கமல் படம் ரி-ரீலீஸ் வெற்றி விழா.; கௌதம் வாசுதேவ் – ஹாரிஸ் ஜெயராஜ் பங்கேற்பு

உங்கள் மாவட்டத்தில் என்னென்ன பிரச்சனை.? மன்ற நிர்வாகிகளை அழைத்து பேசிய விஜய்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மக்கள் இயக்க நிர்வாகிகளை சென்னை பனையூரிலுள்ள விஜய் மக்கள் இயக்க அலுவலகத்தில் வைத்து நடிகர் விஜய் இன்று சந்தித்தார்.

இன்று முதல் 3 நாட்களுக்கு இந்த ஆலோசனை நடைபெறும் என்று கூறப்படுகிறது.

234 தொகுதியைச் சேர்ந்த விஜய் மக்கள் இயக்க நிர்வாகிகளுடன் விஜய் சுமார் 2 மணி நேரம் நடைபெற்ற ஆலோசனை கூட்டம் நிறைவு பெற்றது.

இன்று நடைபெற்ற இந்த ஆலோசனை கூட்டத்தில் ஊக்கத்தொகை மற்றும் பரிசு வழங்கும் விழாவை சிறப்பாக நடைபெற்றது.

உங்களுடைய மாவட்டங்களில் முக்கிய பிரச்சினைகள் என்னென்ன.? எனவும், மக்கள் மன்றத்தின் தற்போதைய செயல்பாடுகள் குறித்து மாவட்ட வாரியாக விஜய் கேட்டறிந்தாக கூறப்படுகிறது.

தொடர்ந்து நிர்வாகிகளின் நலனை கேட்டறிந்தும் அவர்களுடன் புகைப்படங்களையும் விஜய் எடுத்துக்கொண்டார்.

கடந்த மாதம் ஜூன் 17 ஆம் தேதி 234 தொகுதிகளிலும் 10 மற்றும் 12ஆம் வகுப்பு மாணவர்கள் அதிக மதிப்பெண் எடுத்த முதல் மூன்று இடங்களை பிடித்த மாணவ மாணவிகளுக்கு ஊக்கத்தொகை மற்றும் பரிசு வழங்கி விஜய் கௌரவித்தார் என்பது குறிப்பிடத்தக்கது.

vijay consultation with Vijay MakkalIyakkam Administrators is complete

இது SK Special Surprise : 6 மணிக்கு ‘மாவீரன்’.. 7 மணிக்கு ‘மாவீருடு’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிவகார்த்திகேயன் இயக்குனர் மடோன் அஸ்வின் இயக்கத்தில் ‘மாவீரன்’ படத்தில் நடித்துள்ளார்.

இப்படத்தில் அதிதி சங்கர் கதாநாயகியாக நடிக்க, மிஷ்கின், யோகி பாபு, சரிதா ஆகியோர் முக்கிய கதாபாத்திரத்தில் நடித்துள்ளனர்.

இப்படத்திற்கு பரத் சங்கர் இசையமைத்துள்ளார்.

இப்படம் தமிழ், தெலுங்கு ஆகிய 2 மொழிகளில் தயாராகி உள்ளது. இப்படத்திற்கு தெலுங்கில் ‘மாவீருடு’ என்று பெயர் வைத்துள்ளனர்.

‘மாவீரன்’ திரைப்படம் வருகிற 14-ம் தேதி திரையரங்குகளில் வெளியாகவுள்ளது.

இப்படத்தின் டிரைலர், பாடல்கள் வெளியாகி ரசிகர்களை கவர்ந்து வருகிறது.

இந்நிலையில், சிவகார்த்திகேயனின் ‘மாவீரன்’ படத்தின் ஸ்பெஷல் சர்ப்ரைஸ் இன்று மாலை 6.00 வெளியாகும் என போஸ்டர் வெளியிட்டு படக்குழு அறிவித்துள்ளது.

