தமன் இசையில் சிவகார்த்திகேயன் ஜோடியாக உக்ரேனியன் நடிகை ஒப்பந்தம்

தமன் இசையில் சிவகார்த்திகேயன் ஜோடியாக உக்ரேனியன் நடிகை ஒப்பந்தம்

நடிகர் சிவகார்த்திகேயன் நடிப்பில் உருவாகி வரும் ‘SK 20’ படத்தின் படப்பிடிப்பு, மிக தீவிரமாக நடைபெற்று வருகிறது.

இப்படத்தில் நடிக்கும் பிரபல நடிகர் நடிகைகள் குறித்த தகவல்கள் ரசிகர்களிடம் ஏற்கனவே ஆவலை குவித்த நிலையில், அடுத்த அதிரடியாக படத்தின் நாயகி குறித்து அற்புதமான தகவல்கள் வெளியாகியுள்ளது.

உக்ரேனியன் நடிகை மரியா ரியாபோஷப்கா இப்படத்தில் சிவகார்த்திகேயன் ஜோடியாக நடிக்க ஒப்பந்தமாகியுள்ளார்.

இப்படத்திற்கு அவரது பங்களிப்பு மிகப்பெரும் பலமாக அமையும் என ஒட்டுமொத்த படக்குழுவினரும் நம்புகிறார்கள்.

சர்வதேசத் திரைப்படங்களில் தனது சிறப்பான நடிப்பிற்காக விமர்சன ரீதியாக பெரும் பாராட்டுக்களை குவித்தவர் அவர். இப்படத்திற்காக பல கலைஞர்களை பரிசீலித்த பிறகு, தயாரிப்பாளர்கள் மரியா ரியாபோஷப்கா படத்தின் பாத்திரத்திற்கு மிகவும் பொருத்தமானவர் என்று கருதி அவரை தேர்ந்தெடுத்துள்ளனர்.

இப்படத்தின் படப்பிடிப்பில் அவர் ஏற்கனவே பங்குகொண்டு நடித்து வருகிறார்.

இப்படத்தை சிறந்த பொழுதுபோக்கு திரைப்படமான ‘ஜதி ரத்னதாலு’ படம் மூலம் புகழ் பெற்ற அனுதீப் KV இயக்குகிறார்.

நாராயண்தாஸ் நரங், சுரேஷ் பாபு, மற்றும் புஸ்கூர் ராம் மோகன் ராவ் இணைந்து தயாரிக்க, அருண் விஷ்வா இப்படத்தில் இணை தயாரிப்பாளராக பணியாற்றுகிறார்.

இன்னும் பெயரிடப்படாத இந்தப் படத்தின் படப்பிடிப்பு கடந்த மாதம் தொடங்கப்பட்டது.

‘வருத்தப்படாத வாலிபர் சங்கம்’ படத்திற்குப் பிறகு சிவகார்த்திகேயனுடன் இணைந்து திரையுலகில் இணையும் இந்தப் படத்தில் சத்யராஜ் ஒரு முக்கிய கதாபாத்திரத்தில் நடிக்கிறார்.

இந்த படத்தின் முக்கிய பகுதிகள் காரைக்குடி மற்றும் பாண்டிச்சேரியின் கவர்ச்சிகரமான இடங்களிலும் அதைச் சுற்றியுள்ள பகுதிகளிலும் படமாக்கப்படுகிறது.

இந்த படத்திற்கு எஸ்.எஸ்.தமன் இசையமைப்பது மிகப்பெரிய சிறப்பம்சமாகும். தமன் தொடர்ந்து சார்ட்பஸ்டர் ஆல்பங்களை வழங்கி வருவதால், சிவகார்த்திகேயனுடன் அவரது கூட்டணி ரசிகர்களுக்கு பெரு விருந்தாக இருக்கும்.

