தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சுமார் 20 வருடங்களுக்கு முன்பு வெளியாகி ரஜினியின் சினிமா கேரியரில் பெரும் தோல்வியை சந்தித்த படம் ‘பாபா’.
இந்த படத்தின் தோல்விக்கு பல அரசியல் காரணங்களும் சொல்லப்பட்டாலும் ரஜினியே தோல்வி என ஒப்புக்கொண்ட படம் பாபா.
மேலும் படத்தால் நஷ்டம் அடைந்த விநியோகஸ்தர்களுக்கும் தியேட்டர் உரிமையாளர்களுக்கும் நஷ்டத்தை திருப்பி கொடுத்தார் ரஜினிகாந்த்.
இதனையடுத்து கடந்த 2022 ஆம் ஆண்டு ரஜினி பிறந்த நாளை முன்னிட்டு பாபா படத்தை மீண்டும் ரீ-ரிலீஸ் செய்தார்.
இந்த படத்தில் சர்ச்சைக்குரிய பல காட்சிகளை நீக்கிவிட்டு சில காட்சிகளுக்கு டப்பிங் பேசியிருந்தார் ரஜினி.
முதல் நாள் முதல் காட்சி பார்ப்பது போல ரசிகர்களும் பாபாவை கொண்டாடினர்.
ஒரு தோல்வியடைந்த படத்தை மீண்டும் வெற்றி படமாக்கிய பெருமை ரஜினிகாந்தையே சேரும்.
இந்த நிலையில் இன்று பிப்ரவரி 11ஆம் தேதி பாபா ரீ ரிலீஸ் வெற்றிக்கு காரணமான தொழில்நுட்ப கலைஞர்களை அழைத்து பாராட்டி அவர்களுக்கு நினைவு பரிசு கொடுத்துள்ளார் ரஜினிகாந்த்.
இந்த சந்திப்பு ரஜினியின் போயஸ் கார்டன் இல்லத்தில் நடந்தது. தற்போது இந்த புகைப்படங்கள் இணையத்தில் வெளியாகி வைரலாகி வருகிறது.
Baba re release hit. Rajinikanth given prizes to movie team