‘மண்டேலா’வுக்கு பிறகு யோகி பாபுவுக்கு ‘லக்கிமேன்’ தான் – சக்திவேலன்

உடம்பை கவனிச்சுக்குங்க தலைவா.; யோகிபாபுவுக்கு வீரா அட்வைஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாலாஜி வேணுகோபால் இயக்கத்தில் யோகிபாபு, வீரா ரேச்சல் நடித்த படம் ‘லக்கி மேன்’.

இந்த படம் செப்டம்பர் 1 தேதி திரையரங்குகளில் வெளியாகவுள்ள நிலையில் படக்குழுவினர் செய்தியாளர்களை சந்தித்தனர்.

இந்த நிகழ்ச்சியில் பங்கேற்ற நடிகை சுஹாசினி குமரன் பேசியதாவது…

“இந்த வாய்ப்பு கொடுத்த பாலாஜி அண்ணாவுக்கு நன்றி. இந்தப் படத்தில் நான் கடைசியாகதான் இணைந்தேன். படத்தில் பெரிய நடிகர்கள் நிறைய பேர் உள்ளனர். அவர்கள் நடிப்பு எனக்கு பிடிக்கும். இதில் நானும் இருப்பது மகிழ்ச்சி”.

குழந்தை நட்சத்திரம் சாத்விக்…

“படப்பிடிப்பு போனது போலவே இல்லை! ஜாலியாகவே இருந்தது. யோகிபாபு, ரேச்சல் அக்காவுக்கு நன்றி”.

நடிகர் வீரா பேசியதாவது…

“படக்குழுவில் பாசிட்டிவாக ஆதரவு கொடுத்த அனைவருக்கும் நன்றி. யோகிபாபு, ரேச்சல் அனைவருக்கும் வாழ்த்துகள்.

யோகிபாபுவின் அனைத்து படங்களுமே பார்த்து நான் ரசிகனானேன். அவருடன் இணைந்து நடித்திருப்பது மகிழ்ச்சி. கடின உழைப்பாளி அவர். உடல் நலனை நன்றாகப் பார்த்துக் கொள்ளுங்கள் தலைவா”.

Take care of health Veera advice yogibabu

தாக்கத்தை ஏற்படுத்தும் நடிகர்களில் யோகிபாபு ஒருவர் – ஷான் ரோல்டன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாலாஜி வேணுகோபால் இயக்கத்தில் யோகிபாபு, ரேச்சல், வீரா உள்ளிட்டப் பலரது நடிப்பில் செப்டம்பர்1 அன்று வெளியாக இருக்கும் திரைப்படம் ‘லக்கிமேன்’. இதன் பத்திரிக்கையாளர்கள் சந்திப்பு நேற்று (29.08.2023) நடைபெற்றது.

இசையமைப்பாளர் ஷான் ரோல்டன் பேசியதாவது…

“பாலாஜி அண்ணனை சிறு வயதில் இருந்தே எனக்குத் தெரியும். இந்த காலத்தில் தமிழ் சினிமாவில் நகைச்சுவை நடிகர்கள் பெரிய தாக்கத்தை ஏற்படுத்தியுள்ளார்கள். அவர்களில் யோகிபாபுவும் ஒருவர்.

‘லக்கிமேன்’ போன்ற கதைக்களம் எனக்கு பெரும் சவாலாக இருந்தது. வாய்ப்பு கொடுத்த பாலாஜி அண்ணனுக்கு நன்றி. யோகிபாபு சார் நடிப்பை படத்தில் ரசித்துப் பார்த்தேன். இது மிகப்பெரிய விஷயம். மிகப்பெரிய புகழ் அவர் அடைய வேண்டும் என வாழ்த்துகிறேன்.

ஃபீல்குட் படங்களின் வரிசையில் கண்டிப்பாக ‘லக்கிமேன்’ இருக்கும். பாடல்களில் பாலாஜி நிறைய இன்புட்ஸ் கொடுத்தார். என்னுடைய குழுவுக்கும் நன்றி. சக்திவேல் சார் படத்தை எடுத்தால் அதை பார்வையாளர்கள் நம்புகிறார்கள். அது மிகப்பெரிய பலம். உறுதுணையாக இருக்கும் சக்தி சாருக்கு நன்றி”.

எடிட்டர் மதன் பேசியதாவது…

“இந்தப் படம் எனக்கு ஸ்பெஷல். நான் நிறைய ஹாரர், த்ரில்லர் படங்களில் வேலை செய்திருக்கிறேன். எனக்கு ஃபீல்குட் படங்களில் வேலை பார்க்க வேண்டும் என்பதும் விருப்பம். அது இந்தப் படம் மூலம் நிறைவேறி உள்ளது.

