தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழக சட்டசபைத் தேர்தல் களம் அனல் பறக்கிறது.
எனவே அரசியல் கட்சியினர் தங்கள் வேட்பு மனுவை தாக்கல் செய்து வருகின்றனர்.
மறைந்த முன்னாள் முதல்வர்கள் ஜெயலலிதா, கருணாநிதி, முன்னாள் மத்திய அமைச்சர் ப.சிதம்பரம், சூப்பர் ஸ்டார் ரஜினிகாந்த் ஆகியோரின் வீடுகள் ஆயிரம் விளக்கு தொகுதியில் உள்ளது.
எனவே இதை விஐபி.க்கள் ஏரியா என்பர்.
ஆயிரம் விளக்கு தொகுதி திமுக.வின் கோட்டை என்றே அழைக்கப்படுகிறது.
கடந்த 2016ஆம் ஆண்டு திமுகவில் இருந்தவர் (தற்போதைய பாஜகவை சேர்ந்தவர்) கு.க.செல்வம் ஆயிரம் விளக்கு தொகுதியில் நின்று தான் வெற்றி அடைந்தார்.
இங்கு பாஜக. சார்பில் போட்டியிட பாஜக வேட்பாளர் குஷ்பு இன்று மார்ச் 18ல் வேட்புமனுவை தாக்கல் செய்தார்.
இந்த தொகுதியில் திமுக சார்பில் டாக்டர் எழிலன், அமமுகவை சேர்ந்த வைத்தியநாதன், நாம் தமிழர் ஷெரீன் ஆகியோர் களம் காண்கின்றனர்.
பாஜக வேட்பாளர் அண்ணாமலை அரவக்குறிச்சி தொகுதியில் போட்டியிட வேட்பு மனு தாக்கல் செய்தார்.
திரைப்பட பாடலாசிரியர் கவிஞர் சிநேகன் விருகம்பாக்கம் சட்டமன்ற தொகுதிக்கு மக்கள் நீதி மய்ய உறுப்பினர்களுடன் சென்று இன்று வேட்புமனு தாக்கல் செய்தார்.
தமிழக பாஜக தலைவர் எல்.முருகன் தாராபுரம் (தனி) தொகுதியில் போட்டியிடுகிறார். இன்று காலை 11.15 மணிக்கு மனுதாக்கல் செய்தார்.
டெபாசிட் தொகையாக 5 ஆயிரம் ரூபாயை 5 மற்றும் பத்து ரூபாய் என தொண்டர்களிடமிருந்து நன்கொடையாக பெற்ற பணத்தை முருகன் வழங்கினார்.
2006இல் விருத்தாச்சலம் தொகுதியில் தனித்து நின்று வென்றார் விஜயகாந்த்.
அவரின் மனைவி பிரேமலதா விஜயகாந்த் இந்த முறை அங்கு போட்டியிட வேட்பு மனுதாக்கல் செய்துள்ளார். இன்று பிரேமலதாவின் 52வது பிறந்தநாள் என்பதும் குறிப்பிடத்தக்கது.
அமமுக மற்றும் தேமுதிக இந்த முறை கூட்டணி அமைத்துள்ளனர். முதல்வர் வேட்பாளராக டிடிவி தினகரன் நிற்கிறார்.
60 தொகுதிகளில் தேமுதிக போட்டியிடுகிறது. ஆனால் தேர்தலுக்கு குறைவான காலமே இருப்பதால் மற்ற தொகுதிகளில் பிரச்சாரம் செய்யாமல் விருத்தாச்சலம் தொகுதியில் மட்டும் பிரச்சாரம் செய்யவிருக்கிறாராம் பிரேமலதா.
MNM and BJP cadidates files nomination for their constituencies