தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ், தெலுங்கு, கன்னடம், மலையாளம் என பல மொழி படங்களில் நடித்துள்ளவர் சாருஹாசன். தேசிய விருதுகளையும் பல மாநில விருதுகளை வென்றிருக்கிறார்.
இவர் நடிகர் கமல்ஹாசனின் அண்ணன் என்பது நாம் அறிந்த ஒன்றுதான். இவருக்கு தற்போது 90 வயது ஆகிறது.
சில காலங்களாக நடிப்பதை நிறுத்திக் கொண்ட இவரை தாதா 87 படத்தின் மூலம் மீண்டும் சினிமாவுக்கு கொண்டு வந்தவர் இயக்குனர் விஜய்ஸ்ரீ.
பெண்களை அனுமதியின்றி தொடுவது குற்றம் என்ற எச்சரிக்கை வாசகம் இந்திய சினிமா வரலாற்றிலேயே முதன்முறையாக இப்படத்திற்காக பயன்படுத்தப்பட்டது.
இந்த படம் அனைத்து தரப்பு மக்களின் பாராட்டையும் பெற்றது.
இந்த நிலையில் சாருஹாசனுக்கு மத்திய அரசின் உயரிய விருதான வாழ்நாள் சாதனையாளர் விருது வழங்கப்பட வேண்டும், அதற்கு தமிழக அரசு பரிந்துரை செய்ய வேண்டும் என விஜய் ஸ்ரீ ஜி தெரிவித்துள்ளார்.
90 வயதிலும் தொடர்ந்து நடிக்கும் அவர் இந்திய சினிமா வரலாற்றில் மிகவும் வயதான நடிகராக வாழ்கிறார்.
அவருக்கு மத்திய அரசின் சாதனையாளர் விருது வழங்க தமிழக அரசு பரிந்துரை செய்ய வேண்டும் என தன் சமூக வலைத்தள பக்கத்தில் பதிவிட்டுள்ளார்.
DhaDha 87 director Vijaysris request to TN Govt