By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
சந்தானம் ஹீரோவாக நடிக்கும் ஓரிரு படங்கள் சூப்பர் ஹிட்டும் ஓரிரு படங்கள் தோல்வியை தழுவியும் வருகின்றன.
ஹீரோவானாலும் தன்னுடைய படங்களில் நடிப்பவர்களை கலாய்த்து ஓட்டிக் கொண்டுதான் இருக்கிறார் சந்தானம்.
இவரது நடிப்பில் உருவாகி ரிலீசுக்கு தயாராக சர்வர் சுந்தரம், டிக்கிலோனா, சபாபதி உள்ளிட்ட படங்கள் உள்ளன.
கொரோனா சூழ்நிலையால் கிட்டத்தட்ட 2 வருடங்களுக்கு மேலாக இவை கிடப்பில் உள்ளன.
இந்நிலையில் ‘டிக்கிலோனா’ மற்றும் ‘சர்வர் சுந்தரம்’ ஆகிய படங்கள் ஓடிடியில் ரிலீசாக உள்ளதாக தகவல்கள் வெளியாகியுள்ளன
‘சர்வர் சுந்தரம்’ படத்தை 2017ல் வெளியிட திட்டமிட்டனர்.
பல முறை இப்படத்தின் வெளியீட்டை அறிவித்தாலும் படம் வெளியாகவில்லை. இப்போது ஓடிடியில் வெளியிட பேச்சுவார்த்தை நடத்தி வருகிறார்களாம்.
சந்தானம் நாயகனாக நடித்துள்ள மற்றொரு படமான ‘டிக்கிலோனா’ படத்திற்கும் இதே நிலைதான்.
கார்த்திக் யோகி இயக்கத்தில் யுவன் இசையமைத்துள்ள இப்படத்தில் அனகா, ஷெரின் கான்ச்வாலா கதாநாயகிகளாக நடித்துள்ளனர்.
இவர்களுடன் ஹர்பஜன் சிங், யோகிபாபு, மொட்டை ராஜேந்திரன், முனீஸ்காந்த், ஆனந்தராஜ் உள்ளிட்ட நட்சத்திரங்களும் இணைந்துள்ளனர்.
சந்தானம் மூன்று விதமான கெட்டப்களில் இந்தப்படத்தில் நடித்துள்ளார்.
டைம் டிராவலை மையப்படுத்தி ‘டிக்கிலோனா’ படத்தின் டிரைலர் வெளியாகி ரசிகர்களை கவர்ந்துள்ளது.
டிக்கிலோனா படம் ஜீ5 ஓடிடி தளத்தில் நேரடியாக ரிலீசாக உள்ளதாக கூறப்படுகிறது. எனவே இதுகுறித்த அதிகாரப்பூர்வ அறிவிப்பை விரைவில் எதிர்ப்பார்க்கலாம்.
Santhanam next films to have direct OTT release
