By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
விஜய் நடிக்கும் அவரின் 67 வது படத்தை இயக்கி வருகிறார் லோகேஷ் கனகராஜ். இந்த படத்தை 7 ஸ்க்ரீன் ஸ்டுடியோ நிறுவனம் தயாரிக்க அனிருத் இசை அமைக்கிறார்.
படத்தில் விஜய்யுடன் நடிக்கும் கலைஞர்கள் பற்றிய விவரங்கள் ஏற்கனவே வெளியான நிலையில் தற்போது அதிகாரப்பூர்வமாக அறிவித்துள்ளனர்.
காஷ்மீரில் நடக்கும் 2வது கட்ட படப்பிடிப்புக்காக ‘தளபதி 67’ படக்குழுவினர் நேற்று ஜனவரி 31 காலை தனி விமானத்தில் சென்றுள்ளனர்.
இதனை படத்தின் நிர்வாகத் தயாரிப்பாளர் விமான டிக்கெட்டுடன் பகிர்ந்தும் இருந்தார்.
மேலும் ‘தளபதி 67’ படத்தில் இணைந்து பணியாற்றும் நடிகர்களையும் படத் தயாரிப்பு நிறுவனம் நேற்று வெளியிட்டது.
பாலிவுட் நடிகர் சஞ்சய் தத், இளம் நடிகர் மேத்யூ தாமஸ், நடிகர் மன்சூர் அலிகான், இயக்குநர் மிஷ்கின், நடன இயக்குநர் சாண்டி, நடிகை பிரியா ஆனந்த் ஆகியோர் பெயர்களை அடுத்தடுத்து வெளியிட்டனர்.
இயக்குநர் மற்றும் நடிகர்களான கெளதம் வாசுதேவ மேனன், அர்ஜுன் ஆகியோர் பெயர்களை வெளியிட்டு, ‘இத்துடன் நேற்றைய ‘தளபதி 67’ அப்டேட்ஸ் முடிவு அடைகிறது” என குறிப்பிட்டது.
பிரியா ஆனந்த்…
“தளபதி 67 படத்தில் நடிப்பது த்ரில்லாக உள்ளது. ஒரு அற்புதமான படக்குழுவினருடன் பணிபுரிவதை எதிர்நோக்கி உள்ளேன்”
(அஜித் – ஸ்ரீதேவி நடித்த ‘இங்கிலீஷ் விங்கிலீஸ்’ படத்தில் பிரியா நடித்திருந்தார் என்பது குறிப்பிடத்தக்கது)
நடன இயக்குநர் சாண்டி..
“இது ஒரு ஸ்பெஷல் ஃபீலிங். லோகேஷ் கனகராஜ் இயக்கும் இப்படி ஒரு பிரம்மாண்டமான படத்தில் நான் நடிப்பது எனக்கே ஒரு புது அனுபவமாக உள்ளது.
தளபதி விஜய் உடன் நடிக்க உள்ளதை வார்த்தைகளால் விவரிக்க முடியவில்லை” என கூறியிருப்பதாக போஸ்டரில் தெரிவிக்கப்பட்டுள்ளது.
இயக்குநர் மிஷ்கின்…
“21 வருடங்களுக்கு முன் விஜய் நடித்த படத்தில் அசோசியேட் இயக்குனராக பணிபுரிந்தேன். இத்தனை வருடங்களில் ஒரு விஷயம் மாறாமல் உள்ளது. அது விஜய்க்கும் எனக்கும் உள்ள பிணைப்பு..
மன்சூர் அலிகான்…
“யானும் இணைந்தேன். தளபதி 67இல் லோகேஷ் நீ ஆர்ப்பரித்து எழு; திரையில் விரைவில் சந்திப்போம் மக்களே” என அந்த போஸ்டரில் தெரிவித்துள்ளார்.
இயக்குநர் கெளதம் வாசுதேவ் மேனன்…
“இந்த நேரத்தில் கேமரா முன் மற்றும் திரைத்துறையில் கைதேர்ந்தவர்களுடன் தோள்சேர்ந்து நிற்கிறேன். தளபதி 67ல் தானும் இணைந்திருப்பதில் மகிழ்ச்சி”
இயக்குநரும் நடிகருமான அர்ஜுன், ”ஒரு அற்புதமான கேப்டனால் (லோகேஷ் கனகராஜ்) வழிநடத்தப்படும் கப்பலில் ஏறுகிறேன்”.
இவ்வாறு படத்தில் நடிக்க உள்ள நடிகர் நடிகைகள் ‘தளபதி 67’ குறித்த தங்களின் கருத்தை தெரிவித்திருந்தனர்.
‘Thalapathi 67’ Update: Expected Actors…Unexpected Ajith Movie Actress