Ukraine actress is on board for Sivakarthikeyan’s next

‘பீஸ்ட்’ ரிலீஸ் தேதியில் மாற்றம்.; அதிகாரப்பூர்வ அறிவிப்பு.. ரசிகர்களுக்கு இன்ப அதிர்ச்சி

‘பீஸ்ட்’ ரிலீஸ் தேதியில் மாற்றம்.; அதிகாரப்பூர்வ அறிவிப்பு.. ரசிகர்களுக்கு இன்ப அதிர்ச்சி

நெல்சன் திலீப்குமார் இயக்கத்தில் உருவாகியுள்ள ‘பீஸ்ட்’ படத்தில் விஜய்க்கு ஜோடியாக நடிகை பூஜா ஹெக்டே நடித்துள்ளார்.

இவர்களுடன் யோகி பாபு, செல்வராகவன் உள்ளிட்டோரும் நடித்துள்ளனர்.

அனிருத் இசையமைத்து சிவகார்த்திகேயன் எழுதிய ‘அரபிக்குத்து’ பாடல் வெளியாகி ரசிகர்களிடையே நல்ல வரவேற்பை பெற்றது. மேலும் யூடியூப்பில் பல சாதனைகளையும் படைத்தது .

இதன் பின்னர் அனிருத் இசையில் விஜய் பாடியிருக்கும் ‘ஜாலியோ ஜிம்கானா’ பாடல் வெளியானது. இந்த பாடலும் சாதனைகளை படைத்து வருகிறது.

இந்த படத்தின் இசை வெளியீட்டு விழா மார்ச் 20ல் நடைபெறலாம் என எதிர்பார்க்கப்பட்டது.

ஆனால் கொரோனா சூழ்நிலை காரணமாக நடைபெறவில்லை.

எனவே ‘பீஸ்ட்’ படம் ரிலீசை விஜய் ரசிகர்கள் ஆவலாக எதிர்பார்த்தனர்.

ஏப்ரல் 14 தமிழ் புத்தாண்டு தினத்தில் வெளியாகும் என கூறப்பட்டதால் அந்த அறிவிப்பை ரசிகர்கள் எதிர்நோக்கி காத்திருந்த நிலையில் பீஸ்ட் திரைப்படம் ஏப்ரல் 13ம் தேதி (ஒரு நாள் முன்னதாக) திரையரங்கில் வெளியாகும் என தயாரிப்பு நிறுவனமான சன் பிக்சர்ஸ் இன்று அறிவித்துள்ளது.

இந்த அறிவிப்பு நிச்சயம் விஜய் ரசிகர்களுக்கு இன்ப அதிர்ச்சியாக தான் இருக்கும் என்பதில் எள்ளளவும் சந்தேகமில்லை.

Here’s Vijay’s Beast official release date

ரஜினி வரிசையில் புரொமோசன் பெற்ற நடிகர் லிங்கேஷ்..; ரஞ்சித் பாராட்டு

ரஜினி வரிசையில் புரொமோசன் பெற்ற நடிகர் லிங்கேஷ்..; ரஞ்சித் பாராட்டு

ரஜினியுடன் கபாலி, கஜினிகாந்த், குண்டு, மெட்ராஸ், வி1, பரியேறும்பெருமாள் உள்ளிட்ட படங்களில் வில்லனாக நடித்தவர் லிங்கேஷ்.

தற்போது இரண்டு படங்களில் கதாநாயகனாக நடித்துவருகிறார்.

(ரஜினி, சத்யராஜ், சரத்குமார் உள்ளிட்ட பல நடிகர்கள் வில்லனாக நடித்து பின்னரே ஹீரோவாக புரோமோசன் அடைந்தார்கள் என்பது குறிப்பிடத்தக்கது.)

மாணவர்களின் கல்விக்கடன் அதன் பின்னால் இருக்கும் அரசியல், சமூக பிரச்சினைகள் பற்றி திரில்லர் காமெடி கலந்த கதையமைப்போடு ‘காலேஜ்ரோடு’ படத்தை உருவாக்கியிருக்கிறார்கள்.

