தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஜீவா நடித்த கச்சேரி ஆரம்பம் படத்தை தொடர்ந்து, அட்ரா மச்சான் விசிலு என்ற படத்தை இயக்கியுள்ளார் திரைவண்ணன்.
கோபி தயாரித்துள்ள இப்படத்தில் சிவா மற்றும் பவர்ஸ்டார் சீனிவாசன் நாயகர்களாக நடித்துள்ளனர்.
இவர்களுடன் நய்னா, சென்ட்ராயன், சிங்கமுத்து, மதுமிதா உள்ளிட்டோர் நடித்துள்ளனர். ரகுநந்தன் இசைமைத்துள்ளார்.
விரைவில் இப்படம் வெளியாகவுள்ள நிலையில், சற்றுமுன் பத்திரிகையாளர்களை இப்படக்குழுவினர் சந்தித்தனர்.
அப்போது பவர்ஸ்டார் சீனிவாசன் பேசியதாவது….
“என்னை வாழவைத்தும் கொண்டிருக்கும் என் உடன்பிறப்புகளுக்கு என் வணக்கம்.
இப்படத்தில் நான்தான் ஹீரோ என்று என்னை கமிட் செய்தார்கள். ஆனால் மிர்ச்சி சிவாதான் ஹீரோ என்கிறார்கள்.
நான் ஒரு காமெடி பீஸ் என்று சொல்லி கமிட் செய்தாலும் பரவாயில்லை. ஆனால் ஹீரோ என்று சொல்லி ஏமாற்றிவிடுகிறார்கள்.
ஹீரோயினை கட்டிபிடிக்கும் காட்சிகள் கூட இல்லை. ஆனால் என்னை கமிட் செய்தால் படம் ஓடும் என்கிறார்கள். எனவே அவர்களுக்காக நடிக்கிறேன்.
லத்திகாவை போன்று இனி நானே தாயாரித்து நடித்தால்தான் ஹீரோயின் உடன் ஆடி பாட முடியும்.
என்னுடைய ஆனந்த தொல்லை படத்தை இயக்கிய பாலு ஆனந்த் இறந்துவிட்டார். அவர் இருந்திருந்தால் என்னுடை படத்தை பார்த்துவிட்டு சந்தோஷமாக இறந்திருப்பார்” என்று பேசினார்.