தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘அட்டக்கத்தி’, ‘மெட்ராஸ்’ ஆகிய படங்களின் மூலம் தமிழகத்தில் பிரபலமானவர் இயக்குநர் பா.ரஞ்சித்.
ரஜினி நடித்த ‘கபாலி’, ‘காலா’ படங்களை இயக்கியதன் மூலம் இந்தியாவையும் தாண்டி பிரபலமானார் ரஞ்சித்.
‘காலா’ படத்திற்கு பிறகு ‘சார்பட்டா பரம்பரை’ படத்தை இயக்கியிருந்தார். ஆர்யா நடித்த இந்த படம் ஓடிடியில் வெளியானாலும் அசூர வெற்றியை பெற்றது.
தற்போது ரஞ்சித் இயக்கத்தில் ‘நட்சத்திரம் நகர்கிறது’ என்ற படம் ரிலீசுக்கு தயாராகவுள்ளது.
இதனையடுத்து விக்ரம் நடிக்கவுள்ள ஒரு படத்தை க்ரீன் ஸ்டூடியோ நிறுவனத்திற்காக இயக்கவுள்ளார் ரஞ்சித். இதன் சூட்டிங் ஜீலையில் தொடங்கவுள்ளது.
ஒரு பக்கம் இயக்கம், மறுபக்கம் தயாரிப்பு என பிசியாக வலம் வருகிறார்.
தனது நீலம் புரொடக்ஷன்ஸ் நிறுவனம் சார்பாக ‘பரியேறும் பெருமாள்’, ‘இரண்டாம் உலகப்போரின் கடைசி குண்டு’, ‘ரைட்டர்’ உள்ளிட்ட படங்களைத் தயாரித்துள்ளார்.
இந்த படங்கள் அனைத்தும் மக்களின் ஆதரவோடு சூப்பர் ஹிட்டானது. ‘குதிரைவால்’ கலவையான விமர்சனங்களை பெற்றது.
இதனை தொடர்ந்து ‘சேத்துமான்’, ‘பொம்மை நாயகி’, ‘ஜெ.பேபி’ உள்ளிட்ட படங்கள் ரஞ்சித் தயாரிப்பில் ரிலீஸுக்கு தயாராக உள்ளன.
மேலும் ‘நீலம் ஸ்டுடியோ’ எனும் புதிய தயாரிப்பு நிறுவனத்தையும் தொடங்கியுள்ளார் பா.ரஞ்சித்.
இந்த நிறுவனத்தோடு கோல்டன் ரேஷியோ பிலிம்ஸ் இணைந்து ’வேட்டுவம்’ என்ற படத்தைத் தயாரிக்கிறது.
இப்பட ஃபர்ஸ்ட் லுக் போஸ்டரை கேன்ஸ் பட விழாவில் வெளியிட்டனர்.
கேன்ஸ் பட விழாவில் ரஞ்சித் இயக்கிய கேங்ஸ்டர் ஸ்டோரி ‘வேட்டுவம்’ லுக்
இந்த படத்தை ரஞ்சித் உடன் இணைந்து பாலிவுட் தயாரிப்பாளர்கள் அபயானந்த் சிங், பியுஷ் சிங், சவுரப் குப்தா, அதிதி ஆனந்த், அஸ்வினி சவுத்ரி ஆகியோரும் தயாரிக்கின்றனர்.
விரைவில் கமல்ஹாசன் நடிக்கவுள்ள படத்தை ரஞ்சித் இயக்கவுள்ளார். இதன் சூட்டிங் இன்னும் சில மாதங்களில் தொடங்கவுள்ளது.
அந்த படத்தலைப்பு தான் ‘வேட்டுவம்’ என கூறப்பட்டது.
ஆனால் கமல் நடிக்கவுள்ளது வேறு ஒரு படம் என்றும் ‘வேட்டுவம்’ படத்திற்கும் அதற்கும் சம்பந்தமில்லை என தகவல்கள் வந்துள்ளன.
‘வேட்டுவம்’ படத்தில் முற்றிலும் புதுமுகங்கள் நடிக்கிறார்களாம்.
Is this the title of the Kamal – Ranjith movie?