M P Entertainment தயாரிப்பில் அறிமுக இயக்குனர் ஜெய் அமர்சிங் இயக்கியிருக்கிறார். ஆப்ரோ இசையமைப்பில் கதைநாயகனாக லிங்கேஷ் நடித்திருக்கிறார்.
படப்பிடிப்பு முடிந்து வெளியீட்டுக்கு தயாராக இருக்கிறது.விரைவில் திரைக்கு வரும் இந்தப்படத்தில் இசையமைப்பாளராக பா.இரஞ்சித்தின் கேஸ்ட்லெஸ் கலெக்டிவ் குழுவில் பணியாற்றிய ஆப்ரோ இசையமைத்திருக்கிறார்

இந்தபடத்தை சமீபத்தில் பார்த்த பா.இரஞ்சித் லிங்கேஷை பாராட்டியிருக்கிறார்.

மாணவர்களின் கல்விக்கடன் குறித்த அரசியல் பேசினாலும் கமர்சியலாக இருக்கிறது , மாணவர்களுக்கு நிச்சயம் பிடிக்கும் என்று கூறி குழுவினருக்கு வாழ்த்துக்கள் சொல்லியிருக்கிறார்

மகிழ்ச்சியான காலேஜ்ரோடு குழுவினர் வெளியீட்டுக்கு தயாராகின்றனர். சமூகத்தின் அழுத்தத்தால் மனிதனின் இயல்பான காதலும், அதன் பொருட்டு நடக்கும் சிக்கல்களையும் உணர்வுப்பூர்வமாக பேசும் ‘காயல்’ என்கிறபடத்திலும் நாயகனாக நடித்து வருகிறார்.

நடுவுல கொஞ்சம் பக்கத்தை காணோம் காயத்ரி , பாடகர் ஸ்வாகதா க்ரிஷ்ணன் , அனுமோல் நடித்துள்ளார்கள்.

இயக்குனர் தமயமந்தி இயக்கத்தில் ‘காயல்’ படத்தின் படப்பிடிப்பு பாண்டிச்சேரி, காரைக்கால் உள்ளிட்ட பகுதிகளில் படப்பிடிப்பு நடைபெற்று இறுதிக்கட்ட பணிகள் நடைபெருகிறது.

கதையின் நாயகனாக நடிக்க ஆரம்பித்துவிட்டீர்கள் இனி நாயகனாக மட்டுமே நடிப்பீர்களா என்கிற கேள்விக்கு….

நான் நடிகன் நடிக்க வந்திருக்கிறேன் .இதில் எந்த வேடம் கொடுத்தாலும் நடிப்பதுதான் நடிகனின் கடமை. இரண்டு படங்களில் கதா நாயகனாக நடிக்க வாய்ப்பு வந்தது நடித்தேன். வில்லன் வேடம் வந்தாலும் நடிப்பேன். கதைதான் கதாபாத்திரங்களை தீர்மானிக்கிறது, அந்த கதாபாத்திரங்களில் நமக்கு எது பொருத்தமாக இருக்கிறதோ அதைதான் இயக்குனர்கள் நமக்கு கொடுக்கப்போகிறார்கள்.

நமக்கு பொருத்தமானதாக இருக்கும்பட்சத்தில் எந்த கதாபாத்திரமாக இருந்தாலும் நடிப்பேன். மொத்ததில் நல்ல நடிகனாக இருக்கவேண்டும் அவ்வளவுதான் ‘இயக்குனர்களின் நடிகனாகவே இருக்க ஆசைப்படுகிறேன்” என்கிறார் லிங்கேஷ்.

Actor Lingesh movie College Road news updates

மோகனை ஆக்சன் களத்தில் இறக்கிய விஜய்ஸ்ரீ..; ‘ஹரா’ இனி வேற லெவல்

மோகனை ஆக்சன் களத்தில் இறக்கிய விஜய்ஸ்ரீ..; ‘ஹரா’ இனி வேற லெவல்

1980களில் ரஜினி கமல் உச்சத்தில் இருந்தபோதே அவர்களுக்கு இணையாக ரசிகர்களால் பெரிதும் கொண்டாடப்பட்ட நடிகர் மோகன்.