இயக்குநர் பாலாஜி சாருக்கும் நன்றி. மியூசிக் டைரக்டர் ஷானுக்கு நன்றி. என்னுடன் பேசி கலந்துதான் அவரும் வேலை செய்தார். எனக்கும் அது வேலையை எளிதாக்கி கொடுத்தது.

இந்தக் கதையில் யோகிபாபு சார் ஹீரோவாக நடித்தால் நன்றாக இருக்கும் என நினைத்தேன். அவரைதான் இயக்குநரும் உறுதி செய்துள்ளார். வசனங்கள் எனக்கு மிகவும் பிடிக்கும். யார் பார்த்தாலும் இந்தப் படத்தை கனெக்ட் செய்து கொள்வார்கள். நடிகர்கள் எல்லாரும் சிறப்பாக நடித்துள்ளனர். அனைவருக்கும் நன்றி”.

Seanroldan appreciated yogibabus comedy journey

‘கருமேகங்கள் கலைகின்றன’ படத்திற்கு கிடைத்த முதல் ரசிகன் பற்றி தங்கர்பச்சான்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நீண்ட நாட்களுக்குப் பிறகு தங்கர்பச்சான் நடித்து இயக்கியுள்ள படம’கருமேகங்கள் கலைகின்றன’. இந்த படத்தில் பாரதிராஜா, கௌதம் மேனன், எஸ் ஏ சந்திரசேகர், யோகி பாபு, அதிதி பாலன், மகானா உள்ளிட்ட பலர் நடித்துள்ளனர். குழந்தை நட்சத்திரமாக சாரல் என்ற சிறுமி நடித்துள்ளார்.

ஜிவி பிரகாஷ் இசையமைத்துள்ள இந்த படம் செப்டம்பர் 1ம் தேதிக்கு வருகிறது.

பொதுவாக ஒரு படம் உருவாகி ரிலீசுக்கு தயாராகி விட்டால் அதை திரையுலக சம்பந்தப்பட்டவர்களுக்கு முதலில் திரையிட்டு காண்பிப்பார்கள்.

ஆனால் முதல் முறையாக பத்திரிக்கையாளர்களுக்கும் திரையிட்டு காட்டாமல் திரையுலக விஐபிகளுக்கும் திரையிட்டு காட்டாமல் முதன் முறையாக மக்களுக்கு திரையிட்டு காட்டியுள்ளார் இயக்குனர் தங்கர் பச்சான்.

இது பற்றி அவர் கூறியதாவது..

“நான் மக்களை நம்பி படம் எடுக்கிறேன். மக்களுக்காக படம் எடுக்கிறேன்.

திரையுலகச் சார்ந்தவர்களோ மற்றவர்களோ குறை சொன்னால் எனக்கு கவலை இல்லை. மக்களின் கருத்தை நான் ஏற்கிறேன். எனவே தான் மக்களுக்கு என்னுடைய ‘கருமேகங்கள் கலைகின்றன’ படத்தை திரையிட்டு காட்டினேன்.

படத்தை பார்த்த ஒவ்வொருவரும் கண்கலங்கி சென்றார்கள். தந்தையுடன் பேசாமலோ தந்தையை பிரிந்து வாழும் நபர்கள் என்னுடன் மனம் விட்டு பேசி பாராட்டி சென்றனர்.

கமலா தியேட்டர்ல திரையிட்டு காண்பித்த பின்னர் நான் புறப்பட தயாரான போது ஒரு பெரியவர் என் அருகே வந்து 200 ரூபாயை கொடுத்தார். இதை தயாரிப்பாளர்களிடம் கொடுங்கள் என் கண் கலங்கி பேசினார்.

இதுவே எனக்கு கிடைத்த பெரும் பாராட்டாக நினைக்கிறேன். அவரே ‘கருமேகங்கள் கலைகின்றன’ படத்திற்கு கிடைத்த முதல் ரசிகன் ஆவார். என்றார் தங்கர்பச்சான்.

Karumegangal Kalaigindrna got huge response at Public premiere show

காலாண்டு விடுமுறையில் பள்ளி காதலர்களை கவர வரும் ‘ரங்கோலி’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கோபுரம் ஸ்டுடியோஸ், G.சதீஷ்குமார் மற்றும் Kபாபு ரெட்டி தயாரிப்பில் சிறுவர்களின் பள்ளி வாழ்க்கை மற்றும் நடுத்தர குடும்ப வாழ்வியலை அழகியலோடு மையமாக கொண்டு வண்ணமயமான உணர்வுகளையும் கதாபாத்திரங்களையும் கொண்டு உருவாகியுள்ள படம் ‘ரங்கோலி’.