மேலும், தெலுங்கின் ‘மாவீருடு’ 7.00 வெளியாகும் என்று தெரிவிக்கப்பட்டுள்ளது.

maaveeran film team gives big reveal to fans

கூகுளும் யூடியூபும் நுழைவதற்கு முன்பு…; ‘டிராஃபிக் ராமசாமி’ இயக்குநரின் அடுத்த அதிரடி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

உலகம் முழுவதும் குழந்தைகள் படங்களுக்கென்று ஒரு தனி ரசிகர் பட்டாளம் இருக்கிறது. தமிழில் அஞ்சலி, பசங்க, காக்கா முட்டை என்று குழந்தைகள் படங்கள் மக்களிடையே பெரிய வரவேற்பைப் பெற்றுள்ளன.

தற்போது ‘மாமன்னன்’ எடுத்த மாரி செல்வராஜ் ‘வாழை’ என்ற குழந்தைகள் படத்தை எடுத்து வருகிறார்.

இந்த வரிசையில் குழந்தைகள் படம் ஒன்றை இயக்குகிறார் டிராபிஃக் ராமசாமி படத்தின் இயக்குநர் விக்கி
.
இப் படத்தைப் பற்றி அவர் கூறிய போது…

“கேள்விகளால் உலகை அழகாக்கியவர்கள் குழந்தைகள். அவர்கள் கேட்கும் கேள்விகளுக்குச் சரியான பதில் கிடைக்கும் போது அவர்களின் அறிவு விரிவடைகிறது.

தொலைக்காட்சிகள் 90’களின் துவக்கத்திலும், இணையதளம் 90’களின் இறுதியிலும் தமிழகத்தில் பரவலாகத் தொடங்கின. இவை வீடு புகுந்து தமிழ்க் குடும்பங்களுக்குள் நுழைந்ததிலிருந்து புழுதியில் மண்ணுடன் மண்ணாக விளையாடிய குழந்தைகளின் எண்ணிக்கை கணிசமாகக் குறைந்தது.

அதன் விளைவாக இப்போதுள்ள குழந்தைகளிடம் கேள்விகள் குறைந்துபோய் பதில்களாகவே நிறைந்து இருக்கிறது. இவர்களுக்கு உலகைப் பற்றி அனைத்துமே தெரிந்திருக்கிறது.

இப்படம் கூகுளும், யூடியூபும் தமிழகத்திற்குள் நுழைவதற்கு முன்பு குழந்தைகள் குழந்தைகளாகவே இருந்த பொற்காலத்தையும், அவர்களின் உலகத்தையும் நகைச்சுவையாகச் சொல்லும் கிராமத்துப் பின்னணியில் அமைந்ததாக இருக்கும்.

தொழில்நுட்பக் கலைஞர்கள் தேர்வு சென்னையிலும், நடிகர்கள் தேர்வு மதுரை, சிவகங்கை வட்டாரங்களிலும் முழுவீச்சில் நடைபெறுகின்றன. இப்படத்தை கனா புரொடக்ஷன்ஸ் தயாரிக்கிறது”

இவ்வாறு இயக்குநர் விக்கி கூறினார்.

Traffic Ramasamy movie directors next project updates

காமெடியன் பாவா லட்சுமணன் கால் விரல் அகற்றம்.; அரசு மருத்துவமனையில் சந்தித்து நலம் விசாரித்த முத்துக்காளை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ் சினிமாவில் பிரபலமான காமெடி நடிகர் பாவா லட்சுமணன். இவர் பல படங்களில் சின்ன சின்ன வேடங்களில் நடித்திருந்தாலும் வடிவேலுடன் இணைந்த பின்னர் இவரது காமெடி பெரும் வரவேற்பை பெற்றது.