இவரது படங்களும் சரி பாடல்களும் சரி சூப்பர் டூப்பர் ஹிட்டடித்தன. இவருடைய படங்கள் பெரும்பாலும் வெள்ளி விழா படங்களே. எனவே இவரை வெள்ளி விழா நாயகன் என்று அழைப்போரும் உண்டு.

இவரது படங்களில் இடம்பெற்ற பாடல்களுக்கு என்றே தனி ரசிகர்கள் ரசிகைகள் பட்டாளமும் உண்டு.

90கள் வரை நடித்து வந்த இவர் ஏனோ சினிமாவில் நடிப்பதை நிறுத்திக் கொண்டார். ஓரிரு படங்களில் பின்னர் நடித்தாலும் அவை எதிர்பார்த்த வெற்றியை பெறவில்லை.

இதன்பின்னர் பிரபல தயாரிப்பாளர்கள் இயக்குனர்கள் என பலர் இவரை நடிக்க அழைத்தாலும் ஏனோ வரவில்லை.

ஆனால்…. என்ன மாயம் மந்திரம் செய்தாரோ-? நடிகர் மோகனை கிட்டத்தட்ட 15 வருடங்களுக்கு பிறகு அதே ஹீரோவாகவே நடிக்க அழைக்க வந்துவிட்டார் இயக்குனர் விஜய்ஸ்ரீ.

இவர்கள் இணையும் படத்தின் அறிவிப்பை 2022 புத்தாண்டு பிறந்த தினத்தில் வெளியிட்டனர்.

‘ஹரா’ என்று தலைப்பிடப்பட்டுள்ள இந்த படத்தில் நாயகியாக குஷ்பூ நடிக்கிறார். மோகனுடன் குஷ்பூ இணையும் முதல் தமிழ் படம் இதுவாகும். தயாரிப்பாளர் எஸ்.பி.மோகன்ராஜ் இந்த படத்தை பிரம்மாண்டமாக தயாரிக்கிறார்.

இந்த நிலையில் ‘ஹரா’ படத்தின் முதற்கட்ட சூட்டிங்கை சென்னையில் ஓரிரு தினங்களுக்கு முன் தொடங்கிவிட்டார் விஜய்ஸ்ரீ.

அனல் பறக்கும் ஆக்சன் காட்சிகளில் மோகனை நடிக்க வைத்து படமாக்கியிருக்கிறார்.

80களில் மோகன் நடித்தபோது பெரும்பாலும் ரொமான்டிக் படங்களில் மட்டுமே நடித்து வந்தார். தற்போது அவரை ஆக்சன் ஹீரோவாக்கும் முயற்சியில் இறங்கியுள்ளார் இயக்குனர்.

இது தொடர்பான போஸ்டர்களில் டெரர் லுக்கில் தாடியுடன் காணப்படுகிறார் மோகன்.

ஹராவின் கதைப்படி சட்ட நுனுக்களை சாமானியனும் தெரிந்துக் கொள்ள வேண்டும் என கதைக்களம் அமைத்திருக்கிறாராம் விஜய்ஸ்ரீ.

‘ஹரா’ படத்தின் 2ஆம் கட்ட படப்பிடிப்பை கோவை உள்ளிட்ட பகுதிகளில் ஒரு மாதம் நடத்தவிருக்கிறார்களாம்.

ம்…ம்… அப்படின்னா ‘ஹரா’…. வேற லெவல் தான்…

Vijay Sri kick starts his Haraa with Mohan in Action mode

தியேட்டரில் ஓடாத ‘வலிமை’-யை ஓடிடியில் வெளியிட பிரம்மாண்ட ஏற்பாடு

தியேட்டரில் ஓடாத ‘வலிமை’-யை ஓடிடியில் வெளியிட பிரம்மாண்ட ஏற்பாடு

அஜித் நடிப்பில் வினோத் இயக்கத்தில் உருவான ‘வலிமை’ படம் கடந்த் பிப்ரவரி 24ல் தியேட்டர்களில் 4 மொழிகளில் வெளியானது.

