தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பல கதைகள், பல நகர்வுகள், பல காட்சிகள் என பல விதமான விதங்களில் தமிழ் சினிமாவை உயிர் வாழ வைத்தாலும், குழந்தைகளை கவரும் திரைப்படங்கள் என்னவோ சற்று குறைவு தான்.
விரல் விட்டும் எண்ணும் வகையிலே இந்த மாதிரியான படங்கள் வெளிவருகிறது. அந்த வகையில் குழந்தைகளை மட்டுமே முன்னிறுத்தி அவர்களின் குறும்புத்தனங்களை வைத்தும் சில சஸ்பென்ஸ், திரில்லிங் வைத்தும் உருவாக்கப்பட்டுள்ளது தான் ‘சங்குச்சக்கரம்’.
அந்த வகையில் குடும்பத்தோடு வந்து பார்த்து, பொங்கி சிரித்து பூரித்து ரசித்து மகிழும் படமாக வருகிறது ‘சங்கு சக்கரம்’.
லியோ விஷன்ஸ் சார்பில் வி.எஸ்.ராஜ்குமாரும், சினிமா வாலா பிக்சர்ஸ் சார்பில் கே.சதீஷும் இணைந்து தயாரித்துள்ளனர்.
இப்படத்தை மாரீசன் இயக்கியுள்ளார்.
‘நடுவுல கொஞ்சம் பக்கத்தைக் காணோம்’, ‘இதற்குத்தானே ஆசைப்பட்டாய் பாலகுமாரா’ போன்ற நகைச்சுவையும் கிண்டல் கேலியும் நிறைந்த படங்களை தயாரித்தவர்கள் இவர்கள்தான்.
ஸ்டண்ட் மாஸ்டர் திலீப் சுப்பராயன், கீதா, ‘பசங்க’ படப் புகழ் நிஷேஷ் ஆகியோருடன் எட்டு சிறுவர் சிறுமியர்கள் முக்கிய கதாபாத்திரத்தில் நடிக்கின்றனர்.
இந்த கூட்டணிகள் செய்யும் சில வீர, தீர செயல்கள், சந்திக்கும் சிக்கல்கள், ஆகியவற்றை திரில்லாகவும் நகைச்சுவையாகவும் கூற வருவதுதான் இந்த ‘சங்கு சக்கரம்’.
‘ஜில் ஜங் ஜக்’ படத்தை படத்திற்கு இசையமைத்த விஷால் சந்திரசேகர்தான் இந்தப் படத்துக்கும் இசை அமைக்கிறார். ஒளிப்பதிவு ஜி.ரவி கண்ணன், கலை இயக்கம் ஜெய்.
“படத்துக்கு சங்க சக்கரம் என்று பெயர் வைத்தது ஏன்..?” என்று இயக்குநர் மாரிசனிடம் கேட்டதற்கு அவர் சொன்னதாவது…
“சஸ்பென்ஸ், திரில், சுவாரஸ்யம், கிண்டல், கேலி, நக்கல், நையாண்டி, எள்ளல், ஏகடியம் எல்லாம் கலந்த ஒரு சுழலில், படம் பார்க்கும் ரசிகர்கள் சிக்கிச் சுழன்று சந்தோஷத்தில் திளைப்பார்கள்.
அதாவது தீபாவளிக்கு சங்கு சக்கரம் விடுகிற மாதிரியான சந்தோஷத்தில்.. அதனால்தான் ‘சங்கு சக்கரம்’ என்கிற டைட்டிலை வைத்தோம்.
மேலும் கதை முழுவதும் குழந்தைகளை சுற்றியே நிகழ்வதால் குழந்தைகளின் கொஞ்சல்கள் முதல் திகில் வரை அனைத்தையும் காணலாம்.”என்றார்.
இப்படத்தை டிசம்பர் 2 அல்லது 3வது வாரத்தில் வெளியிட உள்ளதாக தகவல்கள் வந்துள்ளன.
அப்படியென்றால் கிறிஸ்மஸ் வாரத்தில் குழந்தைகள் தீபாவளி விருந்து இருக்கும் என எதிர்பார்க்கலாம்.