மம்மூட்டி, முரளி நடித்த ‘ஆனந்தம்’ படத்தில் அவர்கள் வீட்டில் வேலை செய்யும் வேலைக்காரனாக நடித்திருந்தார். மேலும் ‘எல்லாம் அவன் செயல்’ என்ற படத்தில் வடிவேலுவின் உதவி வழக்கறிஞராக இவரும் அல்வா வாசுவும் நடித்திருந்தனர்.

ஒரு காட்சியில் வடிவேலு ஜாமீன் கேட்டு சிறையில் கைதியாக காத்திருப்பார். அப்போது எல்லாம் மார்க்கெட்டிலும் தேடிவிட்டோம்.

ஜாமீன் என்ற மீன் மட்டும் கிடைக்கவில்லை என காமெடி செய்திருப்பார். அவரின் அந்த காமெடியை இன்றளவு நம்மால் மறக்க முடியாது.

இவர் சமீப காலமாக உடல் நலக்குறைவால் சிகிச்சை பெற்று வருகிறார்.

இந்த நிலையில் சிகிச்சை பெற்று வரும் காமெடி நடிகர் பாவா லட்சுமணன் அவர்களை சென்னை ஓமந்தூரார் அரசு மருத்துவமனையில் நடிகர் முத்துக்காளை இரண்டாவது முறையாக சந்தித்து நலம் விசாரித்தார். அவருடன் மக்கள் தொடர்பாளர் கோவிந்தராஜனும் அருகில் இருந்தார்.

பாவா லட்சுமணனுக்கு அகற்றப்பட்ட கால் கட்டை விரல் இடத்தில் பிளாஸ்டிக் அறுவை சிகிச்சை அடுத்த வாரம் செய்யப்பட உள்ளது என்பது குறிப்பிடத்தக்கது.

Actor Bava Lakshmanan plastic surgery treatment

#STR49 UPDATE : மீண்டும் சிம்பு – ரஹ்மான் வேல்ஸ் கூட்டணி.; இயக்குனர் இவரா.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சில தினங்களுக்கு முன் வேல்ஸ் பிலிம்ஸ் நிறுவனம் தனது 25 வது படத்தை அறிவித்திருந்தது. ‘ஜீனி’ என்று பெயரிடப்பட்ட இந்த படத்தை அர்ஜுன் ஜூனியர் இயக்க ஜெயம் ரவி, கீர்த்தி ஷெட்டி, கல்யாணி பிரியதர்ஷன் ஆகியோர் நடிக்க ஏ ஆர் ரகுமான் இசையமைக்கிறார் என அறிவிக்கப்பட்டது.

இந்த நிலையில் ‘வெந்து தணிந்தது காடு’ படத்தை தொடர்ந்து மீண்டும் சிம்பு – வேல்ஸ் – ஏ ஆர் ரகுமான் ஆகியோரது கூட்டணி மீண்டும் இணையுள்ளதாக கூறப்படுகிறது. இந்த படம் சிம்புவின் 49 வது படமாக உருவாகுகிறதாம்.

சமீபத்தில் சிம்புவை ‘போர் தொழில்’ பட இயக்குனர் விக்னேஷ் ராஜா சந்தித்து கதை கூறியதாக கூறப்பட்டு வந்தது.

எனவே சிம்புவின் அடுத்த படத்தை அவர்தான் இயக்குவார் என தகவல் வந்த நிலையில் தற்போது சிம்பு 49 படத்தை ‘அடங்க மறு’ இயக்குனர் கார்த்திக் தங்கவேல் இயக்குவார் என தகவல்கள் வந்துள்ளன.

எனவே விரைவில் இது பற்றிய அதிகாரப்பூர்வ அறிவிப்பை நாம் எதிர்பார்க்கலாம்.

சிம்புவின் 48வது படத்தை கமலஹாசன் தயாரிக்க தேசிங்கு பெரியசாமி இயக்க உள்ளார் என்பது குறிப்பிடத்தக்கது.

STR 49 movie update Again Vels and ARR Combo