இந்த படத்தை உலகமெங்கும் பிரம்மாண்டமாக ரிலீஸ் செய்தார் தயாரிப்பாளர் போனிகபூர்.

மோசமான விமர்சனங்கள் படத்திற்கு கிடைத்துவிட்டதால் ஓரிரு தினங்களுக்கு பிறகு ஓப்பனிங் கிடைக்கவில்லை.

தற்போது ரிலீசாகி 25 நாட்களை கடந்து விட்ட நிலையில் ஜீ5 ஓடிடி தளத்தில் மார்ச் 25ல் வலிமையை ஒளிப்பரப்ப செய்யவுள்ளனர்.

இதற்கான அறிவிப்பை சென்னை YMCA மைதானத்தில் 10,000 சதுர அடி பிரம்மாண்ட போஸ்டர் மூலம் அறிவித்தது ஜீ5 நிறுவனம்.

இந்த புகைப்படங்கள் மற்றும் வீடியோக்கள் இணையங்களில் வைரலாகி வருவது குறிப்பிடத்தக்கது.

Ajiths Valimai on Zee 5 OTT announced with a 10000 sq ft poster

நடிகர் சங்க தேர்தல் முடிவுகள் : நாசர் விஷால் கார்த்தி அணியினர் வெற்றி.. பாக்யராஜ் தோல்வி

நடிகர் சங்க தேர்தல் முடிவுகள் : நாசர் விஷால் கார்த்தி அணியினர் வெற்றி.. பாக்யராஜ் தோல்வி

மூன்று ஆண்டுகளுக்கு முன்பு நடிகர் சங்கத் தலைவராக நாசர், பொதுச் செயலாளராக விஷால் பொருளாளராக கார்த்தி பதவி வகித்தனர்.

அதன்பின்னர் கடந்த 2019ல் ஜூன் 23ம் தேதி தென்னிந்திய நடிகர் சங்கத் தேர்தல் நடைபெற்றது.

கடந்த 30 மாதங்களாக நடிகர் சங்கத் தேர்தல் முடிவுகள் அறிவிக்கப்படாமல் காத்து கிடந்தன.

கே.பாக்யராஜ் தலைமையில் ஒரு அணியினரும், நாசர் தலைமையில் ஒரு அணியினரும் போட்டியிட்டனர்.
ஆனால் தேர்தலை எதிர்த்து தொடரப்பட்ட வழக்கால் தேர்தலை செல்லாது என நீதிமன்றம் அறிவித்தது. இதனால் பதிவான வாக்குகள் அப்படியே எண்ணப்படாமல் இருந்தன.

தேர்தல் வாக்குகள், சென்னை நுங்கம்பாக்கத்தில் உள்ள சவுத் இந்தியன் வங்கி கிளை பாதுகாப்பு பெட்டகத்தில் வைக்கப்பட்டுள்ளன.

இதனையடுத்து தேர்தல் செல்லாது என்ற தீர்ப்பை எதிர்த்து நாசர், விஷால், கார்த்தி ஆகியோர் மேல்முறையீடு செய்தனர்.

நீதிபதிகள் அடங்கிய பெஞ்ச் தேர்தல் செல்லும் என்று அறிவித்து வாக்குகளை எண்ணவும் உத்தரவிட்டது.

அதன்பின்னர் ஏழுமலை என்ற துணை நடிகர் உச்சநீதி மன்றத்தில் வழக்கு தொடர்ந்தார். அந்த வழக்கும் தள்ளுபடி செய்யப்பட்டது.

