தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
காதலித்து ஒன்று சேராமல் வெவ்வேறு திருமணம் செய்த காதலர்கள் திருமணத்திற்கு பின்னர் சந்தித்துக் கொண்டால் என்ன நடக்கும் என்பது தான் தீராக் காதல்.
கதைக்களம்…
கௌதம் (ஜெய்) இவரது மனைவி வந்தனா (ஷிவதா). மகள் ஆர்த்தி (வ்ரிதி விஷால்).. மகிழ்ச்சியாக வாழும் குடும்பம் இது.
ஒரு முறை ஆபீஸ் வேலையாக சென்னையிலிருந்து மங்களூருவுக்கு ரயிலில் போகிறார் ஜெய். அப்போது எதிர்பாராமல் தன் முன்னாள் காதலியான ஆரன்யாவை (ஐஸ்வர்யா ராஜேஷ்) சந்திக்கிறார் ஜெய்.
அதன் பின்னர் சில தினங்கள் இருவரும் மங்களூருவில் சந்திக்கிறார்கள். பேசிக் கொள்கிறார்கள்.. பழகுகிறார்கள்.
கொடுமைக்கார கணவனுடன் வாழும் ஐஸ்வர்யாவுக்கு ஜெயின் புதிய காதல் நட்பு மறுமலர்ச்சியை கொடுக்கிறது. இதனால் தன் கணவனை பிரிய நினைக்கிறார் ஐஸ்வர்யா.
தன் பழைய காதலன் உடன் இணைய நினைக்கிறார். இதன் பிறகு என்ன நடந்தது.? ஜெய் ஏற்று கொண்டாரா? ஜெய் குடும்பம் என்ன ஆனது? உள்ளிட்ட பல கேள்விகளுக்கு விடை தருகிறது படம்.
கேரக்டர்கள்…
பொறுப்பான கணவன்.. பாசக்கார அப்பா.. அன்பான காதலன் என 3 பரிமாணத்தையும் அழகாக செய்து இருக்கிறார் ஜெய். பக்குவப்பட்ட நடிப்பில் காதலர்களையும் கவர்வார்.
இதுவரை பார்க்காத கேரக்டரில் ஐஸ்வர்யா ராஜேஷ்.. ஒரு பக்கம் காதலன்.. மற்ற பக்கம் கணவன்.. இரண்டிலும் சிக்கித் தவிக்கும் ஒரு பெண்ணின் மன உணர்வுகளை யதார்த்தமாக கொடுத்திருக்கிறார்.
மேலும் ஐஸ்வர்யா எடுக்கும் முடிவு அதிரடியான திருப்பத்தை கதையில் கொடுத்துள்ளது.
ஒரு காட்சியில் ஜெய் வீட்டில் ஒளிந்திருக்கும் ஐஸ்வர்யா மனநிலை திக் திக் திக் நிமிடம்.. ரசிகர்களுக்கும்.!
டெக்னீஷியன்கள்…
இசையமைப்பாளர் – சித்து குமார்
ஒளிப்பதிவாளர் – ரவிவர்மன் நீலமேகம்
படத்தொகுப்பாளர் – பிரசன்னா ஜி.கே
மங்களூரில் ஈரப்பதம் கலந்த அழகு… ரயில்வே ஸ்டேஷன் காட்சி என அனைத்தையும் ரசித்து எடுத்திருக்கிறார் ஒளிப்பதிவாளர் ரவிவர்மன்.
படத்தொகுப்பாளர் பிரசன்னா ஜி.கே தன் பணியை சிறப்பாகவே செய்துள்ளார்.
சித்து குமாரின் இசையில் பாடல்கள் பரவாயில்லை.. ஆனால் இது போன்ற காதல் கதையில் இன்னும் கூடுதல் கவனம் செலுத்தியிருக்கலாம்.
இதுபோன்ற சிக்கலான காதல் கதறையில் நிச்சயமாக வித்தியாசமான முடிவுகளை எடுக்க முடியாது என்பதை உணர்ந்து அதை எப்படி கையாள முடியுமோ அதை சிறப்பாகவே செய்து இருக்கிறார் இயக்குநர் ரோஹின் வெங்கடேசன்.
சில காட்சிகளை நாம் சில படங்களில் பார்த்திருக்கலாம். ஆனால் இன்றைய காலத்திற்கு ஏற்ப கலைநயத்துடன் இந்த தீரா காதலை சொல்லி இருக்கிறார் இயக்குனர்.
ஆக தீராக்காதல்… காதல் என்றும் தீராதே
Theera Kadhal movie review and rating in tamil