தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
விஜயகாந்த் நடித்த எங்கள் அண்ணா படத்திற்கு பிறகு பிரபுதேவா நடிப்பில் விரைவில் வெளிவரவிருக்கும் படம் தேவி.
இப்படத்தை தன் நிறுவனம் மூலம் பிரபுதேவாவே தயாரித்திருக்கிறார்.
தமிழ், தெலுங்கு, இந்தி ஆகிய மொழிகளில் நேரடியாக உருவாக்கப்பட்டுள்ளது.
3 மொழி படத்தையும் ஒரே நாளில் (அக். 7) வெளியிடுகின்றனர். இது இந்திய சினிமாவில் புதிது என தெரிவித்தனர்.
3 படத்தையும் மொத்தம் 60 நாட்களில் முடித்துவிட்டாராம் இயக்குனர் விஜய்.
விஜய் இயக்கியுள்ள இப்படத்தில் சோனு சூட், தமன்னா, ஆர்.ஜே.பாலாஜி, சதீஷ் உள்ளிட்டவர்கள் நடித்துள்ளனர்.
இதன் பத்திரிகையாளர் சந்திப்பில் இப்படக்குழுவினர் கலந்து கொண்டனர்.
அப்போது பிரபுதேவா பேசுகையில், “விஜய்யை எனக்கு ரொம்ப நல்லா தெரியாது.
தற்போது சில காலமாக பழக்கம். ஆர்.ஜே. பாலாஜி செட்டில் பேசிக் கொண்டே இருப்பார் என்றால், விஜய் பேசவே மாட்டார்.
அவரிடம் நான் நிறைய கற்றுக்கொண்டேன். அவரால் எப்படி இவ்வளவு பொறுமையாக எல்லாரிடமும் வேலை வாங்க முடிகிறது என்பதே தெரியவில்லை.
விஜய் ஒரு ஜென்டில்மேன். ஐ லவ் யூ விஜய்” என்று பேசினார்.