இந்த நிலையில் கிட்டத்தட்ட 3 வருடங்களுக்கு பிறகு இன்று மார்ச் 20 சென்னை நுங்கம்பாக்கம் பகுதியில் அமைந்துள்ள குட் ஷெப்பர்ட் பள்ளி வளாகத்தில் காலை ஓட்டு எண்ணிக்கை நடைபெற்றது.

வேட்பாளர்களின் பிரதிநிதிகள் முன்னிலையில் வாக்குகள் எண்ணப்பட்டன. இதற்காக பலத்த போலீஸ் பாதுகாப்பும் ஏற்பாடு செய்யப்பட்டிருக்கிறது.

பாண்டவர் அணி தரப்பில் தலைவர் பதவிக்கு நாசர், பொதுச்செயலாளர் பதவிக்கு விஷால், பொருளாளர் பதவிக்கு கார்த்தி ஆகியோர் போட்டியிட்டனர். சங்கரதாஸ் அணி தரப்பில் தலைவர் பதவிக்கு பாக்யராஜ், பொதுச்செயலாளர் பதவிக்கு ஐசரி கணேஷ், பொருளாளர் பதவிக்கு நடிகர் பிரஷாந்த் ஆகியோர் போட்டியிட்டனர்.
மொத்தம் 29 பதவிகளுக்கு நடந்த தேர்தலில் ஆரம்பம் முதலே பெரும்பாலும் பாண்டவர் அணியே முன்னிலை வகித்தது.

தலைவர் பதவிக்காக போட்டியிட்ட நாசர், பொருளாளர் பதவிக்கு போட்டியிட்ட கார்த்தி, பொது செயலாளர் பதவிக்கு போட்டியிட்ட விஷால் ஆகியோர் வெற்றி பெற்றனர். துணைத் தலைவர் (2) பதவிகளுக்கு பூச்சி முருகன் மற்றும் கருணாஸ் தேர்ந்தெடுக்கப்பட்டுள்ளனர்.

வெற்றிக்கு பிறகு நடிகர் கார்த்தி கூறியதாவது ;

நடிகர் சங்க தேர்தலில் 2 ஆண்டு சட்ட போராட்டத்திற்கு பிறகு வெற்றி கிடைத்துள்ளது . பதவியேற்கும் நாளிலிருந்து 3 ஆண்டுகள் பதவி வகிப்போம். இந்த 3 ஆண்டுகளில் நடிகர் சங்க கட்டடம் கட்டி முடிக்கப்படும்” இவ்வாறு கார்த்தி கூறினார்

எதிர் தரப்பில் பாக்யராஜ், ஐசரி கணேஷ் தலைமையில் போட்டியிட்ட சுவாமி சங்கரதாஸ் அணி தோல்வியை தழுவியுள்ளது.

தேர்தல் நாளன்று பதிவானதாக கூறிய வாக்குகளை விட வாக்குப்பெட்டியில் 138 வாக்குச்சீட்டுகள் அதிகமாக இருந்ததாக குற்றம் சாட்டியது இந்த அணி. எனவே பாக்யராஜ் தலைமையிலான சுவாமி சங்கரதாஸ் அணியினர் வாக்கு எண்ணிக்கையின் போதே மையத்தை விட்டு வெளியேறினர் என்பது குறிப்பிடத்தக்கது.

நடிகர் பிரஷாந்த் கூறியதாவது… “வாக்கு பெட்டியில் வாக்கு சீட்டுக்கள் அதிகமானது எப்படி.? இதைப்பற்றி பேச ஏன் எதிர் அணியினர் தயங்குகிறார்கள்.” என கூறினார்.

சங்கரதாஸ் அணியை சார்ந்த ஐசரி கணேசனும் ஓய்வு பெற்ற நீதிபதி பத்பநாபனிடம் இதுபற்றி புகார் அளித்துள்ளார் என்பது குறிப்பிடத்தக்கது.

2022 Nadigar Sangam Election Result Nassar Vishal Karthi won

More Articles
Follows