இவர்களுக்குப் பிரார்த்தனா என்ற மகள் உள்ளார்.
இந்நிலையில் பாலாவின் திருமண உறவு முடிவுக்கு வந்துள்ளது.
இருவரும் விவாகரத்து கேட்டு கோர்ட்டில் முறையிட்ட நிலையில் தற்போது குடும்பநல நீதிமன்றம் விவாகரத்து வழங்கி உள்ளது.
இரண்டு மாதங்களுக்கு முன்புதான் தங்கள் மனைவியை பிரிவதாக நடிகர் தனுஷ் மற்றும் இசையமைப்பாளர் இமான் ஆகியோர் அறிவித்தனர் என்பது குறிப்பிடத்தக்கது.
Director Bala and his wife Muthumalar get divorced after 18 years of togetherness