அறிமுக இயக்குனர் வாலி மோகன் தாஸ் இத்திரைப்படத்தை இயக்கியுள்ளார்.

அரசு பள்ளியில் மகிழ்ச்சியாக படிக்கும் சத்யா என்ற மாணவன் குடும்ப வற்புறுத்தலினால் தனியார் பள்ளிக்கு மாற்றப்படுகிறான்.

விருப்பமில்லாமல் செல்லும் சத்யா அந்த புதிய பள்ளியின் சூழலை எவ்வாறு எதிர்கொண்டான்.

அந்த தனியார் பள்ளிக்கு அதிக கட்டணம் செலுத்த வேண்டிய கட்டாயத்தில் அந்த குடும்பம் எவ்வாறு அந்த பிரச்சனையை எதிர்கொண்டது என்பதையும் குடும்ப உறவுகளில் உள்ள மேன்மைகளையும் அழகியலையும் பற்றி எதார்த்தமாக இப்படம் பேசுகிறது.

தெய்வத்திருமகள், மாநகரம், நிமிர் மற்றும் சிவரஞ்சனியும் இன்னும் சில பெண்களும் ஆகிய படங்களில் குழந்தை நட்சத்திரமாக நடித்த ஹமரேஷ் இந்த படத்தில் கதாநாயகனாக நடித்துள்ளார்.

இப்படத்தில் ஆடுகளம் முருகதாஸ், பிரார்த்தனா, சாய்ஸ்ரீ, அக்ஷயா, அமித் பார்கவ் ஆகியோர் முக்கிய காதாபாத்திரத்தில் நடித்துள்ளனர்.

சென்னை சுற்றியுள்ள பகுதிகள் குறிப்பாக ராயபுரம், காசிமேடு, மயிலாப்பூர், பட்டினப்பாக்கம் என பல பகுதிகளில் படிப்பிடிப்பை நடத்தியுள்ளனர்.

எட்டு தோட்டாக்கள், ஐரா, ஆகிய படங்களுக்கு இசையமைத்த சுந்தரமுர்த்தி K.S இந்த படத்திற்கு இசையமைத்துள்ளார். ஒளிப்பதிவு I.மருதநாயகம், படத்தொகுப்பு R.சத்யநாராயணன் மற்றும் கலை இயக்கம் ஆனந்த்மணி செய்துள்ளனர்.

‘ரங்கோலி’ திரைப்படம் செப்டம்பர் 1 ம் தேதி வெளியாக இருக்கிறது.

Hamaresh Prarthana starrer Rangoli release updates

விஜய் தோற்றத்திற்காக லாஸ் ஏஞ்சல்ஸ் சென்ற வெங்கட் பிரபு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விஜய் தற்போது லோகேஷ் கனகராஜ் இயக்கத்தில் ‘லியோ’ திரைப்படத்தில் நடித்துள்ளார்.

திரைப்பிரபலங்கள் பலர் நடித்துள்ள இந்த திரைப்படம் அக்டோபர் மாதம் திரையரங்குகளில் வெளியாகவுள்ளது.

இதைத்தொடந்து விஜய்யின் 68-வது படத்தை இயக்குனர் வெங்கட் பிரபு இயக்குகிறார்.

கல்பாத்தி எஸ் அகோரம் சார்பில் ஏ.ஜி.எஸ். நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைக்கிறார்.

இப்படத்தின் பணிகள் தொடக்க நிலையில் உள்ளன.

இந்நிலையில், விஜய், லாஸ் ஏஞ்சல்ஸ் விமான நிலையில் உள்ள புகைப்படம் சமூக வலைத்தளங்களில் வைரலாகி வருகிறது.

விஜய் ‘தளபதி 68’ படத்தில் விஜய் இரட்டை வேடத்தில் நடிக்கவுள்ளதாகவும் 3 டி விஎப்எக்ஸ் தொழில் நுட்பத்தில் விஜய்யின் தோற்றம் எடுக்கப்பட உள்ளதாகவும் கூறப்படுகிறது.

இந்த பணிக்காக விஜய், வெங்கட்பிரபு மற்றும் படக்குழுவினர் லாஸ் ஏஞ்சல்ஸ் சென்றுள்ளதாக தகவல் வெளியாகியுள்ளது.

Vijay’s ‘Thalapathy 68’ team in Los Angeles Airport