By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
1978ம் ஆண்டு ஆகஸ்ட் மாதம் 10ம் தேதி வெளியான ‘கிழக்கே போகும் ரயில்’ படத்தின் மூலம் நாயகியாக அறிமுகமானார் ராதிகா.
இவர் தமிழ், தெலுங்கு, மலையாளம், கன்னடம், இந்தி உள்ளிட்ட மொழிகளில் பல படங்களில் நடித்துள்ளார்.
சிவாஜி ரஜினி கமல் சரத்குமார் முதல் தனுஷ் சிவகார்த்திகேயன் விஜய்சேதுபதி வரை அனைவருடனும் நடித்துள்ளார்.
தமிழில் பல டிவி தொடர்களிலும் நடித்துள்ளார்.
தற்போதும் சினிமா, டிவி என மிகவும் பிசியாகவே இருக்கிறார் ராதிகா.
இன்றோடு இவர் திரைக்கு வந்து
43 ஆண்டுகள் நிறைவடைந்துள்ளது.
தற்போது டிரம் ஸ்டிக் புரொடக்ஷன்ஸ் சார்பில் வெடிக்காரன்பட்டி எஸ்.சக்திவேல் தயாரித்து வரும் #AV33 படத்தின் படபிடிப்பு காரைக்குடியில் நடந்துவருகிறது.
அருண்விஜய் நாயகனாக நடிக்க அதிரடி இயக்குநர் ஹரி இயக்கிவரும் இப்படத்தில் இன்று ராதிகா நடித்து வந்தார்.
43 வருடம் நிறைவை ஒட்டி படகுழு சார்பில் பெரிய கேக் ஒன்று ஏற்பாடு செய்யப்பட்டது.
இதன் படபிடிப்பு இடைவேளையில் சர்பிரைசாக கேக் கொண்டுவரப்பட்டு பாட்டு பாடி உற்சாகமாகக் கேக் வெட்டி கொண்டாடினார்கள்.
ராதிகா அவர்களுக்கு டைரக்டர் ஹரி, அருண்விஜய், தயாரிப்பாளர் வெடிக்காரன்பட்டி எஸ்.சக்திவேல், இணை தயாரிப்பாளர் ஜி.அருண்குமார், ஒளிப்பதிவாளர் கோபிநாத், யோகிபாபு, ராஜேஷ், இமான் அண்ணாச்சி, அம்மு அபிராமி மற்றும் அனைவரும் வாழ்த்து தெரிவித்தார்கள்.
ராதிகாவிற்கு அவரது கணவர் சரத்குமார் வாழ்த்து தெரிவித்துள்ளார்.
அதில்… “அன்பு மனைவி மற்றும் சிறந்த தோழிக்கு, சினிமா துறையில் 43 ஆண்டுகள் புகழுடன் இருப்பதற்கு மனமார்ந்த வாழ்த்துகள்.
நீங்கள் ஒரு சிறந்த நடிகையாக மட்டும் உங்களை அடையாளப்படுத்திக் கொள்ளவில்லை. குறை சொல்ல முடியாத நடிகையாகவும், தொழில் முனைவோராகவும் முத்திரை பதித்துள்ளீர்கள்.
இனி வரும் காலங்களில் மறக்க முடியாத கதாபாத்திரங்கள், வெற்றிகள் ஆகியவற்றை உங்களது நடிப்பின் மூலம் உருவாக்குவீர்கள் என எதிர்பார்க்கிறேன். கடவுள் உங்களை ஆசீர்வதிப்பார் ராதிகா,” என பாராட்டி வாழ்த்தியுள்ளார் சரத்குமார்.
#43YearsOfRadhika
Sarath Kumar wishes his wife Radika on completing 43 years in cine industry
